ହଠାତ ଆକାଶରୁ ତଳକୁ ଖସି ପଡ଼ିଲା ୨ସପ୍ତାହର ପକ୍ଷୀ, ମଦ ପିଇଥିବାରୁ ଉବର ଡ଼କାଇ ଡ଼ାକ୍ତରଖାନା ପଠାଇଲେ ଯୁବକ
ନୂଆଦିଲ୍ଲୀ: ଦେଶରେ ଏବେ ଚାରିଆଡ଼େ ଘଟୁଥିବା ଅପରାଧକୁ ଦେଖିବା ପରେ ସମାଜରୁ ମାନବିକତା ମରିବାରେ ଲାଗିଛି ବୋଲି ମନେ ହୋଇଥାଏ । କିନ୍ତୁ ସେ ମଧ୍ୟରେ କିଛି ଲୋକ ଏଭଳି କିଛି କାମ କରି ଯାଇଥାନ୍ତି, ଯାହା ପୁଣି ଥରେ ମାନବିକତା ସମାଜରେ ବଞ୍ଚି ରହିଛି ବୋଲି ମନରେ ବିଶ୍ୱାସ ଜନ୍ମାଇଥାଏ । କିଛି ସେଭଳି ଘଟଣା ଆମେରିକାରେ ଘଟିଛି, ଯାହା ମାନବିକତାର ଏକ ବଡ଼ ଉଦାହରଣ ସୃଷ୍ଟି କରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଟିମ୍ କ୍ରୋଉଲି ନିଜ ବନ୍ଧୁମାନଙ୍କ ସହ ମଦ ପିଇ ପାର୍ଟି କରିବା ସହ ସମସ୍ତେ ବାହାରେ ଆସି ବସିିଥିଲେ । ହଠାତ ସେହି ସମୟରେ ଏକ ଛୋଟ ପକ୍ଷୀ ଆକାଶରୁ ଆସି ତଳେ ପଡ଼ିଥିଲା । ଟିମ୍ ଏବଂ ତାଙ୍କର ବନ୍ଧୁମାନେ ପକ୍ଷୀ ପାଖକୁ ଯିବା ପରେ ତା’ ଶରୀରରେ ଗଭୀର ଆଘାତ ଲାଗିଥିବା ଦେଖା ଯାଇଥଲା । ପକ୍ଷୀର ଅବସ୍ଥା ଦେଖି ଟିମ୍ ପ୍ରାଣୀ ଚିକିତ୍ସାଳୟକୁ ଫୋନ କରିଥିଲେ । ଯାହା ପରେ ଡାକ୍ତର ପକ୍ଷୀକୁ ପ୍ରାଣୀ ଚିକିତ୍ସାଳୟ ଆଣିବା ପାଇଁ କହିଥିଲେ । ଟିମ୍ ତୁରନ୍ତ ପକ୍ଷୀକୁ ଧରି ପ୍ରାଣୀ ଚିକିତ୍ସାଳୟ ଯିବାକୁ ଚିନ୍ତା କରୁଥିବା ବେଳେ ସେ ନିଶାଗ୍ରସ୍ତ ଥିବା କଥା ତାଙ୍କର ମନେ ପଡ଼ିଥିଲା ।
ଗାଡ଼ି ଚଳାଇବା ଅବସ୍ଥାରେ ନଥିବାରୁ ଟିମ୍ ଉବର ବୁକ୍ କରି ପକ୍ଷୀକୁ ପଠାଇବାକୁ ଚିନ୍ତା କରିଥିଲେ । କିନ୍ତୁ ପ୍ରଥମ ଉବର ଚାଳକଜଣଙ୍କ ତାଙ୍କ ବୁକ୍ ରିକ୍ୟୁଏଷ୍ଟକୁ ରଦ୍ଦ କରି ଦେଇଥିଲେ । ଯାହା ପରେ ସେ ଦ୍ୱିିତୀୟ ଥର ଉବର ବୁକ୍ କରିବା ପାଇଁ ଚେଷ୍ଟା କରିବା ପରେ କ୍ରିଷ୍ଟି ନାମକ ଜଣେ ଯୁବକ ବୁକ୍ ରିକ୍ୟୁଏଷ୍ଟକୁ ଗ୍ରହଣ କରି ଟିମ୍ଙ୍କ ଘରେ ପହଞ୍ଚିଥିଲେ । ତୁରନ୍ତ ଉବର ଯୋଗେ ପକ୍ଷୀଟିକୁ ପ୍ରାଣୀ ଚିକିତ୍ସାଳୟ ନିଆଯିବାରୁ ଚିକିତ୍ସା ପରେ ସେ ଏବେ ସୁସ୍ଥ ଥିବା ଜଣା ପଡ଼ିଛି ।