ମୋଦୀଙ୍କ ପରିବାର: ପାଞ୍ଚ ଜଣ ଭାଇ ଓ ଜଣେ ଭଉଣୀ 

ଅହମ୍ମଦାବାଦ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମା ହିରାବେନଙ୍କର ଆଜି ଦେହାନ୍ତ ହୋଇଯାଇଛି | ରାଷ୍ଟ୍ରପତିଙ୍କ ଠାରୁ ଆରମ୍ଭ କରି ବହୁ ବରିଷ୍ଠ ନେତା ମୋଦୀଙ୍କ ମା’ଙ୍କ ଦେହାନ୍ତରେ ସମବେଦନା ଜଣାଇଛନ୍ତି। ମା’ଙ୍କ ମୃତ୍ୟୁ ସମ୍ପର୍କରେ ସୂଚନା ପାଇବା ମୋଦୀ ଗାନ୍ଧିନଗର ସ୍ଥିତ ବାସଭବନରେ ପହଞ୍ଚି ମା’ଙ୍କ ଅନ୍ତିମ ସଂସ୍କାରରେ ଭାଗ ନେଇଥିଲେ। ଏହି ସମୟରେ ମୋଦୀଙ୍କ ସହ ତାଙ୍କର ସମସ୍ତ ଭାଇ ମଧ୍ୟ ଉପସ୍ଥିତ ଥିଲେ। ଆସନ୍ତୁ ଜାଣିବା ମୋଦୀଙ୍କ ପରିବାରରେ ଆଉ କେଉଁମାନେ ଅଛନ୍ତି | ମୋଦୀଙ୍କ ଭାଇ ଓ ଭଉଣୀମାନେ କ’ଣ କରନ୍ତି? ହୀରାବେନଙ୍କର ବଡ ପୁଅ ହେଉଛନ୍ତି ସୋମଭାଇ ମୋଦୀ। ଦ୍ଵିତୀୟରେ ଅମୃତଭାଇ ମୋଦୀ ଥିବାବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କ ଭାଇଭଉଣୀଙ୍କ ମଧ୍ୟରେ ତୃତୀୟ ସ୍ଥାନରେ ଅଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପରେ ଦୁଇ ଭାଇ ଓ ଜଣେ ଭଉଣୀ ଅଛନ୍ତି | ମୋଦୀଙ୍କ ଦୁଇ ସାନ ଭାଇଙ୍କ ନାମ ପ୍ରହ୍ଲାଦ ମୋଦୀ ଓ ପଙ୍କଜ ମୋଦୀ ହୋଇଥିବାବେଳେ ତାଙ୍କ ଭଉଣୀଙ୍କ ନାମ ହେଉଛି ବାସନ୍ତୀବେନ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବଡ ଭାଇଙ୍କ ନାମ ସୋମଭାଇ ମୋଦୀ। ସୋମଭାଇ ସ୍ୱାସ୍ଥ୍ୟ ବିଭାଗରେ କାମ କରୁଥିଲେ ଏବଂ ଚାକିରିରୁ ଅବସର ନେବା ପରେ ବର୍ତ୍ତମାନ ସେ ଅହମ୍ମଦାବାଦରେ ଏକ ବୃଦ୍ଧାଶ୍ରମ ପରିଚାଳନା କରୁଛନ୍ତି | ମୋଦୀଙ୍କ ଦ୍ୱିତୀୟ ବଡ ଭାଇ ହେଉଛନ୍ତି ଅମୃତଭାଇ ମୋଦୀ। ଅମୃତଭାଇ ଏକ ଘରୋଇ କମ୍ପାନୀରେ ଫିଟର ଭାବରେ କାମ କରୁଥିଲେ | ଏବେ ସେ ଅବସର ନେଇଥିବାବେଳେ ସାଧାରଣ ଜୀବନଯାପନ କରୁଛନ୍ତି। ନରେନ୍ଦ୍ର ମୋଦୀଙ୍କ ତୃତୀୟ ଭାଇଙ୍କ ନାମ ପ୍ରହ୍ଲାଦ ମୋଦୀ। ସେ ମୋଦୀଙ୍କଠାରୁ ଦୁଇ ବର୍ଷ ସାନ। ଅହମ୍ମଦାବାଦରେ ତାଙ୍କର ଏକ ତେଜରାତି ଦୋକାନ ଏବଂ ଟାୟାର ଶୋ’ରୁମ୍ ଅଛି |

ନରେନ୍ଦ୍ର ମୋଦୀଙ୍କର ଜଣେ ଭଉଣୀ ମଧ୍ୟ ଅଛନ୍ତି। ତାଙ୍କ ନାମ ବାସନ୍ତୀବେନ ହସମୁଖଲାଲ ମୋଦୀ। ସେ ଜଣେ ଗୃହିଣୀ। ତାଙ୍କ ସ୍ୱାମୀଙ୍କ ନାମ ହସମୁଖ ଲାଲ। ସେ ଏଲଆଇସିରେ କାର୍ଯ୍ୟ କରୁଥିଲେ | ନରେନ୍ଦ୍ର ମୋଦୀଙ୍କ ସାନ ଭାଇ ପଙ୍କଜ ଭାଇ ମୋଦୀ ଗାନ୍ଧିନଗରରେ ରୁହନ୍ତି। ତାଙ୍କ ପତ୍ନୀଙ୍କ ନାମ ସୀତାବେନ। ସେ ସୂଚନା ବିଭାଗରୁ ଅବସର ନେଇଛନ୍ତି। ତାଙ୍କ ମା ହୀରାବେନ ପଙ୍କଜଙ୍କ ସହ ରହୁଥିଲେ।