ବିବାହ ବେଦି ଉପରେ କିଛି ପୁଅ କନିଆଁକୁ ଉଠାଇ ନେଲେ କୋଳକୁ... ତା’ପରର ଭିଡିଓ ହେଲା ଭାଇରାଲ

ନୂଆଦିଲ୍ଲୀ: ଏବେ ଚାଲିଛି ବିବାହ ଋତୁ। ବିବାହ ଋତୁରେ ସୋସିଆଲ ମିଡିଆରେ ଭିନ୍ନ ଭିନ୍ନ ପ୍ରକାରର ବିବାହ ଭିଡିଓ ସବୁ ଦେଖିବାକୁ ମିଳିଥାଏ। ପ୍ରତିଦିନ କୌଣସି ନା କୌଣସି ଭିଡିଓ ଭାଇରାଲ ହୋଇଥାଏ। ସେଥିମଧ୍ୟରୁ କିଛି ଭିଡିଓ ଆମକୁ ହସାଇଥାଏ ତ କିଛି ଭିଡିଓ କନ୍ଦାଇ ଦେଇଥାଏ। ଏପରି ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯାହା ଦେଖି ଆପଣ ହସିବା ବନ୍ଦ କରି ପାରିବେ ନାହିଁ।

ଭିଡିଓରେ ଦେଖାଯାଇଛି ଯେ ବିବାହ ସମାରୋହରେ ଘରର କିଛି ପୁଅ ଏକତ୍ର କନିଆକୁ କୋଳରେ ଉଠାଇ ନେଇଥିଲେ, କିନ୍ତୁ ଏହା ମଝିରେ କନିଆଁ ଜଣକ ଯାହା କଲେ ଆପଣ ଦେଖିଲେ ହସି ହସି ଗଡ଼ିଯିବେ।

View this post on Instagram

A post shared by SAKHT LOGG 🔥 (@sakhtlogg)

ଭାଇରାଲ୍ ହେଉଥିବା ଏହି ଭିଡିଓରେ ଦେଖା ଯାଇଛି ଯେ ବିବାହ ସମାରୋହରେ ବହୁତ ଭିଡ଼ ଅଛି ଏବଂ ବିବାହର ରୀତିନୀତି ଚାଲିଛି। ସମାରୋହ ମଝିରେ କିଛି ପୁଅ କନିଆଁକୁ କୋଳରେ ଉଠାଇ ନେଇଛନ୍ତି। କିନ୍ତୁ ତା’ପରେ କନିଆଁର ସନ୍ତୁଳନ ଖରାପ ହେବାକୁ ଲାଗେ ଏବଂ ସେ ଖସି ପଡୁଥିବା ଦେଖାଯାଏ । କିନ୍ତୁ ନିଜକୁ ଖସିବାରୁ ବଞ୍ଚାଇବାକୁ ଯାଇ ସେ ସାଇଡରେ ଥିବା ପୁଅର ଚୁଟିକୁ ଖୁବ ଜୋରରେ ଜାବୁଡି ଧରିଛନ୍ତି । ଭିଡିଓ ଦେଖିବାକୁ ବହୁତ ମଜାଦାର ହୋଇଥିବା ବେଳେ ଏହା ଏବେ ଭାଇରାଲ ହେବାରେ ଲାଗିଛି । ଏହି ଭିଡିଓଟି ଇନଷ୍ଟାଗ୍ରାମରେ ସେୟାର କରାଯାଇଛି । ଭିଡିଓଟିକୁ ଶହ ଶହ ଲୋକ ଲାଇକ୍ କରିଛନ୍ତି ।