ନିଜ ଜୀବନକୁ ଖାତିର ନକରି ମାଲିକ ଓ ମାଲିକ ପୁଅଙ୍କ ଜୀବନ ବଞ୍ଚାଇଲା କୁକୁର

ଇଣ୍ଡିଆନା: ନିଜ ଜୀବନକୁ ଖାତିର ନକରି ଏକ କୁକୁର ଯେଉଁଭଳି ଭାବେ ନିଜ ମାଲିକ ଓ ତାଙ୍କ ପୁଅର ଜୀବନ ବଞ୍ଚାଇଛି ତାହା ଏବେ ସଭିଙ୍କୁ ଚକିତ କରିଛି। ଇଣ୍ଡିଆନାରେ ଘଟିଥିବା ଏକ ଅଗ୍ନିକାଣ୍ଡ ବେଳେ କୁକୁରଟି ତା’ର ଉପସ୍ଥିତ ବୁଦ୍ଧି ଖଟାଇ ଏବେ ଚାରିଆଡ଼େ ଚର୍ଚ୍ଚା ପାଲଟିଛି।

ଜାଣିବାକୁ ମିଳିଛି ଯେ କୁକୁରଟିର ମାଲିକ ରହୁଥିବା ବିଲ୍ଡିଂରେ ନିଆଁ ଲାଗିବା ସମୟରେ ମାଲିକ ଜଣକ ଗାଧୁଆଘରେ ଥିଲେ। ଏପଟେ ନିଆଁ ବଢ଼ିବାରେ ଲାଗିଥାଏ। କୁକୁରଟି ନିଜ ମାଲିକଙ୍କୁ ବାହାରକୁ ବାହାରିବାର ନ ଦେଖି ବିବ୍ରତ ହୋଇ ପଡ଼ିଲା ଓ ଶେଷର ନିଆଁକୁ ଖାତିର ନକରି ଘର ଭିତରକୁ ପଶି ଭୁକି ଭୁକି ମାଲିକଙ୍କୁ ବାହାରକୁ ଡାକି ଆଣିଥିଲା।

ସେହି ସମୟରେ ମାଲିକଙ୍କ ପୁଅ ଆଉ ଏକ ଘରେ ବନ୍ଦ ଥିଲେ। ମାଲିକ ଗାଧୁଆଘରୁ ବାହାରି ତାଙ୍କ ପୁଅକୁ ଡାକିବା ପରେ ବାପପୁଅ ବାହାରକୁ ବାହାରି ଆସିଥିଲେ। ମାତ୍ର ଦୁର୍ଭାଗ୍ୟକୁ କୁକୁରଟି ଗାଧୁଆ ଘରେ ରହି ଯାଇଥିଲା ଓ ଦୁଆର ବନ୍ଦ ହୋଇ ଯାଇଥିଲା। କିଛି ସମୟ ମଧ୍ୟରେ କୁକୁଟିକୁ ନିଆଁରୁ ଉଦ୍ଧାର କରାଯିବାରୁ ତା ଜୀବନ ବଞ୍ଚିଯାଇଛି।