ଏକାନବେରେ ସକ୍ରିୟ: ଅବସର ଯୋଜନା ନାହିଁ!
ସାରା ବିଶ୍ବରେ ସକ୍ରିୟ ଥିବା ସବୁଠାରୁ ବୟସ୍କ ପୁଲିସ୍ ଅଫିସର ହେଉଛନ୍ତି ଏଲ୍ସି ‘ବକ୍ସଟ୍’ ସ୍ମିଥ୍। ତାଙ୍କ ବୟସ ଏକାନବେ ବର୍ଷ। ସେ ଯୁକ୍ତରାଷ୍ଟ୍ର ଆମେରିକା ଅନ୍ତର୍ଗତ ଆରନ୍ସାର କାମ୍ଡେନ୍ ପୁଲିସ୍ ବିଭାଗରେ କାର୍ଯ୍ୟ କରୁଛନ୍ତି। ବୟସ ବଢ଼ିବା ସହ କ୍ରମଶଃ ନିଜର ଶକ୍ତି ହରାଇଚାଲିଥିବାରୁ ଆଜିକାଲି ଆଉ ତାଙ୍କୁ ଗଳି-କନ୍ଦି ଜଗିବା ଦାୟିତ୍ବ ଦିଆଯାଉନାହିଁ। ସେ ସପ୍ତାହରେ ଚାରି ଦିନ କାର୍ଯ୍ୟାଳୟରେ କାମ କରୁଛନ୍ତି। ଛୟାଳିଶ ବର୍ଷ କାମ କଲା ପରେ ସେ ଚାକିରିରୁ ଅବସର ନେଇଥିଲେ। ତେବେ, ମାସ କେଇଟା ପରେ ଘରେ ବସିବା ଆଉ ତାଙ୍କ ପକ୍ଷେ ସ˚ଭବ ହୋଇ ନ ଥିଲା। ତେଣୁ, ପୁଣି ଥରେ ପୁଲିସ୍ କାର୍ଯ୍ୟାଳୟରେ ପହଞ୍ଚିଥିଲେ।
Sambad is now on WhatsApp
Join and get latest news updates delivered to you via WhatsApp
ଅବସର ପରେ ପୁନଃ ନିଯୁକ୍ତି ପାଇଁ ତାଙ୍କ ଆବେଦନକୁ ଉଚ୍ଚ କର୍ତ୍ତୃପକ୍ଷ ଗ୍ରହଣ କରିଥିଲେ ଏବ˚ ତାହା ପରଠାରୁ ସେ ଚାକିରିରେ ଅଛନ୍ତି। ସେ ସକାଳ ସାତରୁ ଦିନ ତିନିଟା ପର୍ଯ୍ୟନ୍ତ କାର୍ଯ୍ୟାଳୟରେ ବସୁଛନ୍ତି। ପୁଲିସ୍ ଆଇନରେ ତାଙ୍କର ଗଭୀର ଜ୍ଞାନ। ଅନ୍ୟ କେଉଁଥିରେ ରୁଚି ନାହିଁ। ସେ ପ୍ରତି ଦିନ ୟୁନିଫର୍ମ ବା ସ୍ବତନ୍ତ୍ର ପୁଲିସ୍ ପୋଷାକରେ କାର୍ଯ୍ୟାଳୟ ଆସନ୍ତି; କମରବନ୍ଧରୁ ରିଭଲ୍ଭର ଝୁଲିଥାଏ। ତେବେ, ରିଭଲ୍ଭର ଚଳାଇବା ଦରକାର ପଡ଼ୁନାହିଁ। ସ୍ଥାନୀୟ ମେୟର୍ଙ୍କ ଭାଷାରେ ‘ବକ୍ସଟ୍’ ରିଭଲ୍ଭରଠାରୁ ଅଧିକ ଶକ୍ତିଶାଳୀ। ସେ ସମସ୍ତଙ୍କୁ ଏବ˚ ସମସ୍ତେ ତାଙ୍କୁ ଭଲପାଉଥିବା ପ୍ରକାଶ।