ନୂଆଦିଲ୍ଲୀ: ନାସିକ୍ ଜିଲ୍ଲାର ମାଲେଗାଓଁ ସହରରେ ଘଟିଥିବା ଏକ ଲୋମଟାଙ୍କୁରା ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଭାଇରାଲ ଭିଡିଓରେ ଜଣେ ୧୨ବର୍ଷ ବାଳକଙ୍କ ସାହାସ ଦେଖି ଲୋକେ ଭୁରିଭୁରି ପ୍ରଶଂସା କରୁଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଏକ ଚିତାବାଘ ଖାଦ୍ୟ ଖୋଜିଖୋଜି ଜଙ୍ଗଲରୁ ମାଲେଗାଓଁ ସହର ଅଭିମୁଖେ ଚାଲି ଆସିଥିଲା। ଏହି ବାଘ ଏକ ଲାଉଞ୍ଜ କଠୋରିର କବାଟ ଖୋଲା ଥିବା ଦେଖି ଭିତରକୁ ପ୍ରବେଶ କରିଥିଲା। ଉକ୍ତ କଠୋରି ଭିତରେ ମୋହିତ ବିଜୟ ଅହିରେ ନାମକ ଜଣେ ୧୨ ବର୍ଷର ବାଳକ ବସିଥିଲା। ସେ କଠୋରିରେ ବସି ମୋବାଇଲରେ ଗେମ ଖେଳୁଥିବା ସମୟରେ ହଠାତ ବାଘ ଭିତରକୁ ପଶି ଆସିଥିଲା।
ଏଭଳି ଏକ ବିପଦପୂର୍ଣ୍ଣ ପରିସ୍ଥିତିରେ ଯେକେହି ଭୟ କରିଯିବା ସ୍ବାଭାବିକ କଥା କିନ୍ତୁ ମୋହିତ ଉପସ୍ଥିତ ବୁଦ୍ଧି ଖଟାଇ କଠୋରିରୁ କୌଶଳକ୍ରମେ ବାହାରକୁ ଚାଲି ଆସି ବାଘକୁ ବାହାର ପାର୍ଶ୍ବରୁ କବାଟ ଦେଇ ଦେଇଥିଲା। ଆଉ ଘଟଣା ବିଷୟରେ ସମସ୍ତଙ୍କୁ ଅବଗତ କରାଯାଇଥିଲା। ଯାହାର ଦୃଶ୍ୟ ଆପଣମାନେ ଭାଇରାଲ ହୋଇଥିବା ଏହି ଭିଡିଓରେ ସ୍ପଷ୍ଟ ଭାବେ ଦେଖି ପାରିବେ।
A cheetah was confined in a office due to presence of mind of a #malegaon kid!
What a brilliant & brave boy!
He did not lose confidence while playing on mobile phone when cheetah entered his office! #leopard #wildlife @MIB_India @moefcc #nashik #Maharashtra #NaturePhotography pic.twitter.com/wIi4HYfecj— Jamal Nasir (@jamalna82341410) March 5, 2024
ଏହା ପରେ ଜଙ୍ଗଲ ବିଭାଗ ଏବଂ ପୁଲିସ ବିଭାଗର କର୍ମଚାରୀମାନେ ଚିତାବାଘକୁ ଉଦ୍ଧାର କରିବା ପାଇଁ ଘଟଣାସ୍ଥଳରେ ପହଞ୍ଚିଥିଲେ। ଏହାପରେ ତୁରନ୍ତ ସେମାନେ ଚିତାବାଘକୁ ଚେତାଶୂନ୍ୟ ଇଞ୍ଜେକ୍ସନ ଦେଇ କାବୁ କରିଥିଲେ।