୧୫୨ ବର୍ଷ ପରେ ଆଲିଏନ୍ର ଦେଖା ମିଳିଲା !
ଗତ ବୁଧବାର ରାତିରେ ଚନ୍ଦ୍ରଗ୍ରହଣ ସମୟରେ ବିରଳ ସୁପର ନୀଳ ରକ୍ତ ଚନ୍ଦ୍ର ଆକାଶରେ ପ୍ରତୀୟମାନ ହୋଇଥିଲା । ଆକାଶ ସଂପର୍କରେ ଗବେଷଣା କରୁଥିବା ଗବେଷକମାନଙ୍କ ମତରେ ଏଭଳି ଦୃଶ୍ୟ ଅତ୍ୟନ୍ତ ବିରଳ । ସେମାନେ ଦାବି କରନ୍ତି ଯେ ୧୫୨ ବର୍ଷ ପରେ ଏଭଳି ଘଟଣା ଘଟିଛି ।
ଏହି ବିରଳ ସୁପର ନୀଳ ରକ୍ତ ଚନ୍ଦ୍ର ଆକାଶରେ ପ୍ରତୀୟମାନ ହେବା ସମୟର ଚିତ୍ର ସୋସିଆଲ୍ ମିଡିଆରେ ଭାଇରାଲ୍ ହୋଇଛି । ଏହା ବିଶ୍ୱର ବିଭିନ୍ନ ଦେଶରେ ଦୃଶ୍ୟମାନ ହୋଇଛି । କେତେକ ସ୍ଥାନରେ ଏହି ଦୃଶ୍ୟ ଅତ୍ୟନ୍ତ ଚମକପ୍ରଦ ବୋଲି ମଧ୍ୟ କୁହାଯାଉଛି , ସଂପର୍କୀତ ଏକ ଭିଡିଓ ୟୁ ଟ୍ୟୁବ୍ ର ଆଲିଟନ୍ ସନ୍ଧାନୀ ଚାନେଲ୍ ‘ ୟୁ ଏଫ୍ ଓ ମାନିଆ’ ରେ ପ୍ରଦର୍ଶିତ ହୋଇଛି। ସେଥିରେ ଦାବି କରାଯାଇଛି ଯେ ଚନ୍ଦ୍ରଗ୍ରହଣ ସମୟରେ ଏକ ୟୁଏଫ୍ଓ ଅତ୍ୟନ୍ତ ସତର୍କତା ସହିତ ଉଡାନ ଭରିଥିଲା । ଏହି ଭିଡିଓକୁ ମାତ୍ର ୨୪ ଘଣ୍ଟା ଭିତରେ ୪୦ ହଜାର ରୁ ଅଧିକ ଲୋକ ଦେଖିଛନ୍ତି ।
ଏହି ଭିଡିଓରୁ ଲୋକଙ୍କର ବିଶ୍ୱାସ ଜନ୍ମିଛି ଯେ ଆଲିଏନ୍ର ସ୍ଥିତି ରହିଛି । ଏଥିରେ ଏକ ଅଜଣା ବସ୍ତୁ ନୀଳ ଚନ୍ଦ୍ର ମଧ୍ୟରେ ଏତେ କ୍ଷୀପ୍ର ଗତିରେ ଧାବମାନ ହେଲା, ଯାହା କୌଣସି ମନୁଷ୍ୟ ଦ୍ୱାରା ପ୍ରସ୍ତୁତ ବୈଷୟିକ ଜ୍ଞାନ ଦ୍ୱାରା ସମ୍ଭବ ନୁହେଁ ବୋଲି ମଧ୍ୟ କୁହାଯାଉଛି ।
Sambad is now on WhatsApp
Join and get latest news updates delivered to you via WhatsApp
ଆଲିଏନ୍ ସନ୍ଧାନକାରୀମାନେ ବିଶ୍ୱାସ କରୁଛନ୍ତି ଯେ ବିଶ୍ୱର ବୃହତ ଅନ୍ତରୀକ୍ଷ ଗବେଷଣା ସଂସ୍ଥା ନାସା ଏଭଳି ଅଲୌକିକ ଜୀବ ସଂପର୍କରେ ଜାଣନ୍ତି । କିନ୍ତୁ ଏହି ସତ୍ୟ ସଂପର୍କରେ ନୀରବତା ଅବଲମ୍ବନ କରୁଛନ୍ତି । ଅପରପକ୍ଷରେ ସଂଶୟବାଦୀମାନେ ଭିଡିଓରେ ଦାବି କରାଯାଉଥିବା ଦୃଶ୍ୟକୁ ବିଶ୍ୱାସ କରିବାକୁ ପ୍ରସ୍ତୁତ ନୁହଁନ୍ତି । ସେମାନେ ଏହା କୌଣସି ବୋଇଂ ବିମାନ ବା ଜଳବାୟୁ ବେଲୁନ୍ ବୋଲି ଦାବି କରୁଛନ୍ତି । ତଥାପି ଅଜ୍ଞାତ ବସ୍ତୁର ବେଗ ଏବେ ବି ଏକ ରହସ୍ୟ ହୋଇଛି, ଯାହାର ଭେଦ ଖୋଲା ଯାଇ ପାରି ନାହିଁ ।