ଶିକ୍ଷକ ହେବ ତ ଏମିତି, ଛାତ୍ରୀଙ୍କ ଇଚ୍ଛା ପୂରଣ ପାଇଁ ପାହାଡ଼ ଚଢିଲେ ସାର
ଏଥେନ୍ସ: ଅନ୍ୟ ଜଣଙ୍କର ସ୍ୱପ୍ନକୁ ନିଜର ସ୍ୱପ୍ନ ଭାବି ପୂରଣ କରିବା କିଛି ଛୋଟ କଥା ନୁହେଁ | ଜଣେ ଦିବ୍ୟାଙ୍ଗ ଛାତ୍ରୀଙ୍କ ଇଛାକୁ ପୂରଣ କରିବାକୁ ଶିକ୍ଷକଙ୍କ କଠିନ ପରିଶ୍ରମ ଖୁବ କମ ଦେଖିବାକୁ ମିଳେ | ଗ୍ରୀସ ଦେଶରୁ ଏମିତି ଏକ କାହାଣୀ ସାମ୍ନାକୁ ଆସିଛି ଯେଉଁଠି ଜଣେ ଶିକ୍ଷକ ନିଜ ଛାତ୍ରୀଙ୍କ ସ୍ୱପ୍ନକୁ ପୂରଣ କରିବା ପାଇଁ କଠିନ ପରିଶ୍ରମ କରିଛନ୍ତି | କାହାଣୀଟି କିଛି ଏହିପରି | ଗ୍ରୀସର ଆଥଲେଟ୍ ମାରିଓସ୍ ଜିଆନାକୋ ଜଣେ ଦିବ୍ୟାଙ୍ଗ ଛାତ୍ରୀଙ୍କ ସ୍ୱପ୍ନକୁ ସାକାର କରିବା ପାଇଁ ଏକ ଅବିଶ୍ୱସନୀୟ କାର୍ଯ୍ୟ କରିଛନ୍ତି |
Sambad is now on WhatsApp
Join and get latest news updates delivered to you via WhatsApp
ଏଲିଫାଥେରିଆ ଟୋସିଓ ନାମକ ଜଣେ ଛାତ୍ରୀଙ୍କୁ ତାଙ୍କ ପିଠିରେ ବସାଇ ତାଙ୍କୁ ମାଉଣ୍ଟ ଅଲିମ୍ପସ୍ ଶିଖରକୁ ନେଇଥିଲେ ଯେଉଁସ୍ଥାନକୁ ଯିବାକୁ ଝିଅଟି ସ୍ୱପ୍ନ ଦେଖିଥିଲା | ସେପ୍ଟେମ୍ବର ମାସରେ, ମାରିଓସ୍ ୨୨ ବର୍ଷୀୟ ଜୀବ ବିଜ୍ଞାନ ଛାତ୍ରୀ ଏଲିଫାଥେରିଆଙ୍କୁ ଭେଟିଥିଲେ | ଏହି ଛାତ୍ରୀ ଜଣକ ଦିବ୍ୟାଙ୍ଗ ହୋଇଥିବାବେଳେ ସେ କହିଥିଲେ ଯେ ମାଉଣ୍ଟ ଅଲିମ୍ପସର ଶିଖରକୁ ଯିବାକୁ ଚାହାଁନ୍ତି | ତେଣୁ, କିଛି ସପ୍ତାହ ମଧ୍ୟରେ, ମାରିଓସ୍ ନିଜ ଛାତ୍ରୀଙ୍କୁ ପର୍ବତ ଶିଖରରେ ପହଂଚାଇବା ପାଇଁ ସ୍ଥିର କରିଥିଲେ |
ସେଥିପାଇଁ ପିଠିରେ ନିଜ ଛାତ୍ରୀଙ୍କୁ ବୋହି ମାଉଣ୍ଟ ଅଲିମ୍ପସ ଶିଖରକୁ ଯାତ୍ରା ଆରମ୍ଭ କରିଥିଲେ | ପାହାଡିଆ ରାସ୍ତାରେ ବହୁତ କଷ୍ଟ ହୋଇଥିଲେ ବି ଏହି ଆଥଲେଟ ଜଣକ ନିଜ ଛାତ୍ରୀଙ୍କ ସ୍ୱପ୍ନକୁ ପ୍ରାଧାନ୍ୟ ଦେଇଥିଲେ | ନିଜ ଇନଷ୍ଟାଗ୍ରାମରେ ଆଥଲେଟ ଜଣକ ସୂଚନା ଦେଇଛନ୍ତି ଯେ ଏଲିଫାଥେରିଆ ହେଉଛନ୍ତି ପ୍ରଥମ ମହିଳା ଯିଏକି ଦିବ୍ୟାଙ୍ଗ ସତ୍ତ୍ୱେ ମାଉଣ୍ଟ ଅଲିମ୍ପସର ସର୍ବୋଚ୍ଚ ସ୍ଥାନରେ ପହଞ୍ଚିଛନ୍ତି।