ଚମ୍ପାୱତ: ଭୟଙ୍କର ଗାଁ, ଅଭିଶପ୍ତ ଗାଁ, ଭୂତ ପ୍ରେତ ଡାହାଣୀଙ୍କ ଗାଁ ।.. ଏହି ଗାଁରେ ପାଦେ ପାଦେ ବିପଦ। ରାତିହେଲେ ଗାଁରେ ଅଶରୀରୀ ଆତ୍ମାଙ୍କର ଉତ୍ପାତ ଆରମ୍ଭ ହୋଇଯାଏ । ରାତି ଯେତିକି ବଢେ, ଗାଁରେ ସେତିକି ଭୟଙ୍କର ସ୍ଥିତି ସୃଷ୍ଟି ହୁଏ । ବିକଟାଳଶବ୍ଦ, ଅଟହାସ୍ୟରେ ପୂରା ଗାଁ କମ୍ପମାନ ହୁଏ । ରାତି ସାରା ଗାଁରେ ଘୂରିବୁଲନ୍ତି ୮ଟି ଆତ୍ମା ।.. କହାଯାଉଛି କି ଏହି ଗାଁରେ ଜଣେ ହେଲେ କାହାକୁ ରଖାଇ ଦେଉନାହାନ୍ତି ଏହି ଅଶରୀରୀ ଆତ୍ମାସବୁ । ବାହାର ଗାଁର ଲୋକେ ରାତିହେଲେ ଏହି ଗାଁକୁ ଯିବା ଦୂରେ ଥାଉ, ଯିବା କଥା ଭାବିଲେ ଭୟରେ ଥରି ଉଠନ୍ତି ।
ଉତ୍ତରାଖଣ୍ଡର ଚମ୍ପାୱତ ଜିଲ୍ଲାରେ ରହିଛି ଏହି ଭୟଙ୍କର ଗାଁ ସ୍ୱାଲା । ୧୯୫୨ ମସିହା ପୂର୍ବରୁ ଏହି ଗାଁ ଅନ୍ୟ ଗାଁ ପରି ଥିଲା ସାଧାରଣ । ହେଲେ ୧୯୫୨ ମସିହାରେ ଏଠାରେ ଏମିତି ଏକ ଘଟଣା ଘଟିଲା, ଯାହା ପରଠାରୁ ବଦଳିଗଲା ଗାଁର ଚିତ୍ର । ଭୂତ ଗାଁ ନାଁରେ ଏହା କେବଳ ସ୍ଥାନୀୟ ଅଂଚଳ କାହିଁକି ପୂରା ରାଜ୍ୟରେ ପରିଚିତ ହେଲା । ପ୍ରକୃତରେ ଏଠାରେ ଏମିତି କଣ ଘଟିଥିଲା, ଆସନ୍ତୁ ଜାଣିବା ।..
Sambad is now on WhatsApp
Join and get latest news updates delivered to you via WhatsApp
ସ୍ଥାନୀୟ ଲୋକଙ୍କ କହିବା ଅନୁସାରେ ୧୯୫୨ ମସିହାରେ ପ୍ରୋଭିନସିଆଲ ଆର୍ମଡ୍ କନଷ୍ଟେବୁଲାରି, ପିଏସିର ଏକ ବାଟାଲିଅନ ସ୍ୱାଲା ଗାଁ ଦେଇ ଯାଉଥିଲା । ବାଟାଲିୟନ ଯିବା ସମୟରେ ସେମାନଙ୍କର ଏକ ଗାଡି ଗାଁ ନିକଟରେ ଏକ ଖାଇରେ ଖସିପଡିଥିଲା । ଏହି ଗାଡିରେ ଥିବା ୮ ଜଣ ଅଫିସର ସାହାଯ୍ୟ ପାଇଁ ଗାଁ ଲୋକଙ୍କୁ ଚିତ୍କାର କରି ଡାକିଥିଲେ । ସେମାନଙ୍କ ପାଟି ଶୁଣି ଗାଁ ଲୋକେ ଆସିଲେ ହେଲେ ସେମାନଙ୍କୁ ଉଦ୍ଧାର କରିବା ପରିବର୍ତ୍ତେ ସେମାନଙ୍କ ଜିନିଷ ଲୁଟିନେଲେ । ସେହି ଖାଇ ଭିତରେ ହିଁ ୮ ଜଣ ଯବାନ ଅତି ବିକଳ ଅବସ୍ଥାରେ ପ୍ରାଣ ହରାଇଥିଲେ ।
ଏହି ଯବାନଙ୍କର ମୃତ୍ୟୁ ପରେ ବଦଳି ଯାଇଥିଲା ଗାଁର ଅବସ୍ଥା । କୁହାଯାଉଛି କି ଗ୍ରାମବାସୀଙ୍କ ଉପରେ ପ୍ରତିଶୋଧ ନେବା ପାଇଁ ଗାଁ ମୁହାଁ ହୋଇଥିଲେ ୮ ଯବାନଙ୍କ ଆତ୍ମା । ପ୍ରତିଦିନ ଗାଁରେ ଅଜବ ଘଟଣାସବୁ ଘଟିଲା । ୮ ଯବାନଙ୍କ ପ୍ରେତାତ୍ମା ଗାଁରେ ଉତ୍ପାତ କରିବାକୁ ଲାଗିଲେ ।
ଶେଷରେ ପରିସ୍ଥିତି ଏମିତି ହେଲା ଯେ ଗାଁରେ ରହିବା ଲୋକଙ୍କ ପାଇଁ ଅସମ୍ଭବ ହୋଇପଡିଲା । ନିଜର ଭୁଲ ବୁଝି ପାରି ଗ୍ରାମବାସୀ ଗାଡି ଖାତକୁ ପଡିଥିବା ସ୍ଥାନରେ ଏକ ମନ୍ଦିର ତିଆରି କରିଥିଲେ । ହେଲେ ପରିସ୍ଥିତିରେ କୌଣସି ସୁଦ୍ଧାର ହୋଇନଥିଲା । କିଛି ଦିନ ଭିତରେ ଏହି ଗାଁ ଖାଲି ହୋଇଗଲା । ଜୀବନ ବଂଚାଇବା ପାଇଁ ଗାଁ ଲୋକେ ପଡୋଶୀ ଗାଁକୁ ଚାଲିଗଲେ ।.. ଏବେ ବି ସ୍ୱାଲା ଗାଁରେ ଥିବା ଏହି ଭଙ୍ଗା ଘର ବୟାନ କରୁଛି, ଭୂତ ଭୟରେ କେମିତି ଏକ ସୁନ୍ଦର ଗାଁ ଛାରଖାର ହୋଇଗଲା ।