ରାସ୍ତାରେ ଯାଉଯାଉ ଡେଣା ମେଲାଇ ଉଡ଼ିଲା କାର

ନୂଆଦିଲ୍ଲୀ: ଇଣ୍ଟରନେଟରେ ଅନେକ ଭିଡିଓ ଭାଇରାଲ ହୋଇଥାଏ। ଏଥିମଧ୍ୟରୁ କିଛି ଭିଡିଓକୁ ନିଜ ଆଖିରେ ଦେଖିଲେ ବି ତାହାକୁ ବିଶ୍ବାସ କରି ହୋଇ ନଥାଏ। ଏହି କ୍ରମରେ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହୋଇଛି। ଏହି ଭିଡିଓ ଦେଖିବା ପରେ ଆପଣ କୌଣସି ହଲିଉଡ ସିନେମା ଦେଖୁଛନ୍ତି ବୋଲି ଭାବି ପାରନ୍ତି। ଭାଇରାଲ ଭିଡିଓକୁ ସାଧାରଣଲୋକଙ୍କ ବ୍ୟତୀତ ଅନେକ ସେଲବ୍ରିଟି ବି ନିଜନିଜ ଆକାଉଣ୍ଟର ଏହାକୁ ସେୟାର କରୁଛନ୍ତି।

ଭାଇରାଲ ହେଉଥିବା ଏହି ଭିଡିଓରେ, ଆପଣ ଦେଖିପାରିବେ ଯେ ଜଣେ ବ୍ୟକ୍ତି କାର ଚଲାଉଛନ୍ତି। ଏହି କାର ପାଖ ଦେଇ ଆଉ ଏକ କାର ଯାଉଥିବା ବେଳେ ଉଭୟ କାର ଚାଳକ ପରସ୍ପର ସହିତ କଥା ହେଉଛନ୍ତି। ଏହାପରେ ଲାଲ ରଙ୍ଗର କାରରେ ବସିଥିବା ବ୍ୟକ୍ତି ତାଙ୍କ କାରର ବେଗକୁ ବଢ଼ାଇ କିଛି ଦୂର ଯିବା ପରେ, ତାଙ୍କ କାରରୁ ଡେଣା ବାହାରୁଛି । ସେ ଏହି ଡେଣାକୁ ମେଲାଇ ଉଡିବାକୁ ଲାଗୁଛନ୍ତି।

View this post on Instagram

A post shared by @cyrusdobre

ଏହି ଫ୍ଲାଇଙ୍ଗ କାରରେ ଜଣେ ପ୍ରସିଦ୍ଧ ସଂଗୀତ କଳାକାର ସାଇରସ୍ ଡୋବ୍ରେ ବସି ଚଳାଉଥିବା ଦେଖିବାକୁ ମିଳୁଛି। ସେ ଏହି ଭିଡିଓକୁ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି।

ଏହି ଭିଡିଓକୁ ବର୍ତ୍ତମାନ ପର୍ଯ୍ୟନ୍ତ ୩୧ ହଜାରରୁ ଅଧିକ ଥର ଲାଇକ କରାଯାଇଛି। ବଡବଡ଼ ସେଲିବ୍ରିଟି ମଧ୍ୟ ଏହି ଭିଡିଓକୁ ଦେଖିବା ପରେ ପ୍ରତିକ୍ରିୟା ଦେଉଛନ୍ତି। ତେବେ ବାସ୍ତବରେ ଏହି କାର ଉଡ଼ୁଛି ନା କୌଣସି ଗ୍ରାଫିକ୍ସର କରାମତି ତାହା ସାଇରସ୍ ହିଁ ଜାଣନ୍ତି।