ଅଲଓ୍ଵର : ରାଜସ୍ଥାନରେ ଏବେ ନିର୍ବାଚନ ପାଇଁ ଗତକାଲିଠାରୁ ନିର୍ବାଚନ ପ୍ରଚାର ଶେଷ ହୋଇଛି । ଏଥର ନିର୍ବାଚନରେ ନେତାମାନେ ଶାଳିନତା ଭୁଲି ବ୍ୟକ୍ତିଗତ ଆକ୍ଷେପ କରିବା ପର୍ଯ୍ୟନ୍ତ ଖସିଆସିଛନ୍ତି ।
ରାଜସ୍ଥାନ ଅଲଓ୍ଵରରେ ପ୍ରଚାର କରୁଥିବା ବେଳେ ଜନତାଦଳ (ୟୁନାଇଟେଡ)ରୁ ବିତାଡିତ ନେତା ଶରଦ ଯାଦବ ରାଜସ୍ଥାନ ମୁଖ୍ୟମନ୍ତ୍ରୀ ବସୁନ୍ଧରା ରାଜେଙ୍କୁ କରିଥିବା ବ୍ୟକ୍ତିଗତ ଆକ୍ଷେପ ଏକ ନୂଆ ବିବାଦ ସୃଷ୍ଟି କରିଛି । ସେ କହିଛନ୍ତି ଯେ ବସୁନ୍ଧରା ରାଜେ ମୋଟି ହୋଇଗଲେଣି, ଏବେ ସେ ବିଶ୍ରମ ନେବା ଉଚିତ । ଆଗରୁ ପତଳା ଥିଲେ, ଏବେ କିନ୍ତୁ ହାଲିଆ ହୋଇପଡିଛନ୍ତି । ସେ ଆମ ମଧ୍ୟପ୍ରଦେଶର ଝିଅ । ତାଙ୍କର ଏହି ବକ୍ତବ୍ୟ ଥିବା ଏକ ଭିଡିଓ ଏବେ ଭାଇରାଲ ହୋଇଛି ।
#WATCH Sharad Yadav on Vasundhra Raje in Alwar, Rajasthan: Vasundhra ko aaram do, bahut thak gayi hain, bahut moti ho gayi hain, pehle patli thi. Humare Madhya Pradesh ki beti hai. pic.twitter.com/8R5lEpuSg0
— ANI (@ANI) December 6, 2018
ଏହା ପୂର୍ବରୁ କଂଗ୍ରେସ ନେତା ରାଜ ବବର ଓ ମହେନ୍ଦ୍ର ମାଲବ୍ୟ ଖୋଦ ପ୍ରଧାନମନ୍ତ୍ରୀ ମୋଦିଙ୍କ ମାଙ୍କୁ ନେଇ ଆକ୍ଷେପ କରିବା ପରେ ବିବାଦ ସୃଷ୍ଟି ହୋଇଥିଲା । ରାଜସ୍ଥାନରେ ଆସନ୍ତା କାଲି ଭୋଟ ଗ୍ରହଣ ହେବ ।