ବିଛୁଆତି ପତ୍ର ଭୋଜନ ପ୍ରତିଯୋଗିତା!
ଇ˚ଲଣ୍ତ୍ର ଡୋର୍ସେଟ୍ ଅନ୍ତର୍ଗତ ମାର୍ସ୍ଉଡ୍ରେ ଥିବା ‘ବଟଲ୍ ଇନ୍ ପବ୍’ରେ ତେଇଶତମ ବିଛୁଆତି ପତ୍ର ଭୋଜନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ପୁରୁଷ ବିଭାଗରେ ଅଣତିରିଶ ବର୍ଷ ବୟସ୍କ ଟନି ଜେସ୍ ଅଠାବନ ଫୁଟ୍ର ବିଛୁଆତି ଲଟା ଖାଇ ଏବ˚ ମହିଳା ବିଭାଗରେ ସତଷଠି ବର୍ଷ ବୟସ୍କା ଲିନ୍ଡି ରୋଜର୍ସ୍ ଛୟାଳିଶ ଫୁଟ୍ର ଲଟା ଉଦରସ୍ଥ କରି ଚା˚ପିଅନ୍ ହୋଇଥିବା ପ୍ରକାଶ। ବିଛୁଆତି ପ୍ରଭାବରେ ଦୁହିଁଙ୍କ ଜିଭ କଳା ପଡ଼ିଯାଇଥିଲେ ବି ବିପଦ ଆଶଙ୍କା ନାହିଁ ବୋଲି କହାଯାଉଛି।
Sambad is now on WhatsApp
Join and get latest news updates delivered to you via WhatsApp
ପ୍ରତିଯୋଗିତା ସ୍ଥଳୀରେ ଅନ୍ୟମାନଙ୍କ ମଧ୍ୟରେ ଉପସ୍ଥିତ ଥିଲେ ତିନି ଥରର ଚା˚ପିଅନ୍ ଫିଲ୍ ଥ୍ରୋମ୍। ଏକଦା ସେ ଶହେ ଚାରି ଫୁଟ୍ ଲମ୍ବର ବିଛୁଆତି ଲଟା ଖାଇ ଏକ ବିଶ୍ବ କୀର୍ତ୍ତିମାନ ସ୍ଥାପନ କରିଥିଲେ, ଯାହା ଏ ପର୍ଯ୍ୟନ୍ତ ଅତୁଟ ରହିଛି। ତେବେ, ଏ ଥର ସେ ପ୍ରତିଯୋଗିତାରେ ଭାଗନେଇ ନ ଥିଲେ।