ତେଲେଙ୍ଗାନାରେ ଆକାଶରୁ ହେଲା ମାଛ ବର୍ଷା, ଚକିତ ହେଲେ ସ୍ଥାନୀୟ ଲୋକେ
ହାଇଦ୍ରାବାଦ୍: ତେଲେଙ୍ଗାନାରେ ଦେଖିବାକୁ ମିଳିଛି ଏକ ଅତ୍ୟନ୍ତ ନିଆରା ଘଟଣା। ରାଜ୍ୟର ଜଗତିୟଲ ସହରରେ ଆକାଶରୁ ବର୍ଷା ସାଥୀରେ ମାଛ ପଡୁଥିବାର ଦେଖିବାକୁ ମିଳିଛି। ରାସ୍ତା, ଘର, ଛାତ ଏବଂ ଗଳି ଗଳିରେ ମାଛ ପଡ଼ିଥିବାର ଦୃଶ୍ୟ ଦେଖି ସଭିଏଁ ଆଶ୍ଚର୍ଯ୍ୟ ହୋଇଛନ୍ତି। ମାଛ ବର୍ଷାର ଏହି ଭିଡିଓ ସୋସିଆଲ୍ ମିଡିଆରେ ଖୁବ୍ ଜୋର୍ରେ ଭାଇରାଲ୍ ହେବାରେ ଲାଗିଛି। ଆକାଶରୁ ଏପରି ଜୀବଙ୍କ ପଡ଼ିବା ଏକ ନିହାତି ଦୁର୍ଲଭ ପ୍ରାକୃତିକ ପ୍ରକ୍ରିୟା। ତେଲେଙ୍ଗାନାରେ ଏପରି ଘଟଣା ପ୍ରଥମ ଥର ପାଇଁ ଘଟିଛି।
Residents of Jagtial town in #Telangana witnessed a rare weather phenomenon as fish ‘rain’ from the sky. The phenomenon, known as ‘animal rain’,
happens when small water animals such as frogs, crabs or small fish are swept into water spouts. #Telanganafloods pic.twitter.com/JN9P1fzG5C— Ashish (@KP_Aashish) July 10, 2022
ଜଗତିଆଲ୍ର ସାଇନଗର ଅଞ୍ଚଳର ଲୋକଙ୍କ ପାଇଁ ଏହି ଘଟଣା ଏକ ଚମତ୍କାରୀ ପରି। ଏହି ଘଟଣା ସେତେବେଳେ ଘଟେ ଯେତେବେଳେ ଛୋଟ ଛୋଟ ଜଳୀୟ ଜୀବ ଯେପରିକି ବେଙ୍ଗ, କଙ୍କଡ଼ା, ମାଛ ଆଦି ୱାଟର୍ ସ୍ପାଉଟ୍ରେ ଉପରକୁ ପଳାନ୍ତି। ଏହି ୱାଟର୍ ସ୍ପାଉଟର୍କୁ ବୈଜ୍ଞାନିକ ଭାଷାରେ ଜଳ ବାଉଣ୍ଡର୍ ବୋଲି ମଧ୍ୟ କୁହାଯାଏ।
Reports of raining fish have come from Telangana, India, as the Meteorological Department got more than they bargained for when they forecast heavy rains. https://t.co/0mrkLX4EaU
— IFLScience (@IFLScience) July 13, 2022
ଏହି ଅଞ୍ଚଳରେ ଗତ କିଛି ଦିନ ହେବ ଖୁବ୍ ବର୍ଷା ହେଉଛି। ଅନେକ ଅଞ୍ଚଳରେ ବନ୍ୟା ପରିସ୍ଥିତି ବି ଉପୁୁଜିଛି। ବିଶେଷଜ୍ଞମାନଙ୍କ କହିବାନୁଯାୟୀ, ଯଦି ପ୍ରବଳ ବର୍ଷା ହୁଏ ତ ଜଳ ବାଉଣ୍ଡ୍ର ବନେ। ଏଥିରେ ଫଶି କରି ଛୋଟ ଛୋଟ ମାଛ ଓ ବେଙ୍ଗ ଆକାଶକୁ ପଳାନ୍ତି। ଯେପରି ବାଉଣ୍ଡର୍ ହାଲ୍କା ହୋଇଯାଏ ସେହିପରି ଜୀବଗୁଡ଼ିକ ତଳକୁ ଖସିପଡ଼ନ୍ତି। ଗତବର୍ଷ ଆମେରିକାର ଟେକ୍ସାସ୍ରେ ଏପରି ଘଟଣା ଘଟିଥିଲା। ସେଠାରେ ବି ମାଛ ବର୍ଷା ହୋଇଥିବାର ଦେଖିବାକୁ ମିଳିଥିଲା।
