ନୂଆଦିଲ୍ଲୀ: ସାପ ନାମ ଶୁଣିଲେ ଲୋମମୂଳ ଟାଙ୍କୁରି ଉଠିଥାଏ। ସାପକୁ ନେଇ ଅନେକ ଭିଡିଓ ଓ ଫଟୋ ସୋସିଆଲ ମିଡିଆରେ ପୋଷ୍ଟ ହୋଇଛି। ନିକଟରେ ତିନିଟି ନାଗ ଏକାଠି ଥିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଏହି ଭିଡିଓକୁ ଯିଏ ଦେଖୁଛି ସେ ସାମାନ୍ୟ ଭୟଭୀତ ହୋଇଯାଉଛି।

Advertisment

ଇଣ୍ଟରନେଟରେ ଭାଇରାଲ ହୋଇଥିବା ଏହି ଭିଡିଓରେ, ତିନିଟି ନାଗ ସାପ ଖୋଲା ପଡ଼ିଆରେ  ପରସ୍ପର ଆଡକୁ ମୁହଁ କରି ଛିଡ଼ା ହୋଇଛନ୍ତି। ତିନିଟି ନାଗ ରାଗରେ ଫଣା ଟେକି ସଁସଁ ହେଉଥିବାର ଦୃଶ୍ୟ ବି ଦେଖିବାକୁ ମିଳୁଛି। ତେବେ ତିନିଟି ନାଗ ଏକାଠି ହେବାର ଏଭଳି ଦୃଶ୍ୟ ‌କ୍ବଚିତ ଦେଖିବାକୁ ମିଳିଥାଏ।

ଇନଷ୍ଟାଗ୍ରାମରେ ହେଲିକପ୍ଟର-ଯାତ୍ରା ନାମରେ ଏକ ହ୍ୟାଣ୍ଡେଲ ଏହି ଭିଡିଓ ସେୟାର କରିଛି। ଭିଡିଓଟିରେ କେତେ ସତ୍ୟତା ରହିଛି ତାହା ରିପୋର୍ଟ ଲେଖାହେଲା ପର୍ଯ୍ୟନ୍ତ ଜଣାପଡ଼ି ନଥିଲା।

ନାଗ ସାପ ଭାରତରେ ସବୁଠାରୁ ବିଷାକ୍ତ ସାପ । ଏହି ସାପ ମଣିଷକୁ କାମୁଡ଼ିବାର ଅଧ ଘଣ୍ଟା ମଧ୍ୟରେ ମୃତ୍ୟୁ ହେବାର ଆଶଙ୍କା ରହିଥାଏ। ଭାରତରେ ସାପ କାମୁଡ଼ାରେ ମୃତ୍ୟୁ ହେଉଥିବା ଘଟଣା ମଧ୍ୟରୁ ଅଧିକାଂଶ ମୃତ୍ୟୁ ନାଗ ସାପ କାମୁଡ଼ିବା ହେତୁ ହୋଇଥାଏ।