ଭାରତୀୟ ଯୁବକଙ୍କୁ ଫେସବୁକ ଦେଲା ଦେଢ଼ କୋଟି ଟଙ୍କାର ଚାକିରି
ନୂଆଦିଲ୍ଲୀ: ଆଇଆଇଟି ଦିଲ୍ଲୀ ଯୁବକଙ୍କୁ ସଫଳତା | ଫେସବୁକ ଦେଲା ୧ କୋଟି ୫୫ ଲକ୍ଷ ଟଙ୍କାର ଚାକିରି ଅଫର | ଏଠାରେ ପଢ଼ୁଥିବା ବିଟେକ ସାଇନ୍ସ ଆଣ୍ଡ ଇଂଜିନିୟରିଂର ଛାତ୍ରଙ୍କୁ ସାମାଜିକ ଗଣମାଧ୍ୟମ କମ୍ପାନୀ ଫେସବୁକ ଏଭଳି ଏକ ଚାକିରିର ଅଫର ଦେଇଛି | ଅର୍ଥାତ ମାସକୁ ଏହି ଛାତ୍ରଙ୍କୁ ପ୍ରାୟ ୧୩ ଲକ୍ଷ ଟଙ୍କାର ଦରମା ମିଳିବ | ବଡ କଥା ଯେ ୨୦୨୦ରେ ପାସ ହେବାକୁ ଥିବା ୫୬୨ ଜଣ ବିଦ୍ୟାର୍ଥୀଙ୍କୁ ଏଭଳି ଚାକିରି କରିବାର ସୁଯୋଗ ଦେଇଛି ଫେସବୁକ |
Sambad is now on WhatsApp
Join and get latest news updates delivered to you via WhatsApp
କେବଳ ଏତିକି ନୁହେଁ ୨୦୨୧ରେ ପାସ ହେବାକୁ ଥିବା ଛାତ୍ରଛାତ୍ରୀଙ୍କୁ ଲଣ୍ଡନରେ ଈଂଟର୍ନସିପ(ଟ୍ରେନିଂ) ପାଇଁ ପ୍ରତି ମାସ ୩.୩୧ ଲକ୍ଷ କୋଟି ଟଙ୍କାର ଷ୍ଟାଇପେଣ୍ଡ ଅଫର ମଧ୍ୟ ଦିଆଯାଇଛି |
କ୍ୟାମ୍ପସ ପ୍ଲେସମେଣ୍ଟରେ ୭୦ରୁ ଅଧିକ କମ୍ପାନୀ ସାମିଲ ହୋଇଥିଲେ | ଏହି କମ୍ପାନୀମାନେ ସମୁଦାୟ ୫୬୨ ଜଣ ପିଲାଙ୍କୁ ଚାକିରି ଅଫର ଦେଇଥିବାବେଳେ ୭ ଜଣ ପିଲାଙ୍କୁ ମାସିକ ୧୩ ଲକ୍ଷ ଟଙ୍କାର ଚାକିରି ଅଫର ଦିଆଯାଇଛି | ଏହି ନିଯୁକ୍ତିରେ ୧୦ ଜଣଙ୍କୁ ଫୁଲଟାଇମ, ୨୫୨ ଜଣଙ୍କୁ ଟ୍ରେନିଂର ଅଫର ଦିଆଯାଇଛି | ବିଟେକରେ ପାଖାପାଖି ୭୪ ପ୍ରତିଶତ ଚାକିରି ଅଫର ଦିଆଯାଇଛି |