କରୋନା ସହ ଲଢ଼େଇ କରିବା ପାଇଁ ନର୍ସ ପାଲଟିଲେ ଅଭିନେତ୍ରୀ
ନୂଆଦିଲ୍ଲୀ: ଆଜି ସାରା ବିଶ୍ୱ କରୋନା ଭଳି ମାରାତ୍ମକ ଭୂତାଣୁ ସହ ଲଢ଼େଇ କରୁଛି । ଭାରତରେ ଏହାର ପ୍ରଭାବ ଦିନକୁ ଦିନ ବଢ଼ିବାରେ ଲାଗିଥିବା ବେଳେ ଏଭଳି ମାରାତ୍ମକ ଭୂତାଣୁ ସହ ଲଢ଼େଇ କରିବା ପାଇଁ ଭାରତ ସରକାର ଉଦ୍ୟମ ଜାରି ରଖିଛନ୍ତି । ସାରା ଦେଶବାସୀ ମିଶି ଏବେ କରୋନା ସହ ଲଢ଼େଇ କରୁଥିବା ବେଳେ ଜଣେ ଅଭିନେତ୍ରୀ ଏବେ ଅଭିନୟ ଛାଡ଼ି ନର୍ସ ବନିଯାଇଥିବା ଜଣା ପଡ଼ିଛି । ଦେଶର ପରିସ୍ଥିତିକୁ ଦେଖି ଲୋକଙ୍କ ସେବା କରିବା ପାଇଁ ଅଭିନେତ୍ରୀ ଶିଖା ମଲହୋତ୍ରା ନର୍ସ ହେବା ପାଇଁ ମନସ୍ତ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଇନଷ୍ଟାଗ୍ରାମରେ ଏ ନେଇ ପୋଷ୍ଟ କରିବା ସହ ଶିଖା ଲେଖିଛନ୍ତି, ମୁଁ ବର୍ଦ୍ଦମାନ ମହାବୀର ମେଡିକାଲ ଏବଂ ସଫଦରଜଙ୍ଗ ହସ୍ପିଟାଲରୁ ମୋର ନର୍ସିଂ ପାଠ ପଢ଼ା ଶେଷ କରିଛି । ଆପଣମାନେ ସବୁବେଳେ ମୋ ସହ ରହିଆସିଛନ୍ତି ଏବଂ ମୋତେ ଆଗକୁ ବଢ଼ିବାର ପ୍ରେରଣା ମଧ୍ୟ ଦେଇ ଆସିଛନ୍ତି । ବର୍ତ୍ତମାନର କରୋନ ପରିସ୍ଥିତି ଦେଖି ମୁଁ ଅଭିନୟ ଛାଡ଼ି ମୁମ୍ବାଇର ଏକ ଡ଼ାକ୍ତରଖାନାରେ ନର୍ସଭାବେ ଯୋଗ ଦେବି ବୋଲି ମନସ୍ତ କରିଛି । ଦୟାକରି ଘରେ ରୁହନ୍ତୁ, ସୁସ୍ଥ ରୁହନ୍ତ ଏବଂ ଦେଶର ସରକାରଙ୍କୁ ସାହାଯ୍ୟ କରନ୍ତୁ । ଶିଖା ସଞ୍ଜୟ ମିଶ୍ରଙ୍କର ପିରିୟଡ ଡ୍ରାମା ଫିଲ୍ମ ‘କାଞ୍ଚି ଲାଇଫ୍ ଇନ୍ ଏ ସ୍ଲୋ’ କାମ କରିଥିବା ଜଣା ପଡ଼ିଛି ।