ଦୀପାବଳୀ ପରେ କଂଗ୍ରେସର ମଙ୍ଗ ଧରିପାରନ୍ତି ରାହୁଲ
ନୂଆଦିଲ୍ଲୀ: କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧୀ ସଙ୍ଗଠନକୁ ମଜବୁତ୍ କରିବା ପାଇଁ ନିଜେ ଦଳର ଦାୟିତ୍ୱ ପ୍ରତ୍ୟକ୍ଷ ଭାବେ ନେବା ଆବଶ୍ୟକ ବୋଲି ଗଣମାଧ୍ୟମରେ ବହୁ ନେତା ବାରମ୍ବାର କହୁଥିବା ଦେଖିବାକୁ ମିଳିଛି । ନିକଟରେ ରାହୁଲଙ୍କ ନିକଟତମ ବୋଲାଉଥିବା କଂଗ୍ରେସ ନେତା ସଚିନ୍ ପାଇଲଟ୍ଙ୍କ ମତକୁ ନେଇ ଏବେ କଂଗ୍ରେସ ରାଜନୀତି ଜୋର୍ ଧରିଛି ।
Sambad is now on WhatsApp
Join and get latest news updates delivered to you via WhatsApp
ରାଜସ୍ଥାନର କଂଗ୍ରେସ ନେତା ପାଇଲଟ୍ କହିଛନ୍ତି ଯେ, ଦୀପାବଳୀ ପରେ ରାହୁଲ ଗାନ୍ଧୀ କଂଗ୍ରେସର ଅଧ୍ୟକ୍ଷ ପଦ ହାତେଇ ପାରନ୍ତି । ସେ କହିଛନ୍ତି ଯେ, କୌଣସି ବ୍ୟକ୍ତିର ସାଙ୍ଗିଆକୁ ନେଇ ତାଙ୍କ ନେତୃତ୍ୱ ନେବାର କ୍ଷମତା ଆକଳନ କରିବା ଅନୁଚିତ୍। ସୁଯୋଗ ମିଳିଲେ ଓ ଭଲ କାମ କରିବା ଦ୍ୱାରା ବ୍ୟକ୍ତିତ୍ୱ ବିକାଶ ହେବା ସହ ସଙ୍ଗଠନ ଗଢାଯାଇ ପାରିବ । ଏଣୁ ସମୟ ଆସିଯାଇଛି ରାହୁଳ ଦଳର ଦାୟିତ୍ୱ ନିଅନ୍ତୁ ।