‘ଗୁଗଲରେ ଚାକିରି ମିଳି ଯାଇଥିଲେ ଆଜି ଫ୍ଲିପ୍କାର୍ଟ ବୋଲି କମ୍ପାନି ନଥାନ୍ତା’ : କହିଲେ ଦୁଇ ଥର ଗୁଗଲରେ ଚାକିରି ପାଇଁ ଆବେଦନ କରି ନିରାଶ ହୋଇଥିବା ବିନି ବଂସଲ
ନୂଆଦିଲ୍ଲୀ : ଭାଗ୍ୟ କେବେ କାହାକୁ କେଉଁଠି ନେଇ ପହଞ୍ଚାଏ ତାହା କେହି ଜାଣି ପାରନ୍ତି ନାହିଁ । ସେଭଳି କିଛି ଘଟିଥିଲା ଫ୍ଲିପ୍କାର୍ଟର ସହ-ସଂସ୍ଥାପକ ବିନି ବଂସଲଙ୍କ ସହ । ଗୁଗଲ ଭଳି ବଡ଼ କମ୍ପାନିରେ ଚାକିରି କରିବାର ଇଚ୍ଛା ଥାଇ ମଧ୍ୟ ତାଙ୍କୁ ଚାକିରି ମିଳି ନଥିଲା । ଦୁଇ ଦୁଇ ଥର ଚେଷ୍ଟା କରି ମଧ୍ୟ ସେ ଗୁଗଲରେ ଚାକିରି କରିବାରେ ବିଫଳ ହୋଇଥିଲେ । ଯାହା ପରେ କିଛି କରି ଦେଖାଇବାର ନିଶା ପାଇଁ ଆଜି ସେ ଫ୍ଲିପ୍କାର୍ଟ ଭଳି କମ୍ପାନି ଗଢ଼ିବାରେ ସଫଳ ହୋଇ ପାରିଛନ୍ତି । ଏକ ସାକ୍ଷାତକାରରେ ସେ ନିଜ ସଫଳତା ବିଷୟରେ ସମସ୍ତଙ୍କୁ ଜଣାଇଥିଲେ । ତାଙ୍କ କହିବା ଅନୁଯାୟୀ, ପ୍ରଥମେ ସେ ଖେଳରେ ରୁଚି ରଖୁଥିଲେ । ପାଠ ପଢ଼ା ମଧ୍ୟ ଠିକ୍ ଠାକ୍ ଚାଲିଥିଲା । ଯାହା ପରେ ତାଙ୍କୁ ଆଇଆଇଟି ଦିଲ୍ଲୀରେ ପଢ଼ିବାର ସୁଯୋଗ ମିଳିଥିଲା ।
Sambad is now on WhatsApp
Join and get latest news updates delivered to you via WhatsApp
ସେଠାରେ ପଢ଼ିବା ସମୟରେ ମୁଁ ବହୁତ କିଛି ଶିଖିଥିଲି। ସେ ସମୟରେ ଜଣା ନଥିଲା କି ମୁଁ ଆଗକୁ ଯାଇ ଏକ କମ୍ପାନି ଠିଆ କରିବି । ପାଠପଢ଼ା ପରେ ମୋର ଜଣେ ସାଙ୍ଗ ସଚିନ୍ ଆମାଜନରେ ଚାକିରି ପାଇବା ପରେ ମୋ ଚାକରି ପାଇଁ ସେଠାରେ ଆବେଦନ କରିଥିଲେ । ଏହା ପରେ ମୋତେ ଚାକିରି ମିଳିଥିଲା । ମୁଁ ଆମାଜନରେ ଚାକିରି ମଧ୍ୟ କରିଥିଲି । କିନ୍ତୁ ୮ମାସ ପରେ ମୁଁ ଚାକରି ଛାଡ଼ି ଫ୍ଲିପ୍କାର୍ଟ ଆରମ୍ଭ କରିବା କଥା ଭାବିଥିଲି । ଏଥିରେ ମୋ ସାଥ୍ ଦେଇଥିଲେ ସଚିନ୍ । ସେ ମଧ୍ୟ ଚାକିରି ଛାଡ଼ି ମୋ ସହ ଯୋଗ ଦେବା ପରେ ୨୦୦୭ରେ ଆମେ ଫ୍ଲିପ୍କାର୍ଟ ଆରମ୍ଭ କରିଥିଲୁ ।