ରିସାଇକ୍ଲିଙ୍ଗ ସମ୍ପର୍କରେ ଆମକୁ ସ୍କୁଲ, କଲେଜ ସ୍ତରରୁ ସଚେତନତା ସୃଷ୍ଟି କରିବାକୁ ପଡ଼ିବ : ଡ. ଅବିନାଶ ସାମଲ

ଭୁବନେଶ୍ବର : ରିସାଇକ୍ଲିଙ୍ଗ ସମ୍ପର୍କରେ ଆମକୁ ସ୍କୁଲ ଓ କଲେଜ ସ୍ତରରୁ ସଚେତନତା ସୃଷ୍ଟି କରିବାକୁ ପଡ଼ିବ । କେତେକ ଆଇଟିଆଇରେ ଏସମ୍ପର୍କିତ ତାଲିମ ଆରମ୍ଭ ହେଲାଣି ଯାହାକି ସ୍ବାଗତଯୋଗ୍ୟ । ଏ କ୍ଷେତ୍ରରେ ଗବେଷଣା କ୍ଷେତ୍ରରେ ଆମେ ପଛୁଆ ଥିଲେ ବି ଆମକୁ ଦ୍ରୁତ ଗତିରେ କାମ କରିବାକୁ ପଡ଼ିବ ବୋଲି କହିଛନ୍ତି ଏମ୍ପ୍ରିଓ ପ୍ରେଷ୍ଟିଜ ଲିଃର ପରିଚାଳନା ନିର୍ଦ୍ଦେଶକ ଡ.ଅବିନାଶ ସାମଲ । 

ସମ୍ବାଦ ଗ୍ରୁପ ପକ୍ଷରୁ ଆୟୋଜିତ ପୁନଶ୍ଚ ପୃଥିବୀ ସମ୍ମିଳନୀରେ ‘ସନ୍ତୁଳିତ ଭବିଷ୍ୟତ ପାଇଁ ପରିବେଶ ଅନୁକୂଳ ବିକଳ୍ପ’ ଶୀର୍ଷକ ଆଲୋଚନାରେ ଯୋଗ ଦେଇ ସେ କହିଛନ୍ତି ଯେ ପୁନଶ୍ଚ ପୃଥିବୀ ପରି ଅଭିଯାନ ଆରମ୍ଭ କରିବାରୁ ସମ୍ବାଦ ଗ୍ରୁପକୁ ମୋର ଅଭିନନ୍ଦନ ।

ଗାଡ଼ିରେ ବ୍ୟବହାର ହେଉଥିବା କାଚ ହେଉଛି ଶତ ପ୍ରତିଶତ ପୁନଃ ବ୍ୟବହାର ଯୋଗ୍ୟ । ହେଲେ ଭାରତରେ କିନ୍ତୁ ମାତ୍ର ୩୦ ପ୍ରତିଶତ କାଚ ପୁନଃ ବ୍ୟବହାର କରାଯାଉଛି । କାର୍ଲିଫର୍ଣ୍ଣିଆ ଭଳି ଦେଶରେ ୮୦ ପ୍ରତିଶତ କାଚ ପୁନଃ ବ୍ୟବହାର ହେଉଥିଲାବେଳେ, ଭାରତରେ କେବଳ ୩୦ ପ୍ରତିଶତ କାଚ ପୁନଃ ବ୍ୟବହାର ହେଉଛି । ଏଣୁ ଏ କ୍ଷେତ୍ରରେ ଅନେକ ସୁଯୋଗ ରହିଛି ।

ଆମେ ବ୍ୟବହର କରୁଥିବା ଯାନବାହାନଗୁଡ଼ିକର ୮୦ ପ୍ରତିଶତ ଅଂଶ ଲୌହରୁ ନିର୍ମିତ । ୨୦୨୨ରେ ଭାରତ ୬.୭ ନିୟୁତ ଟନ ସ୍କ୍ରାପ୍ ବିଦେଶରୁ ଆମଦାନୀ କରିଥିଲା । ଏବେ ଆମ ପ୍ରାୟ ୧୧ ନିୟୁତ ଟନ ଲୁହା ସ୍କ୍ରାପ୍ ଆମଦାନୀ କରୁଛୁ । ଆମ ଦେଶରେ ଲୁହା ଥାଇକି ବି ଆମେ ଆମଦାନୀ କରୁଛୁ । ତେବେ ସରକାର ଯେଉଁ ଯାନବାହାନ ସ୍କ୍ରାପିଂ ନୀତି ଆରମ୍ଭ କରିଛି ତାହା ଏକ ପ୍ରସଂଶନୀୟ ପଦକ୍ଷେପ । କିନ୍ତୁ କୌଣସି ଗାଡ଼ିକୁ ସ୍କ୍ରାପିଂ କରିବା ପୂର୍ବରୁ ତାହାର ଡିପଲ୍ୟୁନେସନ କରିବା ଗୁରୁତ୍ବପୁର୍ଣ୍ଣ । କିନ୍ତୁ ଆମ ଦେଶରେ ଏହି ଡିପଲ୍ୟୁଟିଙ୍ଗ ମେସିନ ନଥିଲା । ଅନ୍ୟପକ୍ଷରେ ଆମ ଯଦି ବିଦେଶରୁ ଆମଦାନୀ କରୁଥିବା ସ୍କ୍ରାପ ପରିମାଣକୁ କମାଇପାରିବା ତେବେ ଆମର ମୂଲ୍ୟବାନ ବିଦେଶୀ ମୁଦ୍ର ସଂଚୟ ହୋଇପାରିବ । ଅନ୍ୟପଟେ ଗାଡିରେ କେବଳ ଲୌହ ସାମଗ୍ରୀ ବ୍ୟବହାର ହୁଏ ନାହିଁ, ଆହୁରି ଅନେକ ପ୍ରକାରର ସାମଗ୍ରୀ ରହିଛି । ଯେପରିକି କାଚ । ଗାଡ଼ିରେ ବ୍ୟବହାର ହେଉଥିବା କାଚ ହେଉଛି ଶତ ପ୍ରତିଶତ ପୁନଃ ବ୍ୟବହାର ଯୋଗ୍ୟ । ହେଲେ ଭାରତରେ କିନ୍ତୁ ମାତ୍ର ୩୦ ପ୍ରତିଶତ କାଚ ପୁନଃ ବ୍ୟବହାର କରାଯାଉଛି । କାର୍ଲିଫର୍ଣ୍ଣିଆ ଭଳି ଦେଶରେ ୮୦ ପ୍ରତିଶତ କାଚ ପୁନଃ ବ୍ୟବହାର ହେଉଥିଲାବେଳେ, ଭାରତରେ କେବଳ ୩୦ ପ୍ରତିଶତ କାଚ ପୁନଃ ବ୍ୟବହାର ହେଉଛି । ଏଣୁ ଏ କ୍ଷେତ୍ରରେ ଅନେକ ସୁଯୋଗ ରହିଛି । ଅନ୍ୟପକ୍ଷରେ ଦେଶରେ ଯଥେଷ୍ଟ ପରିମାଣରେ ଇଲେକ୍ଟ୍ରୋନିକ ତଥା ଆଇଟି ହାର୍ଡଓ୍ବାର ଆବର୍ଜନା ନିର୍ଗତ ହେଉଛି । ଦେଶରେ ଏବେ ୩.୨୩ ନିୟୁତ ଟନ ଇଲେକ୍ଟ୍ରୋନିକ ତଥା ଆଇଟି ହାର୍ଡଓ୍ବାର ଆବର୍ଜନା ନିର୍ଗତ ହେଉଛି । କିନ୍ତୁ ସେଗୁଡ଼ିକର ପ୍ରକ୍ରିୟାକରଣ ପାଇଁ ମାତ୍ର ୪୦୦ ୟୁନିଟ୍ ରିସାଇକ୍ଲିଙ୍ଗ୍ କେନ୍ଦ୍ର ରହିଛି । ଏଣୁ ସଷ୍ଟେନେବିଲିଟି ଗବେଷଣା ସଂପର୍କରେ ଆମକୁ ସ୍କୁଲ ସ୍ତରରେ ସଚେତନତା ସୃଷ୍ଟି କରିବାକୁ ପଡ଼ିବ । 

କେବଳ ଆର୍ଥିକ ବିକାଶ ନୁହେଁ, ସନ୍ତୁଳିତ ବିକାଶ କରିବାକୁ ପଡ଼ିବ : ଜଗଦ୍ଦେବ

ଏହି ଅଧିବେଶନର ପରିଚାଳନା କରିଥିବା ପାରାମିଟର ସଫ୍ଟଓ୍ବାରର ଏମଡି ତଥା ସିଇଓ ଜେ.ପି. ଜଗଦ୍ଦେବ ନିଜର ପ୍ରାରମ୍ଭିକ ଅଭିଭାଷଣର କହିଥିଲେ ଯେ ଆମକୁ ସବୁଜ ବିକଳ୍ପକୁ ବାଛିବାକୁ ପଡ଼ିବ । ଆଜିର ଦୂନିଆରେ ଆମେ ପୂର୍ବରୁ ଯାହା କରିଆସୁଥିଲେ ତାହାକୁ ବଦଳାଇବାକୁ ପଡ଼ିବ । ଆମ ଶାସ୍ତ୍ରମାନେ କହନ୍ତି ଆମର ପ୍ରତି କର୍ମର ଓ ଫଳ ରହିଛି । ଆମେ ଗତ ୭୫ ବର୍ଷ ହେଲା ଆମେ ବିକାଶ ବିଶେଷ କରି ଆର୍ଥିକ ବିକାଶ ଉପରେ ଗୁରୁତ୍ବ ଦେଇଆସୁଛୁ । କିନ୍ତୁ ଏହି ଆର୍ଥିକ ବିକାଶର କେତେକ ପ୍ରତିଫଳ ରହିଛି । ବିଗତ ଦଶନ୍ଧିଗୁଡ଼ିକରେ ଆମେ ଅନେକ କିଛି ବିକାଶ ଲକ୍ଷ୍ୟ ହାସଲ କରିଛୁ, କିନ୍ତୁ କିଛି ହରେଇଛୁ ମଧ୍ୟ । ଏଣୁ ସମୟ ଆସିଛି ଆମର ସଂପୂର୍ଣ୍ଣ କାର୍ଯ୍ୟ ପଦ୍ଧତିର ପୁନର୍ବିଚାର କରିବାର । ଆମକୁ କେବଳ ଅର୍ଥନୈତିକ ବିକାଶ ନୁହେଁ, ବରଂ ମନୁଷ୍ୟ, ପୃଥିବୀ ସହ ଅର୍ଥନୀତିକୁ ନେଇ ସନ୍ତୁଳିତ ବିକାଶ ଉପରେ ଗୁରୁତ୍ବ ଦେବାକୁ ହେବ । ଆଉ ଏକ ଗୁରୁତ୍ବପୂର୍ଣ୍ଣ କଥା ହେଉଛି, ମନୁଷ୍ୟର କର୍ମଫଳ କେବଳ ମନୁଷ୍ୟ ଭୋଗୁନାହିଁ, ବରଂ ମନୁଷ୍ୟ ସମେତ ଅନ୍ୟମାନେ ବି ଭୋଗୁଛନ୍ତି । ଏସବୁ ମଧ୍ୟରେ ତଥାଫି ସୁଧାର କରିବାର ଏକ ସୁଯୋଗ ରହିଛି ।