୪ଦିନ ତଳେ ବ୍ରିଜରୁ ତଳକୁ ଡେଇଁ ଆତ୍ମହତ୍ୟା କରିଥିଲେ ମାଲିକ, ଏ ପର୍ଯ୍ୟନ୍ତ ବ୍ରିଜ ଉପରେ ଫେରିବା ବାଟକୁ ଚାହିଁ ରହିଛି ପୋଷା କୁକୁର
ନୂଆଦିଲ୍ଲୀ: ମାଲିକର ଆତ୍ମହତ୍ୟା ପରେ ପୋଷା କୁକୁରଟି ଆତ୍ମହତ୍ୟା ସ୍ଥାନରେ ମାଲିକର ଫେରିବା ବାଟକୁ ଚାହିଁ ରହିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି | ଘଟଣାଟି ଘଟିଛି ଚୀନର ଊହାନ ସହରରେ | ତେବେ ମାଲିକର ମୃତ୍ୟୁ ପରେ ପଡୋଶୀମାନେ ତାକୁ ପୋଷା କରି ରଖିବା ପାଇଁ ଚେଷ୍ଟା କରିଥିଲେ ମଧ୍ୟ ସେ କାହା ହାତରେ ଧାରା ଦେଇ ନଥିବା ଜଣା ପଡିଛି |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ଆଜକୁ ୪ଦିନ ତଳେ ଊହାନ ସହରରେ ରହୁଥିବା କୁକୁରର ମାଲିକ ଊହାନର ୟାଙ୍ଗଟେଜ୍ ବ୍ରିଜ୍ ଉପରୁ ତଳକୁ ଡେଇଁ ପଡ଼ିଥିଲେ | ଏହି ସମୟରେ କୁକୁରଟି ତାଙ୍କ ପିଛା କରିଥିବା ବେଳେ ନିଜ ମାଲିକକୁ ଆଖି ଆଗରେ ବ୍ରିଜ ତଳକୁ ଡେଉଁଥିବାର ଦେଖିଥିଲା | କିନ୍ତୁ ତାକୁ ଜଣା ନଥିଲା, ତାର ମାଲିକ ଆଉ ଫେରିବେ ନାହିଁ | ବ୍ରିଜ ତଳକୁ ଯାଇଥିବା ଭାବି କୁକୁରଟି ତାଙ୍କ ଫେରିବା ବାଟକୁ ୪ଦିନ ହେବ ଚାହିଁ ରହିଥିଲା | ଏ ବିଷୟରେ ଜାଣି ମୃତ ବ୍ୟକ୍ତିଙ୍କ ପଡୋଶୀ କୁକୁରକୁ ଆଣିବା ପାଇଁ ଯାଇଥିଲେ ମଧ୍ୟ ସେ ଡରରେ ସେଠାରୁ ଖସି ପଳାଇଥିବା ଜଣା ପଡିଛି | ଏହି ଘଟଣା ପରେ ପଶୁ ସୁରକ୍ଷା ସଂଘ କୁକୁରଟିକୁ ଖୋଜିବା ଆରମ୍ଭ କରିଛନ୍ତି |