ବନ୍ୟା ପାଣିରେ ବୁଡ଼ି ଯାଉଥିଲେ ଯୁବକ, ଉଦ୍ଧାରକାରୀ ଟିମ୍କୁ ଅପେକ୍ଷା ନ କରି ନଦୀକୁ ଡ଼େଇଁଲେ ଏସିପି
ନୂଆଦିଲ୍ଲୀ : ବନ୍ୟା ପାଣିରେ ବୁଡ଼ି ଯାଉଥିବା ଜଣେ ଯୁବକଙ୍କ ଜୀବନ ବଞ୍ଚାଇ ଏବେ ଫରିଦାବାଦ୍ର ଏସିପି ଚର୍ଚ୍ଚାରେ ରହିଛନ୍ତି । ଯମୁନାର ତଲହଟୀରେ ଥିବା ବସନ୍ତପୁରରେ ମଙ୍ଗଳବାର ଜଣେ ଯୁବକ ବନ୍ୟା ପାଣିରେ ବୁଡ଼ି ଯାଉଥିଲେ । ଏହା ଦେଖି ସ୍ଥାନୀୟ ଲୋକେ ଡିୟୁଟିରେ ଥିବା ଏସିପିଙ୍କୁ ସୂଚନା ଦେଇଥିଲେ । ସୂଚନା ପାଇ କୌଣସି ଉଦ୍ଧାରକାରୀ ଦଳକୁ ଅପେକ୍ଷା ନ କରି ନିଜେ ବନ୍ୟା ପାଣିକୁ ଡ଼େଇଁଥିଲେ ଏସିପି । ଡ଼େଇଁବାର ୫ମିନିଟ୍ ମଧ୍ୟରେ ସେ ବୁଡ଼ି ଯାଉଥିବା ଯୁବକଙ୍କୁ ଉଦ୍ଧାର କରିଥିଲେ । ଫରିଦାବାଦ୍ ପୁଲିସ ନିଜ ଟୁଇଟ୍ର ଆକାଉଣ୍ଟ ଜରିଆରେ ଏ ଖବର ଦେବା ପରେ ଖବରଟି ଏବେ ଚର୍ଚ୍ଚାର ବିଷୟ ପାଲଟିଛି ।
Sambad is now on WhatsApp
Join and get latest news updates delivered to you via WhatsApp
आज रात #यमुना नदी के #बाढ़ प्रभावित क्षेत्र में #ड्यूटी के दौरान @FBDPolice के #एसीपी सराय श्री मोजीराम ने अपनी जान की परवाह किए बिना,नदी में खुद कूद गए व डूब रहे व्यक्ति की जान बचाई।इस अदम्य साहस के लिए #एसीपी साहब बधाई के पात्र हैं@nsvirk @police_haryana @DC_Faridabad Well-done pic.twitter.com/EGFFSZcuGr
— Faridabad Police (@FBDPolice) August 21, 2019
ଟୁଇଟ୍ରେ, ଆଜି ରାତିରେ ଯମୁନା ନଦୀର ବନ୍ୟା ପ୍ରଭାବିତ ଅଞ୍ଚଳରେ ଡିୟୁଟି କରୁଥିବା ସମୟରେ ଫରିଦାବାଦ୍ ପୁଲିସର ଏସିପି ସରାୟ ଶ୍ରୀ ମୋଜିରାମ ନିଜ ଜୀବନକୁ ବାଜି ଲଗାଇ ନଦୀକୁ ଡ଼େଇଁବା ସହ ବୁଡ଼ି ଯାଉଥିବା ବ୍ୟକ୍ତିର ଜୀବନ ବଞ୍ଚାଇଥିଲେ ବୋଲି ଲେଖାଯାଇଛି ।