ରାତାରାତି ଷ୍ଟାର ପାଲଟିଲେ ଜୋମାଟୋର ଡେଲିଭରୀ ବଏ, ଭାଇରାଲ ହେଲା ସେ ଗାଇଥିବା ଗୀତ ‘ଗୋରି ତେରା ଗାଓଁ ବଡ଼ା ପ୍ୟାରା’ର ଭିଡିଓ
ନୂଆଦିଲ୍ଲୀ : ପୂର୍ବରୁ ଜଣଙ୍କ ମଧ୍ୟରେ ଥିବା ନିଖୁଣ କଳା ଲୋକଲୋଚନକୁ ଆସିବା ପାଇଁ ଅନେକ ସମୟ ଲାଗୁଥିଲା । କିନ୍ତୁ ଆଜି କାଲି ସୋସିଆଲ ମିଡିଆର ସୁବିଧା ପାଇଁ ରାତାରାତି ଜଣେ ଷ୍ଟାର ପାଲଟି ଯାଉଛି । ପୂର୍ବରୁ ପଶ୍ଚିମବଙ୍ଗର ଏକ ରେଳ ଷ୍ଟେସନରେ ବସି ରାନୁ ନାମକ ଜଣେ ମହିଳା ଗୀତ ଗାଇ ଲୋକପ୍ରିୟ ହୋଇଥିଲେ । ତାଙ୍କ ଭିଡିଓ ଭାଇରାଲ ହେବା ପରେ ଏବେ ତାଙ୍କୁ ଅଫର ଉପରେ ଅଫର ମିଳିବାରେ ଲାଗିଛି । ଏବେ ସେଭଳି ଆଉ ଏକ ଦୃଶ୍ୟ ଦେଖିବାକୁ ମିଳିଛି । ଜୋମାଟୋର ଜଣେ ଡେଲିଭରୀ ବଏ ନିଜ ଭିତରେ ଥିବା ଗାଇବାର କଳାକୁ ବାହାରକୁ ଆଣି ଏବେ ଲୋକପ୍ରିୟ ହୋଇଛନ୍ତି । ଫେସ୍ବୁକ୍ରେ ଏବେ ଡେଲିଭରୀ ବଏ ପ୍ରଣଜିତ୍ ହଲୋଇଙ୍କ ଭିଡିଓ ଭାଇରାଲ ହେବାରେ ଲାଗିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗୌହାଟୀରେ ରହୁଥିବା ଅର୍ନିବାନ ଚକ୍ରବର୍ତ୍ତି ଜୋମାଟୋରୁ ଖାଇବା ଅର୍ଡର କରିବା ସମୟରେ ଡେଲିଭରୀ ବଏ ପ୍ରଣଜିତ୍ଙ୍କ ପ୍ରୋଫାଇଲରେ ସେ ଜଣେ କଣ୍ଠଶିଳ୍ପୀ ହେବାର ଇଚ୍ଛା ରଖିଥିବା ଲେଖା ଯାଇଥିବା ଦେଖିଥିଲେ । ଯେତେବେଳେ ପ୍ରଣଜିତ୍ ଖାଇବା ନେଇ ପହଞ୍ଚିଥିଲେ ଅର୍ନିବାନ ତାଙ୍କୁ ଗୀତ ଗାଇବାକୁ ଅନୁରୋଧ କରିଥିଲେ । ଯାହା ପରେ ପ୍ରଣଜିତ୍ ୧୯୭୬ରେ ରିଲିଜ୍ ହୋଇଥିବା ଫିଲ୍ମ ‘ଚିତ୍ଚୋର’ର ‘ଗୋରି ତେରା ଗାଓଁ ବଡ଼ା ପ୍ୟାରା’ ଗୀତ ଗାଇଥିଲେ । ଅର୍ନିବାନ ତୁରନ୍ତ ଏହାକୁ ରେକର୍ଡ କରି ଫେସ୍ବୁକ୍ରେ ଅପ୍ଲୋଡ୍ କରିଥିଲେ । ଅପ୍ଲୋଡ୍ ପରେ ଭିଡିଓକୁ ୮,୪୫୭ ଜଣ ସେୟାର କରିଥିବା ବେଳେ ୧୦ହଜାର ଲୋକ ଦେଖି ସାରିଥିବା ଜଣା ପଡ଼ିଛି ।