ଯେଉଁଠି ଆମ୍ବୁଲାନ୍ସ ପହଞ୍ଚେ ନାହିଁ ସେଠି ପହଞ୍ଚନ୍ତି ‘ଆମ୍ବୁଲାନ୍ସ ଦାଦା’, ଜୀବନୀକୁ ନେଇ ତିଆରି ହେଉଛି ଫିଲ୍ମ
ମୁମ୍ବାଇ: କଥାରେ ଅଛି ମାନବ ସେବା ହିଁ ମାଧବ ସେବା । ୨୪ ଘଣ୍ଟା ଭଗବାନଙ୍କୁ ବସି ପୂଜା କରିବା ଅପେକ୍ଷା ଯଦି ଜଣେ ମଣିଷକୁ ସାହାଯ୍ୟ କରାଯାଏ ତେବେ ତାହାର ମହତ୍ୱ ଅଧିକ ବୋଲି କୁହାଯାଏା ଏହି କଥାକୁ ଅକ୍ଷରେ ଅକ୍ଷରେ ପାଳନ କରିଛନ୍ତି ପଶ୍ଚିମବଙ୍ଗର ଜଲପାଇଗୁଡ଼ିରେ ରହୁଥିବା ୫୩ ବର୍ଷିୟ କରିମୁଲ ହକ୍ । ଆମ୍ବୁଲାନ୍ସ ଠିକ୍ ସମୟରେ ନ ପହଞ୍ଚିବାରୁ ୧୯୯୮ରେ ତାଙ୍କ ମା’ ମୃତ୍ୟୁ ବରଣ କରିଥିଲେ । ଏପରି ଯେମିତି ଅନ୍ୟ କାହା ସହ ନ ହୁଏ, ସେଥିପାଇଁ ସେ ନିଜ ବାଇକ୍କୁ ଆମ୍ବୁଲାନ୍ସରେ ପରିଣତ କରି ଦେଇଥିଲେ ।
Sambad is now on WhatsApp
Join and get latest news updates delivered to you via WhatsApp
ଏପରି କରି ପ୍ରାୟ ୨୦ଟି ଗ୍ରାମର ପ୍ରାୟ ୩୫୦୦ଲୋକଙ୍କୁ ମାଗଣାରେ ଡ଼ାକ୍ତରଖାନା ପହଞ୍ଚାଇ ବିରଳ ଉଦାହରଣ ସୃଷ୍ଟି କରିଛନ୍ତି କରିମୁଲ । ଏହି କାମ ତାଙ୍କୁ ସମ୍ମାନ ଦେବା ସହ ସେହି ଅଞ୍ଚଳରେ ତାଙ୍କୁ ‘ଆମ୍ବୁଲାନ୍ସ ଦାଦା’ ନାମରେ ପରିଚିତ କରାଇଛି । କରିମୁଲଙ୍କ ଏଭଳି କାମ ପାଇଁ ସେ ପଶ୍ଚିମବଙ୍ଗ ଅପେକ୍ଷା ସାରା ଦେଶରେ ପ୍ରସିଦ୍ଧ ହୋଇ ପାରିଛନ୍ତି । ଏଥି ପାଇଁ ତାଙ୍କୁ ୨୦୧୭ରେ ପଦ୍ମଶ୍ରୀ ସମ୍ମାନରେ ସମ୍ମାନିତ ମଧ୍ୟ କରାଯାଇଛି । ତାଙ୍କର ଏଭଳି କାମ ପାଇଁ ରାଜଶ୍ରୀ ପ୍ରଡ଼କ୍ସନ ତାଙ୍କ ଜୀବନୀ ଉପରେ ଏକ ଫିଲ୍ମ ତିଆରି କରିବାକୁ ଯାଉଛି ।
ଏହି ଫିଲ୍ମର ଲେଖକ ଏବଂ ନିର୍ଦ୍ଦେଶକ ବିନୟ ମୁଦ୍ଗଲ୍ ହୋଇ ଥିବା ବେଳେ ଫିଲ୍ମର ନାମ ରଖା ଯାଇଛି ‘ଆମ୍ବୁଲାନ୍ସ ମ୍ୟାନ’ । ଫିଲ୍ମର ଆୟର ୫୦ ପ୍ରତିଶତ କରିମୁଲ ହକ୍ଙ୍କୁ ଦିଆଯିବ ବୋଲି ବିନୟଙ୍କ ଆସିଷ୍ଟାଣ୍ଟ ଆଲୋକ ସିଂ କହିଛନ୍ତି । ରାଜଶ୍ରୀ ପ୍ରଡ଼କ୍ସନ ମୋ ଜୀବନୀକୁ ନେଇ ଚଳଚ୍ଚିତ୍ର କରୁଥିବାରୁ ମୁଁ ବହୁତ ଖୁସି ।
“ଚଳଚ୍ଚିତ୍ରର ସଫଳତା ପରେ ମୋତେ ଯେଉଁ ଟଙ୍କା ମିଳିବ ସେଥିରେ ମୁଁ ଡ଼ାକ୍ତରଖାନା,ସ୍କୁଲ ଏବଂ ଅନାଥ ଆଶ୍ରମ କରିବି” ବୋଲି କରିମୁଲ କହିଛନ୍ତି ।