ଏହି କାରଣରୁ ଅମ୍ବାନୀ ପରିବାରର ଉତ୍ସବରେ ଅତିଥିଙ୍କ ହାତରେ ବନ୍ଧା ଯାଇଥିଲା ଭିନ୍ନ ଭିନ୍ନ ରଂଗର ବ୍ୟାଣ୍ଡ୍‌

ମୁମ୍ବାଇ: ଅନନ୍ତ ଅମ୍ବାନୀ ଓ ରାଧିକା ମର୍ଚାଣ୍ଟ୍‌ଙ୍କ ବିବାହର ଅନେକ ଫଟୋ ଓ ଭିଡିଓ ସୋସିଆଲ୍‌ ମିଡିଆରେ ଭାଇରାଲ୍‌ ହେଉଛି। ଅମ୍ବାନୀଙ୍କ ପରିବାର ଏହି ବଡ଼ ଉତ୍ସବରେ ଅନେକ ବଲିଉଡ୍‌ ତାରକାଙ୍କୁ ଦେଖିବାକୁ ମିଳିଥିଲା। ସେମାନଙ୍କ ଫଟୋ ଓ ଭିଡିଓ ଖୁବ୍ ଜୋର୍‌ରେ ଭାଇରାଲ୍‌ ହେଉଛି। ଆପଣ ଲକ୍ଷ୍ୟ କରିଥିବେ ଯେ ଉତ୍ସବରେ ସେଲିବ୍ରିଟିମାନଙ୍କ ହାତରେ ଏକ ରକମର ବ୍ୟାଣ୍ଡ୍‌ ବନ୍ଧା ଯାଇଥିଲା। ଯାହାକି ଭିନ୍ନ ଭିନ୍ନ ରଂଗର।

ସୁବିଧା ସକାଶେ ସମସ୍ତଙ୍କ ପାଇଁ ଭିନ୍ନ ଭିନ୍ନ ଜୋନ୍‌ରେ ବସିବାର ବ୍ୟବସ୍ଥା କରାଯାଇଥିଲା। ସେହି ହିସାବରେ ଭିନ୍ନ ରଂଗର ବ୍ୟାଣ୍ଡ୍‌ ପିନ୍ଧା ଯାଇଥିଲା ସେଲିବ୍ରିଟିମାନଙ୍କୁ। ପ୍ରତ୍ୟେକ ରଂଗର ବ୍ୟାଣ୍ଡ୍‌ ହିସାବରେ କେଉଁପଟେ ପଶିବେ ଓ କେଉଁପଟେ ବାହାରିବେ ତାହା ସ୍ଥିର କରାଯାଇଥିଲା।

ସମସ୍ତଙ୍କ ନିମନ୍ତ୍ରଣ ପତ୍ରରେ କ୍ୟୁଆର୍‌ କୋଡ ଦିଆଯାଇଥିଲା। ସେହି ଅନୁସାରେ ଭିତରକୁ ଅତିଥିମାନେ ଯିବାର ଅନୁମତି ପାଉଥିଲେ। ତା’ପରେ ବ୍ୟାଣ୍ଡ୍‌ ଅନୁସାରେ ବସିବାର ସ୍ଥାନ ସ୍ଥିର କରାଯାଉଥିଲା।

ଶୁଭ ମୁହୂର୍ତ୍ତରେ ଅନନ୍ତ ଅମ୍ବାନୀଙ୍କ ହାତ ଧରିଲେ ବାନ୍ଧବୀ ରାଧିକା।ଏହି ସମାରୋହରେ ଦେଶ ବିଦେଶ ବହୁ ବିଶିଷ୍ଟ ବ୍ୟକ୍ତି ସାମିଲ ହୋଇଛନ୍ତି। ରାଜନୀତି ଠାରୁ ଆରମ୍ଭ କରି ସିନେମା, କ୍ରୀଡା, ସଙ୍ଗୀତ ଓ ବ୍ୟବସାୟ କ୍ଷେତ୍ରର ଅନେକ ବଡ଼ ଚେହେରା ଏହି କାର୍ୟ୍ୟକ୍ରମରେ ନଜର ଆସିଥିଲେ। ବ୍ରିଟେନର ପୂର୍ବତନ ପ୍ରଧାନମନ୍ତ୍ରୀ ଟୋନି ବ୍ଲେୟାର, ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ, ବଲିଉଡ଼ ତାରକା ଅମିତା ବଚ୍ଚନ, ସଲମନ ଖାନ, ଶାହରୁଖ ଖାନ, ହ୍ରିତିକ ରୋଶନଙ୍କ ସମେତ ବଲିଉଡ଼ ଓ କ୍ରିକେଟ ଜଗତର ବିଭିନ୍ନ ବଡ଼ ଚେହେରା ଏହି ବିବାହ କାର୍ୟ୍ୟକ୍ରମରେ ସାମିଲ ହୋଇଥିଲେ।