ନିର୍ମାଣ ଚାଲିଛି ବିଶାଳ ଯୀଶୁଙ୍କ ମୂର୍ତ୍ତି, ଯାହାକି ଅନେକ ରେକର୍ଡ଼କୁ ଭାଙ୍ଗିଦେବ!
ରିଓ ଡି ଜେନେରିଓ: ବ୍ରାଜିଲରେ ଯୀଶୁ ଖ୍ରୀଷ୍ଟଙ୍କ ଏକ ବିରାଟ ପ୍ରତିମୂର୍ତ୍ତି ନିର୍ମାଣ କରାଯାଉଛି, ଯାହା ଦି ରିଡିମର ଠାରୁ ମଧ୍ୟ ଉଚ୍ଚତାରେ ଅଧିକ ହେବ | ପ୍ରତିବର୍ଷ ପୃଥିବୀର ବିଭିନ୍ନ ସ୍ଥାନରୁ ପର୍ଯ୍ୟଟକମାନେ ଦି ରିଡିମରକୁ ଦେଖିବାକୁ ଆସନ୍ତି | ତିଜୁକା ନ୍ୟାସନାଲ ପାର୍କରେ ଦୁଇ ହାତକୁ ବିସ୍ତାରିତ କରିଥିବା ଯୀଶୁ ଖ୍ରୀଷ୍ଟଙ୍କ ପ୍ରତିମୂର୍ତ୍ତି ଦୁନିଆର ସପ୍ତାଶ୍ଚର୍ଯ୍ୟ ମଧ୍ୟରୁ ଅନ୍ୟତମ ହୋଇଥିବାବେଳେ ଏହି ଶିଖରରୁ ସମଗ୍ର ବ୍ରାଜିଲ ସହର ଦୃଶ୍ୟମାନ ହୋଇଥାଏ | କେବଳ ଏତିକି ନୁହେଁ ବ୍ରାଜିଲ ଏବଂ ରିଓ ଡି ଜେନେରିଓର ପରିଚୟ ପାଇଁ ମଧ୍ୟ ଦି ରିଡିମରକୁ ବିବେଚନା କରାଯାଏ।
Sambad is now on WhatsApp
Join and get latest news updates delivered to you via WhatsApp
ଦି ରିଡିମର ର ଉଚ୍ଚତା ପ୍ରାୟ ୩୦ ମିଟର ହୋଇଥିବାବେଳେ ନୂଆ ଏହି ପ୍ରତିମୂର୍ତ୍ତିର ନିର୍ମାଣ କାର୍ଯ୍ୟ ୨୦୧୯ ରେ ଆରମ୍ଭ ହୋଇଥିଲା | ଦୁଇ ହାତକୁ ମିଶାଇ ନୂଆ ମୂର୍ତ୍ତିର ମୋଟେଇ ପ୍ରାୟ ୩୮ ମିଟର ହୋଇଥିବାବେଳେ ଏହାର ନାମ କ୍ରିସଟ ଦି ପ୍ରୋଟେକ୍ଟର ଦିଆଯାଇଛି | କୁହାଯାଉଛି ଯେ ନୂତନ ପ୍ରତିମୂର୍ତ୍ତି ନିର୍ମାଣ ପରେ ଲୋକଙ୍କ ମଧ୍ୟରେ ଧାର୍ମିକ ବିଶ୍ୱାସ ବୃଦ୍ଧି ପାଇବା ସହ ବ୍ରାଜିଲର ପର୍ଯ୍ୟଟନ ଶିଳ୍ପକୁ ମଧ୍ୟ ପ୍ରୋତ୍ସାହନ ମିଳିବ |
ଏହି ମୂର୍ତ୍ତିର ନିର୍ମାଣ ସରିବା ପରେ ଏହାର ଉଚ୍ଚତା ପ୍ରାୟ ୪୩ ମିଟର (୧୪୦ ଫୁଟ) ହେବ, ଯାହା ଦି ରିଡିମର ଠାରୁ ୧୩ ମିଟର ଅଧିକ ଉଚ୍ଚ ହେବ | ଏହି ପ୍ରତିମୂର୍ତ୍ତି ନିର୍ମାଣ ପାଇଁ ପ୍ରାୟ ସାଢେ ତିନି ଲକ୍ଷ ଡଲାର ଖର୍ଚ୍ଚ ହେବାକୁ ଥିବାବେଳେ ଫ୍ରେଣ୍ଡସ୍ ଅଫ୍ ଖ୍ରୀଷ୍ଟ ନାମକ ସଂଗଠନ ପକ୍ଷରୁ ଏହାକୁ ନିର୍ମାଣ କରାଯାଉଛି | ଦି ରିଡିମର କଥା କହିବାକୁ ଗଲେ ଏହାର ଓଜନ ୬୩୫ ଟନ୍ ହୋଇଥିବାବେଳେ ୧୯୨୨ ରୁ ୧୯୩୧ ମଧ୍ୟରେ ନିର୍ମାଣ ହୋଇଥିଲା |