କଫିନ୍ ଭିତରୁ ଶୁଭିଲା ମୃତ ବ୍ୟକ୍ତିଙ୍କ ସ୍ୱର! ମୋତେ ପଦାକୁ ବାହାର କର, ଭିତରେ ବହୁତ ଅନ୍ଧାର…
ଲୋକେ ଜୀବିତ ବୋଲି ଭାବୁଥିବା ବେଳେ ପରେ ସାମ୍ନାକୁ ଆସିଲା ପ୍ରକୃତ ଘଟଣା
ନୂଆଦିଲ୍ଲୀ : ଆୟରଲ୍ୟାଣ୍ଡର କିଲକେନିରେ ଏକ ଅଜବ ଘଟଣା ଘଟିଛି । କଫିନ୍ ଭିତରେ ରଖାଯାଇଥିବା ଶବ ହଠାତ୍ କଥା କହି ଉଠିବାରୁ ଉପସ୍ଥିତ ଥିବା ସବୁ ଲୋକେ ଆଶ୍ଚର୍ଯ୍ୟ ହୋଇ ଯାଇଥିଲେ । ପ୍ରଥମେ କେହି କିଛି ବୁଝି ପାରୁ ନଥିଲେ ମଧ୍ୟ ପରେ ଘଟଣାଟି ସ୍ପଷ୍ଟ ହୋଇଥିଲା । କିଛି ଲୋକେ ମୃତ ଶାୟ ବ୍ରେଡ୍ଲି ଜୀବିତ ବୋଲି ଭାବିଥିବା ବେଳେ ପରେ ସେମାନଙ୍କର ସନ୍ଦେହ ଦୂର ହୋଇଥିଲା ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଶାୟ ବ୍ରେଡ୍ଲିଙ୍କ କଫିନ୍ ଭିତରୁ ହଠାତ୍ ଶୁଭିଥିଲା କି, ପାଦ୍ରୀଜୀ ମୋତେ ଶୁଣି ପାରୁଛନ୍ତି କି? ମୁଁ ଶାୟ, ବକ୍ସ ଭିତରେ ଅଛି । ମୋତେ ବାହାରକୁ ବାହାର କରନ୍ତୁ । ଭିତରେ ବହୁତ ଅନ୍ଧାର । ଏହା ଶୁଣି ପାଦ୍ରୀ ଆଶ୍ଚର୍ଯ୍ୟ ହେବା ସହ ତାଙ୍କ ପରିବାର ଲୋକେ ହସିବାକୁ ଲାଗିଥିଲେ । ପରେ କଫିନ୍ ଭିତରୁ ଶୁଭିଥିଲା, ହେଲୋ….ମୁଁ କେବଳ ଗୁଡ୍ବାଏ କହିବା ପାଇଁ କଲ୍ କରିଥିଲି । ଶାୟଙ୍କ ପରିବାର ବ୍ୟତୀତ ଏ ବିଷୟରେ କେହି କିଛି ବୁଝି ପାରୁ ନଥିଲେ । ଯାହା ପରେ ଶାୟଙ୍କ ଝିଅ ସମସ୍ତଙ୍କ ଦ୍ୱନ୍ଦ୍ୱ ଦୂର କରିଥିଲେ ।
ତାଙ୍କ ଝିଅ ଆଣ୍ଡ୍ରିଆଙ୍କ କହିବା ଅନୁଯାୟୀ, ବାପା ୩ବର୍ଷ ହେଲା ରୋଗଗ୍ରସ୍ତ ଥିଲେ । ତାଙ୍କ ପାଇଁ ପରିବାର ଚିନ୍ତାରେ ରହୁଥିବାରୁ ଗତ ବର୍ଷଠାରୁ ମୃତ୍ୟୁ ପରେ ସେ ଏଭଳି ଥଟ୍ଟା କରିବେ ବୋଲି ପ୍ରସ୍ତୁତି କରିଥିଲେ । ତାଙ୍କର ଏଭଳି କଥାକୁ ରେକର୍ଡ କରାଯାଇ ରଖାଯାଇଥିଲା । ଯାହାକୁ କଫିନ ଭିତରେ ରଖି ଦିଆଯାଇଥିଲା । ଏଭଳି କଥାକୁ ଶୁଣି ତାଙ୍କ ପରିବାର ଦୁଃଖୀ ହେବା ପରିବର୍ତ୍ତେ ଖୁସି ହେବେ ବୋଲି ଭାବି ବାପା ଏଭଳି ଯୋଜନା କରିଥିଲେ ।