ନିଆରା ପରମ୍ପରା : ସମ୍ମାନ ଜଣାଇବା ପାଇଁ ପରସ୍ପର ଉପରକୁ ଛେପ ଫିଙ୍ଗନ୍ତି
ଦୁନିଆରେ ସମସ୍ତଙ୍କୁ ପରସ୍ପର ସହ ଯୋଡ଼ି ରଖିଛି ପ୍ରେମ ବା ଭଲପାଇବା। ତେବେ ପ୍ରେମର ଅନେକ ରୂପ ଥିବା ସହ ଏହାକୁ ପରିପ୍ରକାଶ କରିବାର ଭିନ୍ନ ଭିନ୍ନ ଉପାୟ ରହିଛି । ପ୍ରେମିକପ୍ରେମିକା ପରସ୍ପର ମଧ୍ୟରେପ୍ରେମ ଆଦାନପ୍ରଦାନ ଲାଗି ବିଭିନ୍ନ ରାସ୍ତା ଆପାଣାଇଥାନ୍ତି । ତେବେ ଆପଣ କେବେ ଶୁଣିଛନ୍ତି କି ପରସ୍ପର ଉପରକୁ ଛେପ ଫୋପାଡ଼ି ପ୍ରେମ ଏବଂ ସମ୍ମାନ ପ୍ରଦର୍ଶନ କରାଯାଇଥାଏ । ଆଜ୍ଞା ହଁ କେନିଆର ତାଞ୍ଜାନିଆରେ ସସାଇ ସମ୍ପ୍ରଦାୟର ଲୋକ ଛେପ ଫୋପାଡ଼ି ପରସ୍ପର ପ୍ରତି ପ୍ରେମ ପ୍ରକାଶ କରିଥାନ୍ତି ।
Sambad is now on WhatsApp
Join and get latest news updates delivered to you via WhatsApp
ସାଧାରଣତଃ, ସମସ୍ତେ ଜାଣନ୍ତି କି କାହାକୁ ଛେପ ଫୋପାଡ଼ିବାମାନେ ତାଙ୍କୁ ତିରସ୍କାର କରିବା କିମ୍ବା ତାଙ୍କ ପ୍ରତି କ୍ରୋଧଭାବ ପ୍ରକାଶ କରିବା । କିନ୍ତୁ କେନିଆରେ ଏହି ସମ୍ପ୍ରଦାୟରେ ଛେପ ଫୋପାଡ଼ିବାମାନେ ସମ୍ମାନ ଏବଂ ଭଲ ପାଇବା ଦେବା । ଏଠାରେ ଲୋକମାନେ ହାତ ମିଶାଇବା ପୂର୍ବରୁ ପରସ୍ପର ହାତକୁ ଛେପ ଫୋପାଡ଼ିଥାନ୍ତି । ଏପରି ଛେପ ଫୋପାଡ଼ିବା ଦ୍ୱାରା ତାଙ୍କର ସମ୍ମାନ ବଢ଼ିଥାଏ ବୋଲି ଭାବିଥାନ୍ତି ସେଠାକାର ଜନଜାତି । ସବୁଠାରୁ ଆଶ୍ଚର୍ଯ୍ୟଜନକ କଥା ହେଲା, ନବଜାତ ଶିଶୁ ଏବଂ ବିବାହିତ ଦମ୍ପତିଙ୍କୁ ଶୁଭେଚ୍ଛା ଏବଂ ଆଶୀର୍ବାଦ ହେବା ପାଇଁ ହାତରେ ଛେପ ଫୋପାଡ଼ିଥାନ୍ତି । ଶିଶୁଙ୍କ ହାତରେ ଛେପ ଫୋପାଡ଼ିବା ଦ୍ୱାରା ତାଙ୍କର ଭାଗ୍ୟଭଲ ହେବା ସହ ଆୟୁଷ ବୃଦ୍ଧି ହୋଇଥାଏ ବୋଲି ସେଠାରେ ବିଶ୍ୱାସ ରହିଛି । ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ପ୍ରେମ ଏବଂ ସମ୍ମାନ ଦେବା ପାଇଁ ଏହା ଦୁନିଆର ସବୁଠାରୁ ନିଆରା ମାଧ୍ୟମ କହିଲେ ଅତ୍ୟୁକ୍ତି ହେବନାହିଁ।