ଚର୍ଚ୍ଚାରେ ୮୪ବର୍ଷୀୟ ବୃଦ୍ଧଙ୍କ ବିବାହ ବିଜ୍ଞାପନ, ନିଜ ବିଷୟରେ ଲେଖିଲେ ଏଭଳି କଥା
ନୂଆଦିଲ୍ଲୀ: ଆଜିକାଲି ଲୋକେ ନିଜ ପୁଅ ବା ଝିଅମାନଙ୍କ ପାଇଁ ସଠିକ୍ ବରପାତ୍ର ବା କନ୍ୟାପାତ୍ର ଖୋଜିବା ପାଇଁ ମାଟ୍ରିମୋନିଆଲ ସାଇଟ୍ର ସହାୟତା ନେଉଥିବା ଦେଖା ଯାଇଛି । ମାଟ୍ରିମୋନିଆଲ ସାଇଟ୍ ଆସିବା ପରେ ଏବେ ଲୋକେ ସହଜରେ ବର-କନ୍ୟା ଖୋଜି ପାରୁଛନ୍ତି । ଏହା ସହ ଏବେ ଟିଣ୍ଡର ଭଳି ଡେଟିଂ ଆପ୍ ମଧ୍ୟ ଆସିଗଲାଣି । ଯାହାକୁ ବ୍ୟବହାର କରି ଯୁବକ-ଯୁବତୀ ପରସ୍ପରକୁ ଡେଟ୍ କରି ପରେ ବିବାହ କରୁଛନ୍ତି । ତେବେ ଏତେ ସବୁ ମଧ୍ୟରେ ଜଣେ ୮୪ ବର୍ଷୀୟ ବୃଦ୍ଧ ନିଜ ବିବାହ ପାଇଁ ବିଜ୍ଞାପନ ବାହାର କରିବା ଖବର ସମସ୍ତଙ୍କୁ ଅଶ୍ଚର୍ଯ୍ୟ କରିବା ସହ ଚର୍ଚ୍ଚାରେ ରହିଛି ।
Sambad is now on WhatsApp
Join and get latest news updates delivered to you via WhatsApp
Any taker ? pic.twitter.com/00pVL7n4LT
— desi mojito ? (@desimojito) July 5, 2019
ବିଜ୍ଞାପନରେ, ନିଜର ବୟସ ୮୪ବର୍ଷ ବୋଲି ଲେଖିବା ସହ ଉଚ୍ଚତା ୫’୫”ବୋଲି ଲେଖା ଯାଇଛି । ଆଖି, କାନ, ଦାନ୍ତ ଏବଂ ଆଣ୍ଠୁ ଠିକ୍ ଭାବରେ କାମ କରୁଛି । ଯୋଗ ଶିକ୍ଷକ ଭାବେ କାମ କରୁଛି । ଧୂମପାନ କରୁନାହଁ । ଶାକାହାରୀ ସହ ୩କୋଟିର ଘର କିଣିଛି । ଏହା ସହ ବ୍ୟାଙ୍କରେ ୫ଲକ୍ଷ ଟଙ୍କାର ଏଫ୍ଡି ରହିଛି ବୋଲି ଲେଖିଛନ୍ତି ବୃଦ୍ଧ । ତାଙ୍କର ଏଭଳି ବିଜ୍ଞାପନ ସାମ୍ନାକୁ ଆସିବା ପରେ ଲୋକେ ଏହାକୁ ଥଟ୍ଟା କରିବା ଆରମ୍ଭ କରି ଦେଇଛନ୍ତି । କେବଳ ଆଖି, କାନ, ଦାନ୍ତ ଏବଂ ଆଣ୍ଠୁ ଠିକ୍ ଭାବରେ କାମ କରୁଛି, ଆଉ କିଛି କାମ କରୁ ନାହିଁ ବି ବୋଲି ମଧ୍ୟ ଲୋକେ ଟୁଇଟ୍ କରି ପ୍ରଶ୍ନ କରିଛନ୍ତି ।