ରାଜନୈତିକ ରାଲିକୁ ଡରୁଛି କି କରୋନା ଭୂତାଣୁ ? ପଶ୍ଚିମବଙ୍ଗରେ ଚାଲିଛି ହେଭିୱେଟଙ୍କ ହାଇଭୋଲଟେଜ୍ ପ୍ରଚାର, ସାମିଲ୍ ଅଛନ୍ତି ହଜାର ହଜାର ସମର୍ଥକ
କୋଲକାତା : କରୋନାର ସଂକ୍ରମଣ ବଢି ଚାଲିଥିବାବେଳେ ପଶ୍ଚିମବଙ୍ଗରୁ ଆସିଛି ଉଦବେଗଜନକ ଚିତ୍ର । ନିର୍ବାଚନ ପ୍ରଚାରରେ ଉଠୁଛିପଡ଼ୁଛି ରାଜ୍ୟର ବିଭିନ୍ନ ଅଞ୍ଚଳ। ଆସାନସୋଲରେ ନିର୍ବାଚନୀ ପ୍ରଚାର କରୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ସେହିପରି ଉତ୍ତର ୨୪ ପ୍ରଗଣାରେ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରୁଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା । ସବୁଠାରୁ ବଡ କଥା ହେଲା ସମଗ୍ର ଦେଶରେ କରୋନା ସଂକ୍ରମଣ ହୁ ହୁ ହୋଇ ବଢ଼ୁଥିବା ବେଳେ ହେଭିୱେଟମାନଙ୍କ ନିର୍ବାଚନ ପ୍ରଚାରରେ ପ୍ରବଳ ଲୋକ ଗହଳି ଦେଖିବାକୁ ମିଳିଛି। ରୋଡ ସୋ’, ରାଲି ଓ ସଭାରେ ହଜାର ହଜାର ଲୋକ ଏକାଠି ହେବା କରୋନା ସଂକ୍ରମଣକୁ ଯେ ବଢ଼ାଇବ ସେଥିରେ ତିଳେ ହେଲେ ସନ୍ଦେହ ନାହିଁ।
Sambad is now on WhatsApp
Join and get latest news updates delivered to you via WhatsApp
ଆଉ ଠିକ୍ ଏତିକିି ବେଳେ ପଶ୍ଚିମବଙ୍ଗ ନିର୍ବାଚନ ପ୍ରଚାର ଉପରେ କଟକଣା ଲଗାଇଛନ୍ତି ନିର୍ବାଚନ କମିସନ । ଷଷ୍ଠ ପର୍ଯ୍ୟାୟ ନିର୍ବାଚନର ୭୨ ଘଂଟା ପୂର୍ବରୁ ପ୍ରଚାର ବନ୍ଦ ରଖିବାକୁ ନିର୍ଦ୍ଦେଶ ଦେବା ସହ ପ୍ରଚାରର ସମୟ ଉପରେ ମଧ୍ୟ କଟକଣା ଜାରି କରିଛନ୍ତି କମିସନ । ସନ୍ଧ୍ୟା ୭ରୁ ସକାଳ ୧୦ଟା ଯାଏଁ ହେବ ହୋଇପାରିବ ନାହିଁ ନିର୍ବାଚନ ପ୍ରଚାର । କେବଳ ଦିନରେ ନିର୍ବାଚନ ପ୍ରଚାର କରିପାରିବେ ରାଜନୈତିକ ଦଳ।
ତେବେ କାହିଁକି ଏଭଳି ନିଷ୍ପତ୍ତି ନେଲେ ନିର୍ବାଚନ କମିସନ ତାହା ବୁଝା ପଡୁନାହିଁ । କରୋନାର ସଂକ୍ରମଣ ବଢି ଚାଲିଥିବାବେଳେ ଗୋଟିଏ ପଟେ ପ୍ରଚାର ଉପରେ କଟକଣା ଲଗାଯାଉଛି । ଅନ୍ୟପଟେ କିନ୍ତୁ କରୋନାର ସୁପର ସ୍ପ୍ରେଡର ପାଲଟିବା ପାଇଁ ନିର୍ବାଚନ ରାଲିଗୁଡିକୁ ଛାଡି ଦିଆଯାଉଛି । ସାଧାରଣ ଲୋକ ମାସ୍କ ନ ପିନ୍ଧିଲେ, ସାମାଜିକ ଦୂରତା ନ ରଖିଲେ ପୁଲିସ ଚାଲାଣ କାଟୁଛି । ହେଲେ ରାଜନେତାଙ୍କ ପ୍ରଚାର ଉପରେ କୌଣସି ଅଙ୍କୁଶ ନାହିଁ।