ଲ‌‌କ୍ଷ୍ନୌ: ଲକ୍ଷ୍ନୌ ସହରରୁ ଏକ ଚକିତ କରିବା ପରି ମାମଲା ସାମ୍ନାକୁ ଆସିଛି। ୨୩ ବର୍ଷ ପୂର୍ବେ ୨୦୦୦ ମସିହାରେ ଜଣେ ୨ ବର୍ଷର ବାଳିକା ନିଜ ବାପାମାଆଙ୍କଠାର ଅଲଗା ହୋଇ ଆମେରିକା ପଳାଇଥିବା ବେଳେ ଏବେ ସେ ସେମାନଙ୍କୁ ଖୋଜି ଖୋଜି ଆସି ଲ‌କ୍ଷ୍ନୌରେ ପହଞ୍ଚିଛନ୍ତି।

Advertisment

ସେ ସମୟରେ ପୁଲିସ୍‌ ଉକ୍ତ କୁନି ଝିଅଟିକୁ ରେଳ ଷ୍ଟେସନ୍‌ରୁ ପାଇବା ପରେ ଅନାଥ ଆଶ୍ରମରେ ନେଇ ରଖିଥିଲା। ଦୀର୍ଘ ୧ ବର୍ଷ ପର୍ଯ୍ୟନ୍ତ କୁନି ଝିଅଟି ଏକ ଆଶ୍ରମରେ ରହିବା ପରେ ଶେଷରେ ଏକ ଆମେରିକୀୟ ଦମ୍ପତି ଆସି ତାଙ୍କୁ ପୋଷ୍ୟ ଭାବେ ଗ୍ରହଣ କରି ନେଇଥିଲେ। ସେବେଠାରୁ ଝିଅଟି ଉକ୍ତ ଆମେରିକୀୟ ଦମ୍ପତିଙ୍କ ସହ ଆମେରିକାରେ ରହୁଥିଲା।

ଆଜି ସେ ସେ ଝିଅ ୨୬ ବର୍ଷ ବୟସରେ ହୋଇଯିବା ପରେ ନିଜ ବାପାମାଆଙ୍କୁ ଖୋଜିବାକୁ ଆସି ଭାରତରେ ପହଞ୍ଚିଛନ୍ତି। ୟୁପି ଟକ୍ ନ୍ୟୁଜ୍ ଚ୍ୟାନେଲ ସହିତ କଥାବାର୍ତ୍ତା କରି ସେ କହିଛନ୍ତି ଯେ ତାଙ୍କ ପ୍ରତି ତ‌ାଙ୍କ ଆମେରିକୀୟ ପିତାମାଆ ଭଲ ଆଚରଣ ପ୍ରଦର୍ଶନ କରୁନଥିଲେ। ପାଞ୍ଚ ବର୍ଷ ପୂର୍ବେ ତାଙ୍କ ମାଆଙ୍କ ମୃତ୍ୟୁ ହୋଇଥିବା ବେଳେ ସେ ମୃତ୍ୟୁ ପୂର୍ବରୁ ଯୁବତୀଙ୍କୁ ‌ସମସ୍ତ କାଗଜପତ୍ର ଦେଇ ସବୁ ସତ କହିଥିଲେ।

ଯୁବତୀ ଜଣକ ଆମେରିକାର ମିନେଟୋନକାସ୍ଥିତ ଏକ କାଫେରେ କାମ କରନ୍ତି। ସେ ତାଙ୍କର ଜଣେ ବନ୍ଧୁଙ୍କୁ ସବୁ କଥା କହିବା ପରେ ଦୁହେଁ ଭାରତ ଆସିବାକୁ ଯୋଜନା କରିଥିଲେ। ଉଭୟ ଗତ ୧୫ ଦିନ ହେବ ଲକ୍ଷ୍ନୌରେ ଜଣେ ସ୍ଥାନୀୟ କ୍ୟାବ ଡ୍ରାଇଭରଙ୍କ ସାହାଯ୍ୟରେ ଯୁବତୀଙ୍କୁ ମାଆବାପାଙ୍କୁ ଖୋଜୁଛନ୍ତି।

ଏବେ ପର୍ଯ୍ୟନ୍ତ ସେ ନିଜ ବାପାମାଆଙ୍କୁ ଖୋଜି ପାଇନାହାନ୍ତି। ଯଦି ସେ ଏଥର ସଫଳ ନ ହୁଅନ୍ତି, ତେବେ ସେ ପୁଣି ଆସିବେ ବୋଲି କହଛନ୍ତି। ଯୁବତୀଙ୍କ ନିକଟରେ ତାଙ୍କ ପିଲାଦିନ ସହିତ ଜଡିତ କିଛି ଫଟୋଗ୍ରାଫ୍ ଅଛି, ଯାହା ସାହାଯ୍ୟରେ ସେ ନିଜ ପିତାମାତାଙ୍କୁ ଖୋଜୁଛନ୍ତି।