ଶତାଧିକ କରୋନା ସଂକ୍ରମିତଙ୍କୁ ଆମ୍ବୁଲାନ୍ସରେ ନେଇଥିବା ଡ୍ରାଇଭରଙ୍କର କୋଭିଡରେ ମୃତ୍ୟୁ, ଉପରାଷ୍ଟ୍ରପତି ଜଣାଇଲେ ଶ୍ରଦ୍ଧାଞ୍ଜଳି
ନୂଆଦିଲ୍ଲୀ: କରୋନା ମହାମାରୀ ଯୋଗୁଁ, କରୋନା ଯୋଦ୍ଧାମାନେ ୭ ମାସ ଧରି ନିଜ ଜୀବନକୁ ବିପଦରେ ପକାଇ ସମସ୍ତଙ୍କୁ ସାହାଯ୍ୟ କରିଆସୁଛନ୍ତି | ଏଭଳି ଅନେକ ଲୋକ ଅଛନ୍ତି ଯେଉଁମାନେ ପରିବାରଠାରୁ ଦୂରରେ ରହି ମଧ୍ୟ ଅସହାୟ ଲୋକଙ୍କୁ ସାହାଯ୍ୟ କରୁଛନ୍ତି | ଦିଲ୍ଲୀର ସେଲାମପୁର ଅଞ୍ଚଳରେ ରହୁଥିବା ଆରିଫ ଖାନ ଏମିତି ଜଣେ ବ୍ୟକ୍ତି ଥିଲେ ଯିଏ କି ଜଣେ ଆମ୍ବୁଲାନ୍ସ ଡ୍ରାଇଭର ଭାବେ କାର୍ଯ୍ୟ କରୁଥିଲେ | ଆମ୍ବୁଲାନ୍ସ ଡ୍ରାଇଭର ଆରିଫ ନିଜ ଜୀବନକୁ ବିପଦରେ ପକାଇ ୨୦୦ ରୁ ଅଧିକ କରୋନା ରୋଗୀଙ୍କୁ ଠିକ୍ ସମୟରେ ଡାକ୍ତରଖାନାରେ ପହଞ୍ଚାଇଥିଲେ ଏବଂ ୧୦୦ ରୁ ଅଧିକ ମୃତଦେହକୁ ଶବଦାହ ପାଇଁ ନେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ତେବେ ଆରିଫ ଖାନ ମଧ୍ୟ ସେବା କରୁ କରୁ କରୋନା ସଂକ୍ରମିତ ହୋଇପଡିଥିଲେ ଓ ଶନିବାର ସକାଳେ ତାଙ୍କର ମୃତ୍ୟୁ ଘଟିଥିଲା । ଏହି ଘଟଣା ପରେ ଉପରାଷ୍ଟ୍ରପତି ଏମ ଭେଙ୍କୟା ନାଇଡୁ ଆରିଫଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି। ସୂଚନା ଥାଉ କି ଯେ ଆରିଫ ଖାନ ଗତ ୨୫ ବର୍ଷ ଧରି ସହିଦ ଭଗତ ସିଂ ସେବା ଦଳ ସହିତ ଜଡିତ ଥିଲେ। ସେ ମାଗଣା ଆମ୍ବୁଲାନ୍ସ ସେବା ଯୋଗାଇବାରେ କାମ କରୁଥିଲେ | ମାର୍ଚ୍ଚ ୨୧ ରୁ ଆରିଫ ଖାନ କରୋନା ରୋଗୀଙ୍କୁ ଡାକ୍ତରଖାନା ନେବା କାର୍ଯ୍ୟ କରୁଥିଲେ।
My condolences to the bereaved family members of ambulance driver, Aarif Khan of Delhi. He rendered selfless service by ferrying close to 200 bodies of COVID-19 patients for their last rites. It is saddening to learn that he succumbed to the Coronavirus.https://t.co/FlGaY80NhO
— Vice President of India (@VPSecretariat) October 11, 2020
ସହିଦ ଭଗତ ସିଂ ସେବା ଦଳର ପ୍ରତିଷ୍ଠାତା ଜିତେନ୍ଦ୍ର ସିଂ କହିଛନ୍ତି ଯେ ଜଣେ ମୁସଲମାନ ହୋଇଥିଲେ ମଧ୍ୟ ଆରିଫ ୧୦୦ ରୁ ଅଧିକ ହିନ୍ଦୁ ଲୋକଙ୍କ ମୃତଦେହକୁ ନିଜ ହାତରେ ସଂସ୍କାର କରିଛନ୍ତି । ସୂଚନା ଥାଉ କି ଅକ୍ଟୋବର ୩ ରେ ଆରିଫଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିଲା। ଯେଉଁ ଦିନ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା, ସେହି ଦିନ ତାଙ୍କର ମୃତ୍ୟୁ ହୋଇଥିଲା। ସେ ପରିବାରର ଏକମାତ୍ର ରୋଜଗାର କରୁଥିବା ସଦସ୍ୟ ଥିଲେ।