୪ ବର୍ଷରେ ୨ଟି ସର୍ଜରୀ ଜରିଆରେ ଓଜନକୁ ୩୦୦କିଲୋରୁ ୮୬କିଲୋକୁ ହ୍ରାସ କଲେ ଏସିଆର ସବୁଠାରୁ ଓଜନଦାର ମହିଳା
ମୁମ୍ବାଇ : ମୁମ୍ବାଇର ବସାଇରେ ରହୁଥିବା ଅମିତା ରଜାନୀଙ୍କ କାହାଣୀକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି । ୩୦୦ କିଲୋରୁ ୮୬କିଲୋ ପର୍ଯ୍ୟନ୍ତର ଯାତ୍ରା ତାଙ୍କୁ ଚର୍ଚ୍ଚାର ପରିସରକୁ ଆଣିଛି । ୩୦୦କିଲୋ ଓଜନର ହୋଇ ସେ ଏସିଆର ସବୁଠାରୁ ଓଜନଦାର ମହିଳା ବୋଲି ଦାବି କରାଯାଉଥିବା ବେଳେ ଏବେ ସର୍ଜରୀ ଜରିଆରେ ତାଙ୍କର ଓଜନ ୮୬କିଲୋ ହୋଇଥିବା ଜଣାପଡ଼ିଛି । ୪ବର୍ଷର ପରିଶ୍ରମ ଏବଂ ୨ଟି ସର୍ଜରୀ ପରେ ଅମିତା ଏବଂ ତାଙ୍କ ଡ଼ାକ୍ତରଙ୍କୁ ଏହି ସଫଳତା ମିଳିପାରିଛି ।
Sambad is now on WhatsApp
Join and get latest news updates delivered to you via WhatsApp
ତେବେ ଅମିତାଙ୍କ ସର୍ଜରୀ କରିଥିବା ଡ଼ାକ୍ତର ଶଶାଙ୍କ ଶାହାଙ୍କ କହିବା ଅନୁଯାୟୀ, ଅମିତାଙ୍କ ଓଜନ ସର୍ଜରୀ ପୂର୍ବରୁ ୩୦୦କିଲୋ ଥିଲା ଏବଂ ସେ ଏସିଆର ସବୁଠାରୁ ଓଜନଦାର ମହିଳା ଥିଲେ । ପ୍ରଥମ ସର୍ଜରୀ ପରେ ତାଙ୍କର ଓଜନ ୧୪୦ କିଲୋ ହୋଇ ଯାଇଥିଲା । ଦ୍ୱିତୀୟ ସର୍ଜରୀ କରାଯିବା ପରେ ତାଙ୍କର ଓଜନ ଏବେ ୮୬କିଲୋ ରହିଛି । ତେବେ ତାଙ୍କର ପୂର୍ବ ଓଜନକୁ ଆଖି ଆଗରେ ରଖି ଅମିତାଙ୍କ ନାଁ ଲିମ୍କା ବୁକ୍ ଅଫ୍ ରେକର୍ଡସରେ ସାମିଲ କରିବା ପାଇଁ ଆବେଦନ କରାଯାଇଥିବା କହିଛନ୍ତି ଡ଼ାକ୍ତର ଶଶାଙ୍କ ।
ଅନ୍ୟ ପକ୍ଷରେ, ନିଜର ମୋଟାପଣ ବିଷୟରେ କହିବାକୁ ଯାଇ ତାଙ୍କ ପରିବାର ସେ ସମୟରେ କିଭଳି ସାହାଯ୍ୟ କରିଥିଲେ ତାହା ଜଣାଇଛନ୍ତି ଅମିତା । ମୁଁ ଚାଲି ନ ପାରିବା ସହ ନିଜ କାମ ମଧ୍ୟ କରି ପାରୁ ନଥିଲି । ୮ବର୍ଷ ପର୍ଯ୍ୟନ୍ତ ଖଟରେ ପଡ଼ି ରହିଥିଲି । ଛୋଟ ପିଲା ମୋତେ ଦେଖି ଡ଼ରୁଥିଲେ । ମୋଟାପଣ ସହ ମୁଁ ଟାଇପ୍-୨ ମଧୁମେହ ରୋଗରେ ପୀଡ଼ିତ ଥିଲି । ଏହା ସହ ନିଶ୍ୱାସ ନେବାରେ ମଧ୍ୟ ଅସୁବିଧା ହେଉଥିଲା ।
ପରେ ମୁଁ ଡ଼ାକ୍ତର ଶାହାଙ୍କୁ ଭେଟିଥିଲି, ଯିଏ ମୋ ପୂର୍ବରୁ ୬,୦୦୦ଟି ବାରିଆଟ୍ରିକ୍ ସର୍ଜରୀ କରି ସାରିଥିଲେ । ଏହି ସର୍ଜରୀ ଦ୍ୱାରା ପାକିସ୍ଥଳୀର ଆକାରକୁ ଛୋଟ କରି ଦିଆଯାଇଥାଏ । ଯାହାଦ୍ୱାରା ରୋଗୀଟି କମ ଖାଦ୍ୟ ଖାଇବା ଆରମ୍ଭ କରିଥାଏ । ତେବେ ୪ବର୍ଷ ମଧ୍ୟରେ ମୋର ୨ଥର ସର୍ଜରୀ କରାଯିବା ପରେ ଏବେ ମୋର ଓଜନ ୮୬କିଲୋ ରହିଛି ବୋଲି କହିଛନ୍ତି ଅମିତା । ।