ନୂଆଦିଲ୍ଲୀ: ଉତ୍ତରପ୍ରଦେଶର ଜଣେ ପୁଲିସ କର୍ମଚାରୀ ମାନବିକତାର ଏପରି ଉଦାହରଣ ସୃଷ୍ଟି କରିଛନ୍ତି, ଯେଉଁଥିପାଇଁ ପୁଲିସ କର୍ମଚାରୀଙ୍କୁ ସର୍ବତ୍ର ପ୍ରଶଂସା କରାଯାଉଛି । ବାସ୍ତବରେ ଏହି ପୁଲିସ ମାଙ୍କଡ଼ର ଗର୍ଭରେ ଫସି ରହିଥିବା ମୃତ ଶିଶୁକୁ ବାହାର କରି ମାଙ୍କଡ଼କୁ ଯନ୍ତ୍ରଣାରୁ ଆରାମ ଦେଇଥିଲେ। ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଘଟଣା ଉତ୍ତରପ୍ରଦେଶର ଫତେହପୁର ଜିଲ୍ଲାରୁ ଆସିଛି। ଫତେହପୁର ପୁଲିସ ନିଜ ଅଫିସିଆଲ ଟ୍ୱିଟର ଆକାଉଣ୍ଟରୁ ଏହି ଘଟଣାର ଭିଡିଓ ପୋଷ୍ଟ କରିଛି।
Sambad is now on WhatsApp
Join and get latest news updates delivered to you via WhatsApp
ଫତେହପୁର ପୁଲିସ ସେୟାର କରିଥିବା ଭିଡିଓ ଅନୁଯାୟୀ, ଫତେହପୁରର ଖାଗାରେ ଏକ ମାଙ୍କଡ଼ର ଗର୍ଭରେ ମୃତ ଶିଶୁ ଅଟକି ଯାଇଥିଲା। ଏହି କାରଣରୁ ମାଙ୍କଡ଼ ବହୁତ ଯନ୍ତ୍ରଣା ଭୋଗୁଥିଲା। ଡ୍ରେନ୍ ପାଖରେ ବସି ମାଙ୍କଡ଼ ଯନ୍ତ୍ରଣା ଭୋଗୁଥିବା ଦେଖିବା ପରେ ଫତେହପୁରର ଖଗା ପୁଲିସ ଷ୍ଟେସନରେ କନଷ୍ଟେବଳ ଭାବରେ ପୋଷ୍ଟ ହୋଇଥିବା ବିନୋଦ କୁମାର ନିଜେ ମୃତ ସନ୍ତାନକୁ ମାଙ୍କଡ଼ର ଗର୍ଭରୁ ବାହାର କରି ମାଙ୍କଡ଼କୁ ଯନ୍ତ୍ରଣାରୁ ମୁକ୍ତି ଦେବା ସହିତ ତାର ଜୀବନ ରକ୍ଷା କରିଥିଲେ।
#UP112 में #PRV-3521 थाना खागा पर तैनात आरक्षी विनोद कुमार द्वारा बंदरिया के गर्भ में फंसे मृत बच्चे को बाहर निकालकर बंदरिया की जान बचाई गयी। @Uppolice @ADGZonPrayagraj @igrangealld pic.twitter.com/2mMnZxOIDi
— FATEHPUR POLICE (@fatehpurpolice) April 16, 2022
ଭିଡିଓରେ ଆପଣ ଦେଖିପାରିବେ ଯେ ପ୍ରଥମେ ଡ୍ରେନ୍ରେ ପୀଡିତ ମାଙ୍କଡ଼ ପାଖକୁ ପୁଲିସକର୍ମଚାରୀ ଯାଉଛନ୍ତି। ଏହାପରେ ସେ ମାଙ୍କଡ଼ର ଗର୍ଭରେ ଫସି ରହିଥିବା ମୃତ ଛୁଆକୁ ବାହାର କରୁଛନ୍ତି। ଏହି ସମୟରେ ବିନୋଦ କୁମାର ମାଙ୍କଡ ଯନ୍ତ୍ରଣାର ମଧ୍ୟ ଧ୍ୟାନ ରଖିଥିଲେ। ସେ ଯତ୍ନ ସହକାରେ ମାଙ୍କଡ଼ ଗର୍ଭରୁ ଛୁଆକୁ ବାହାର କରିଥିଲେ।| ଭିଡିଓରେ ଆପଣ ବିନୋଦ କୁମାରଙ୍କ ହୃଦୟସ୍ପର୍ଶୀ କାମକୁ ସ୍ପଷ୍ଟ ଭାବେ ଦେଖିପାରିବେ । ମାଙ୍କଡ଼ର ଜୀବନ ରକ୍ଷା କରିବା ପରେ ସେ ଧୀରେ ଧୀରେ ସେଠାରୁ ଚାଲିଯାଇଥିଲେ।
ଏହି ଭିଡିଓ ସାମ୍ନାକୁ ଆସିବା ପରେ ସୋସିଆଲ ମିଡିଆରେ ଉକ୍ତ ପୁଲିସ କର୍ମଚାରୀଙ୍କ କାମକୁ ଭୁରିଭୁରି ପ୍ରଶଂସା କରାଯାଉଛି। ଲୋକମାନେ ପୁଲିସ କର୍ମଚାରୀଙ୍କୁ ବହୁତ ଆଶୀର୍ବାଦ ମଧ୍ୟ ଦେଉଛନ୍ତି |