ଆତ୍ମହତ୍ୟା କରିବାକୁ ବାଧ୍ୟ କଲା ଋଣ ବୋଝ, ବିଷ ପିଇଲେ ପରିବାରର ୫ଜଣ ସଦସ୍ୟ
ଭୋପାଳ: ଦିଲ୍ଲୀର ‘ବୁରାଡି ଘଟଣା’ ମନରୁ ନଲିଭୁଣୁ ଏବେ ଭୋପାଳରେ ପୁଣି ସେଭଳି ଏକ ହୃଦୟଥରା ଘଟଣା ଘଟିଛି। ଗୋଟିଏ ପରିବାରର ୫ ଜଣ ଏକା ସାଙ୍ଗେ ବିଷ ପିଇ ଆତ୍ମହତ୍ୟା କରିବା ଘଟଣା ଏବେ ଦେଶକୁ ସ୍ତବ୍ଧ କରିଛି। । ଏପରିକି ଘରେ ପାଳିଥିବା ନୀରିହ କୁକୁର ଓ ମୂଷାଙ୍କ ମୁହଁରେ ବି ଜହର ଦିଆଯାଇ ସେମାନଙ୍କୁ ମୃତ୍ୟୁ ମୁଖକୁ ଠେଲି ଦିଆଯାଇଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମର ସୂଚନା ମୁତାବକ, ଭୋପାଳ ଆନନ୍ଦ ବିହାର କଲୋନୀରେ ରହୁଥିବା ଯୋଶୀ ପରିବାରର ୫ଜଣ ସଦସ୍ୟ ଆତ୍ମହତ୍ୟା କରିଛନ୍ତି । ଜଣେ ମେକାନିକ୍ ଭାବେ ପରିଚୟ ସୃଷ୍ଟି କରିଥିବା ଏହି ବ୍ୟକ୍ତି ଜଣକ ନିଜ ପତ୍ନୀ, ଦୁଇ ଝିଅ ସହ ଜନ୍ମକଲା ମା’ଙ୍କୁ ମୃଦୁ ପାନୀୟରେ ବିଷ ମିଶାଇ ପିଇବା ସହ ସାମୁହିକ ଆତ୍ମହତ୍ୟା କରିଛନ୍ତି । କେବଳ ପରିବାରର ୫ ସଦସ୍ୟ ନୁହନ୍ତି ତାଙ୍କ ଘରେ ଥିବା ପୋଷା କୁକୁର ଓ ମୂଷାଙ୍କୁ ମଧ୍ୟ ବିଷ ପିଆଇ ଦେଇଛନ୍ତି ଏହି ପରିବାର । ତେବେ ଏଭଳି ଚରମ ନିଷ୍ପତ୍ତି ଯୋଗୁଁ ମେକାନିକଙ୍କ ଗୋଟିଏ ଝିଅ ଏବଂ ମାଆଙ୍କର ମୃତ୍ୟୁ ଘଟିଛି । ଅନ୍ୟପଟେ ମେକାନିକ୍, ତାଙ୍କ ପତ୍ନୀ ଏବଂ ଅନ୍ୟ ଝିଅଜଣକ ଏବେ ଜୀବନ ମୃତ୍ୟୁ ସହ ସଂଗ୍ରାମ କରୁଛନ୍ତି ।
ଦେଶର ଛାତିକୁ ଦୋହଲାଇ ଦେଇଥିବା ଭୋପାଳର ଏହି ଘଟଣାକୁ ନେଇ ପୁଲିସ କହିଛି ଯେ, ଘଟଣାସ୍ଥଳରୁ ଏକ ସୁସାଇଡ୍ ନୋଟ୍ ମିଳିଛି । ଯେଉଁଥିରେ ଏହି ପରିବାର ଆତ୍ମହତ୍ୟା କରୁଥିବା ଉଲ୍ଲେଖ କରିଛନ୍ତି । ପରିବାରର ଆର୍ଥିକ ସ୍ଥିତି ସ୍ୱଚ୍ଛଳ ନଥିବାରୁ ଚଳିବା ପାଇଁ ରହୁଥିବା ଘରଟିକୁ ବନ୍ଧା ପକାଇ ଋଣ କରିଥିଲେ ମେକାନିକ । ହେଲେ କିସ୍ତି ପରିଶୋଧ କରିବାରେ ବହୁତ ସମସ୍ୟା ହେଉଥିଲା । ଏପରିିକି ଯାହାଙ୍କ ପାଖରେ ଘର ବନ୍ଧା ପକାଇଥିଲେ ସେ ବାରମ୍ବାର କିସ୍ତି ଦେବାକୁ ଧମକ ଦେଇ ଚାପ ପକାଉଥିଲା । ଏଥିପାଇଁ ଶେଷରେ କିଛି ଉପାୟ ନପାଇ ସାମୁହିକ ଆତ୍ମହତ୍ୟାର ବାଟକୁ ଆପଣାଇଥିଲେ ଯୋଶୀ ପରିବାର ।