ନୂଆଦିଲ୍ଲୀ: ଟ୍ରକ୍ ପଛରେ ଅନେକ ସମୟରେ କିଛି ଅଦ୍ଭୁତ ବାର୍ତ୍ତା ଲେଖାଥିବା ଦେଖିବାକୁ ମିଳିଥାଏ। ନିକଟରେ ଆନନ୍ଦ ମହିନ୍ଦ୍ରା ଟ୍ୱିଟରରେ ଟ୍ରକର ଏକ ଫଟୋ ସେୟାର କରିଛନ୍ତି।

Advertisment

ଆନନ୍ଦ ମହିନ୍ଦ୍ରା ଟୁଇଟରରେ ସେୟାର କରିଥିବା ଫଟୋରେ ଏକ ଟ୍ରକର ପଛ ପାଟର ଦୃ୍ଶ୍ୟ ଦେଖିବାକୁ ମିଳୁଛି। ଆଉ ଏଥିରେ ‌ଲେଖା ହୋଇଛି, "ଏଠାରେ ତୁମର ଏୟାରବ୍ୟାଗ ପରୀକ୍ଷା କର" । ଆନନ୍ଦ ମହିନ୍ଦ୍ରା ଏହି ଫଟୋକୁ ଟୁଇଟ କରିବା କ୍ଷଣି ସୋସିଆଲ ମିଡିଆରେ ଏହା ଭଇରାଲ ହୋଇଯାଇଛି।

ଏହି ଫଟୋ ଦେଖି ଜଣେ ସୋସିଆଲ ମିଡିଆ ବ୍ୟବହାକାରୀ ଲେଖିଛନ୍ତି, "ହାହା ... ସୁପର ପଜିଟିଭ୍ ମନୋଭାବ।’

ଆନନ୍ଦ ମହିନ୍ଦ୍ରାଙ୍କ ସୋସିଆଲ ମିଡିଆ ଅପଡେଟ୍ ସମସ୍ତଙ୍କ ମୁହଁରେ ହସ ଭରି ଦେଇଥାଏ। ସେ ସୋସିଆଲ ମିଡିଆରେ ତାଙ୍କ ଅନୁଗାମୀମାନଙ୍କ ସହିତ କିଛି ଅନନ୍ୟ ଫଟୋ ଏବଂ ଭିଡିଓ ସେୟାର କରିବାର ସୁଯୋଗ କେବେ ବି ହାତଛଡ଼ା କରନ୍ତି ନାହିଁ । କିଛି ଦିନ ପୂର୍ବରୁ ସେ ଗୋଟିଏ ଫ୍ରେମରେ ୫ ପିଢ଼ିର ଏକ ଫଟୋ ଓ ଭିଡିଓ ସେୟାର କରିଥିଲେ। ଆଉ ଲେଖିଥିଲେ, 'କ’ଣ ଆଶୀର୍ବାଦ । ୫ପିଢ଼ି ଏକାଠି । ମୁଁ ଆଶ୍ଚର୍ଯ୍ୟ ହେଉଛି ଯେ ୫ଟି ପିଢ଼ିର ଏହି ବିରଳ ସୌଭାଗ୍ୟ ଦୁନିଆରେ କେତେ ପରିବାରକୁ ହୋଇଛି।