ଅଟକିଲା ମୋଦିଙ୍କ ବିଜୟ ରଥ : ୫ ରାଜ୍ୟ ନିର୍ବାଚନରେ ବିଜେପିର ପରାଜୟକୁ ନେଇ ପାକିସ୍ତାନରେ ଚର୍ଚ୍ଚା

1

ଭୁବନେଶ୍ୱର : ଭାରତର ୫ଟି ରାଜ୍ୟରେ ହୋଇଥିବା ବିଧାନସଭା ନିର୍ବାଚନରେ ବିଜେପିର ନୈରାଶ୍ୟଜନକ ପ୍ରଦର୍ଶନକୁ ନେଇ ପାକିସ୍ତାନରେ ବି ଚର୍ଚ୍ଚା ହେଉଛି । ବିଜେପିର ଏହି ପରାଜୟ ଫଳରେ ୨୦୧୯ ସାଧାରଣ ନିର୍ବାଚନରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପୁଣିଥରେ ନିର୍ବାଚନ ଜିତିବା କଷ୍ଟକର ହୋଇପଡିବ ବୋଲି ବିଭିନ୍ନ ପ୍ରମୁଖ ସମ୍ବାଦପତ୍ର ଖବର ପ୍ରକାଶ କରିଛନ୍ତି ।

ପ୍ରମୁଖ ପାକିସ୍ତାନୀ ସମ୍ବାଦପତ୍ର ଦ ଡନ କହିଛି ଯେ ଏସବୁ ବିଧାନସଭା ନିର୍ବାଚନରେ ହିନ୍ଦୁ ଜାତୀୟବାଦୀ ବିଜେପିର ପରାଜୟ ମୋଦିଙ୍କ ପ୍ରତି ଏକ ଶକ୍ତ ଧକ୍କା । ଏହି ଫଳାଫଳ ୨୦୧୯ରେ ପୁଣି ଜିତିବାକୁ ଲକ୍ଷ୍ୟ ରଖିଥିବା ମୋଦିଙ୍କ ବିରୋଧରେ ଏକ ଜନାଦେଶ ବୋଲି ଏହି ସମ୍ବାଦପତ୍ର କହିଛି ।


ଅନ୍ୟତମ ପାକିସ୍ତାନୀ ସମ୍ବାଦପତ୍ର ଦି ନେସନ କହିଛି ଯେ ଭାରତର ରାଜ୍ୟ ବିଧାନସଭା ନିର୍ବାଚନରେ ମୋଦିଙ୍କୁ ବଡ଼ ଧକ୍କା । ୫ଟି ରାଜ୍ୟ ମଧ୍ୟରୁ ୩ଟି ରାଜ୍ୟରେ ରାହୁଲ ଗାନ୍ଧିଙ୍କ କଂଗ୍ରେସ ବିଜେପି ହାତରୁ କ୍ଷମତା ଛଡାଇ ନେଇଛି । ଆଉ ଏକ ପାକିସ୍ତାନୀ ଖବରକାଗଜ ଦ ଏକ୍ସପ୍ରେସ ଟ୍ରିବ୍ୟୁନ କହିଛି ଯେ ରାଜ୍ୟ ବିଧାନସଭା ନିର୍ବାଚନ ମୋଦିଙ୍କ ବିଜୟ ରଥକୁ ଅଟକାଇ ଦେଇଛି । ନିଯୁକ୍ତି ସୁଯୋଗ ସୃଷ୍ଟି, ଚାଷୀମାନଙ୍କ ସମସ୍ୟା ସମାଧାନ କରିବାରେ ମୋଦିଙ୍କ ବିଫଳତା ଯୋଗୁଁ ବିଜେପି ପରାଜୟ ବରଣ କଲା ବୋଲି ଏହି ସମ୍ବାଦପତ୍ର କହିଛି ।

ସମ୍ବନ୍ଧିତ ଖବର

Leave A Reply

Your email address will not be published.

1 Comment
  1. All India News Network says

    In fact Shri.Narendra Modi ji and Shri.Urjit Patel have done very good job for making Gujarati people Rich in India and in Different Countries.Every Gujarati is Proud of Prime Minister Shri.Narendra Modiji and Shri.Urjit Patel.Because of inefficient BJP Leaders in those States they couldn’t win the Elections and there is a Change of Emblem and Colour of BJP might be useful for continuing.The Old Trend of wearing Kurta pijamas are not going well and hence they have to wear Pant and Shirt of Different Colour may work in future.There may be chances that several BJP Ministers say goodbye to Political Jobs in future.