ନୂଆଦିଲ୍ଲୀ: ଅନେକ ସମୟରେ ବିଷାକ୍ତ ସାପ ଜଙ୍ଗଲରୁ କିମ୍ବା ସେମାନଙ୍କ ଗାତରୁ ବାହାରି ଘରମାନଙ୍କ‌ରେ ପଶି ଯାଇଥାନ୍ତି। ସାପ ପରି ଏକ ବିପଦଜନକ ଜୀବକୁ ଦେଖି ବେଳେ ବେଳେ  ଲୋକଙ୍କ ଅବସ୍ଥା ଖରାପ ହୋ‌ଇ ଯାଇଥାଏ।

Advertisment

ଯଦି ଅଚାନକ ଏକ ଅହିରାଜ ଆପଣଙ୍କ ସମ୍ମୁଖକୁ ପଳାଇ ଆସେ ତ ଆପଣଙ୍କ ଅବସ୍ଥା କ’ଣ ହେବ? ସୋସିଆଲ ମିଡିଆରେ ପଶୁମାନଙ୍କ ସହ ଜଡିତ ଅନେକ ଭିଡିଓ ଭରି ରହିଛି, ଯାହାକୁ ଦେଖି ଲୋକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି। ଏଥିମଧ୍ୟରୁ ସାପ ସହିତ ଜଡିତ ଅଧିକାଂଶ କ୍ଲିପ୍ ଦେଖାଯାଏ।

ସେହିଭଳି, ବର୍ତ୍ତମାନ ପୁଣି ଭିଡିଓ ସାମ୍ନାକୁ ଆସିଛି। ଏଥିରେ, ଏକ ନାଗ ସାପ ଅଟୋରିକ୍ସା ପଛରେ ଗୁଡ଼େଇ ହୋଇ ସହର ବୁଲୁଥିବାର ଦେଖାଯାଉଛି। ଦେଖିବାକୁ ମିଳିଛି ସାପଟି ଅଟୋର ଉପରକୁ ଚଢ଼ିବାକୁ ଚେଷ୍ଟା କରୁଛି। ଏହି ସମୟ ମଧ୍ୟରେ କିଛି ଅଟୋ ଡ୍ରାଇଭର ମଧ୍ୟ ସେଠାରେ ଠିଆ ହୋଇ ସାପଟିର ଫଟୋ ଓ ଭିଡିଓ ନେଉଛନ୍ତି। ଏହି ଭିଡିଓ ଦେଖି ଅନେକ ଲୋକ ଖୁବ୍ ମଜାଦାର ମନ୍ତବ୍ୟ ଦେଇଛନ୍ତି। ନାଗ ମୁମ୍ବାଇ ଯାତ୍ରା କରୁଛି ବୋଲି କେହି କେହି ଲେଖିଥିବାର ଦେଖିବାକୁ ମିଳିଛି।

କ୍ୟାପସନରେ ଲେଖା ଅଛି ‘‘ବାଦଲାପୁର ରେଳ ଷ୍ଟେସନର ଟିକେଟ୍ ୱିଣ୍ଡୋ ନିକଟରେ।’’ ମାତ୍ର ୩୦ ସେକେଣ୍ଡର ଭିଡିଓରେ, ଏହା ଦେଖିବାକୁ ମିଳିଛି ଯେ ସାପଟି ରିକ୍ସା ପଛରେ ରହି ଉପରକୁ ଉଠିବାକୁ ଚେଷ୍ଟା କରୁଛି। କିଛି ଲୋକ ଏହି ମୁହୂର୍ତ୍ତକୁ କ୍ୟାମେରାରେ କ୍ୟାପଚର କରିବାରେ ବ୍ୟସ୍ତ ଅଛନ୍ତି। ଅକ୍ଟୋବର ୧୨ରେ ପୋଷ୍ଟ ହୋଇଥିବା ଏହି ଭିଡିଓ ଦେଖିବା ପାଇଁ ଲୋକମାନେ ବହୁତ ଆଗ୍ରହ ଦେଖାଉଛନ୍ତି।