ନୂଆଦିଲ୍ଲୀ: ନୋକିଆର ଅପରେଟିଂ ସିଷ୍ଟମ ପରେ ବର୍ତ୍ତମାନ ବ୍ଲାକବେରୀର ଓଏସ୍ ମଧ୍ୟ ଶେଷ ହେବାକୁ ଯାଉଛି । କମ୍ପାନିର ସୂଚନା ମୁତାବକ, ଆଜିଠାରୁ ଏହା ବ୍ଲାକବେରୀ ଅପରେଟିଂ ସିଷ୍ଟମକୁ ସମର୍ଥନ କରିବା ବନ୍ଦ କରିବ । ଯଦି ଜଣେ ଉପଭୋକ୍ତାଙ୍କ ପାଖରେ ବ୍ଲାକବେରୀ ଓଏସକୁ ସମର୍ଥନ କରୁଥିବା ବ୍ଲାକବେରୀ ସ୍ମାର୍ଟଫୋନ୍ ଅଛି, ତେବେ ଏହା କାମ କରିବା ବନ୍ଦ କରିଦେବ ।
Sambad is now on WhatsApp
Join and get latest news updates delivered to you via WhatsApp
ଏଭଳି ପରିସ୍ଥିତିରେ, କମ୍ପାନି କ୍ଲାସିକ୍ ବ୍ଲାକବେରୀ ଓଏସ ଏବଂ ବ୍ଲାକବେରୀ ୧୦ ଚାଳିତ ସ୍ମାର୍ଟଫୋନ୍ ପାଇଁ ସମର୍ଥନ ବନ୍ଦ କରିବାକୁ ଯାଉଛି । କମ୍ପାନି ସେହି ଗ୍ରାହକମାନଙ୍କୁ ସତର୍କ କରାଇଦେଇଛି ଯେଉଁମାନେ ବନ୍ଦ ହେବାକୁ ଯାଉଥିବା ସଫୱେୟାରରେ ଚାଲୁଥିବା ଫୋନ୍ ବ୍ୟବହାର କରୁଛନ୍ତି । ବ୍ଲାକବେରୀ ୭.୧ ଓଏସ ଏବଂ ଏହାପୂର୍ବରୁ ବ୍ଲାକବେରୀ ୧୦ ସଫୱେୟାର, ବ୍ଲାକବେରୀ ପ୍ଲେ ବୁକ୍ ଓଏସ୍ ୨୧ ଏବଂ ପୂର୍ବ ସଂସ୍କରଣଗୁଡିକ ଆଜିପରଠାରୁ ଆଉ ଅପଲବ୍ଧ ହେବନାହିଁ ବୋଲି କମ୍ପାନି ଏକ ବିଜ୍ଞପ୍ତିରେ କହିଛି ।
ଫେବ୍ରୁଆରୀ ୨୦୨୦ରେ ଟିସିଏଲ ଘୋଷଣା କରିଥିଲା ଯେ ଏହା ଆଉ ବ୍ଲାକବେରୀ ଫୋନ୍ ଉତ୍ପାଦନ କରିବନାହିଁ । କମ୍ପାନିର ଶେଷ ଫୋନ୍ ଉତ୍ପାଦନ ଥିଲା ବ୍ଲାକବେରୀ କି୨ ଏଲଇ। ବ୍ଲାକବେରୀ ଦ୍ୱାରା ଦିଆଯାଇଥିବା ଆଲର୍ଟ ଅନୁଯାୟୀ, କିଛି ଦିନ ପରେ ଏହି ଫୋନରେ ସେଲ୍ୟୁଲାର୍ ଏବଂ ୱାଇ-ଫାଇ କନେକ୍ଟିଭିଟି ଭଳି ସେବା ବନ୍ଦ ହୋଇଯିବ । ତାହା ହେଉଛି, କଲ୍, ସେଲ୍ୟୁଟ୍ର୍ ଡାଟା, ଏସଏମଏସ ଏବଂ ଜରୁରୀକାଳୀନ କଲ୍ ଭଳି ସେବା ବ୍ଲାକବେରୀ ଫୋନ ଦ୍ବାରା କରିବା ସମ୍ଭବ ହେବ ନାହିଁ।
ହେଲେ ଏହି ପରିବର୍ତ୍ତନ ଆଣ୍ଟ୍ରଏଡ୍ ଓଏସରେ ଚାଲୁଥିବା ବ୍ଲାକବେରୀ ସ୍ମାର୍ଟଫୋନ୍ ଉପରେ ପ୍ରଭାବ ପକାଇବ ନାହିଁ ।