ବର୍ଷା ପାଇଁ ମରାମରି!
ବର୍ଷା ପାଇଁ କେଉଁଠି ଯାଗ-ଯଜ୍ଞ କରାଯାଏ ତ କେଉଁଠି ପୂଜା-ପାଠ; ପୁଣି, କେଉଁଠି ବଳି। ବର୍ଷା ଦେବତାଙ୍କ ତୁଷ୍ଟୀକରଣ ନିମନ୍ତେ ବିଶ୍ବର ବିଭିନ୍ନ ଅଞ୍ଚଳରେ ଭିନ୍ନ ଭିନ୍ନ ଉତ୍ସବ-ଅନୁଷ୍ଠାନ ଆୟୋଜିତ ହେଉଥିବା ଜଣାଶୁଣା କଥା। ମେକ୍ସିକୋର କେତେକ ଅଞ୍ଚଳରେ ବର୍ଷା ଲାଗି ମହିଳାମାନେ ମାରପିଟ ହୁଅନ୍ତି। ଏହା ସେଠାକାର ଏକ ପ୍ରାଚୀନ ପରମ୍ପରା।
Sambad is now on WhatsApp
Join and get latest news updates delivered to you via WhatsApp
ନାହୁଆ ନାମକ ମେକ୍ସିକାନ୍ ଗ୍ରାମରେ ମେ-ଜୁନ୍ ମାସରେ ଏହି ଉପଲକ୍ଷେ ମହିଳାମାନେ ପରସ୍ପର ସହ ଲଢ଼ନ୍ତି। ନାକ, କାନ ଫାଟି ରକ୍ତ ବୋହିବା ପର୍ଯ୍ୟନ୍ତ ବେଶ୍ ହାତା-ହାତି ହୁଅନ୍ତି। ଗ୍ରାମବାସୀଙ୍କ ଉପସ୍ଥିତିରେ ସ୍ବେଚ୍ଛାରେ ମାରପିଟ ଚାଲେ। ଅସ୍ତ୍ର ବ୍ୟବହାର କରାଯାଏନାହିଁ। ସବୁ କିଛି ହାତରେ ହୁଏ। ଆହତ ମହିଳାଙ୍କ ଶରୀରରୁ ବାହାରୁଥିବା ରକ୍ତ ସ˚ଗ୍ରହ କରି ପାତ୍ରରେ ରଖାଯାଏ। ପରେ ଖେତରେ ପକାଇ ହଳ ବୁଲାଯାଏ। ଖେତ ରକ୍ତ ପାଇଲେ ବର୍ଷା ଆସୁଥିବା ସେଠାକାର ଏକ ଅନ୍ଧ-ବିଶ୍ବାସ।