ନୂଆଦିଲ୍ଲୀ: ସୋସିଆଲ ମିଡିଆ ଏମିତି ଏକ ମଞ୍ଚ  ଯେଉଁଥିରେ ବିଶ୍ବର ପ୍ରତିଭା ଦେଖିବାକୁ ମିଳିଥାଏ। ଏହି ମଞ୍ଚକୁ ଆଧାର କରି ଅନେକ ଲୋକ ନିଜର ଲୁକ୍କାୟିତ ପ୍ରତିଭାକୁ ସମସ୍ତଙ୍କ ସାମ୍ନାକୁ ଆଣି ପାରୁଛନ୍ତି। ଏଥିମଧ୍ୟରୁ ଏମିତି କିଛି ଲୋକ ଅଛନ୍ତି ଯେଉଁମାନେ ସୋସିଆଲ ମିଡିଆ ଜରିଆରେ ଷ୍ଟାର ପାଲଟି ଯିବା ସହିତ ଲୋକେମାନେ ବି ତାଙ୍କ ପ୍ରତିଭାକୁ ଜାଣି ପାରୁଛନ୍ତି।

Advertisment

ଏହି କ୍ରମରେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହୋଇଛି। ଏଥିରେ ଜଣେ ବ୍ୟକ୍ତିଙ୍କ ପ୍ରତିଭା ଦେଖି ଆପଣ ବି ଆଶ୍ଚର୍ଯ୍ୟ ହୋଇଯିବେ। ଭିଡିଓରେ ଦେଖିବାକୁ ମିଳୁଥିବା ବ୍ୟକ୍ତି ଜଣକ ନିଜର କଳା ଦେଖାଇବାକୁ ଯାଇ ଚକଲେଟକୁ ଆଧାର କରି ଏକ ବିଶାଳ ଡାଏନୋସୋର ତିଆରି କରି ଦେଇଛନ୍ତି।

ଅମୋରି ଗୁଡଚୋନ ନାମକ ପେଷ୍ଟ୍ରି ସେଫ ଚକଲେଟକୁ ଆଧାର କରି ଏକ ବିଶାଳ ଡାଏନୋସୋର ତିଆରି କରିଛନ୍ତି। ଏହି ଚକଲେଟ ଡାଏନୋସୋର ଏତେ ନିଖୁଣ ଭାବେ ତିଆରି ହୋଇଛି କି ଏହାକୁ ଦେଖିଲେ ଜୀବନ୍ତ ବୋଲି ଲାଗୁଛି।

ଏହି ଭିଡିଓ ଦେଖି ସୋସିଆଲ ମିଡିଆ ବ୍ୟବହାରକାରୀ ଉକ୍ତ ବ୍ୟକ୍ତିଙ୍କ କଳାକୁ ବେଶ ପ୍ରଶଂସା କରିବା ସହିତ ଆଗକୁ ଏଭଳି ଲୋପ ପାଇଯାଇଥିବା ଜୀବଜନ୍ତୁଙ୍କ ମୂର୍ତ୍ତିକୁ ଚକଲେଟରେ ତିଆରି କରିବାକୁ ପରାମର୍ଶ ଦେଇଛନ୍ତି। ଏଥିସହିତ ଏହି ଭିଡିଓକୁ ବହୁ ମାତ୍ରାରେ ସେୟାର କରାଯାଉଛି।