ଜେନିଭା: ଉଡନ୍ତା କାର ବିଷୟରେ ଆପଣ ବୋଧହୁଏ ଜେମସ ବଣ୍ଡ ଚଳଚ୍ଚିତ୍ରରେ ଦେଖିଥିବେ । କିନ୍ତୁ ଅସଲ ଦୂନିଆରେ ଏହା ଆଜି ପର୍ଯ୍ୟନ୍ତ ଏକ କଳ୍ପନାର ବସ୍ତୁ ହୋଇରହିଥିଲା । ଏବେ ଏହା ସାକାର ହେବାପରି ଲାଗୁଛି । ଡଚ୍ କମ୍ପାନି ପାଲ୍-ଭି ପକ୍ଷରୁ ଜେନିଭା ମୋଟର ଶୋ’ରେ ଏକ ଉଡନ୍ତା କାରର ପ୍ରଦର୍ଶନ କରାଯାଇଛି । ଏହାକୁ କୁହାଯାଉଛି ଗାଇରୋକ୍ରପ୍ଟର । ଏହାକୁ ଖୁବଶୀଘ୍ର ବଜାରେର ବିକ୍ରି ପାଇଁ ଛାଡିବ କମ୍ପାନି । ଏହା ଏକ ତିନିଚକିଆ ଯାନ । ଏହା ସଡ଼କରେ ସାଧାରଣ ଯାନ ପରି ଚାଲିବ ଓ ଆକାଶରେ ମଧ୍ୟ ଉଡିପାରିବ । ଏଥିରେ କେବଳ ଦୁଇଜଣ ଯାତ୍ରୀ ବସିପାରିବେ । ସଡକରେ ଚାଲିବାବେଳେ ଏହା ଘଣ୍ଟାପ୍ରତି ସର୍ବାଧିକ ୯୯ ମାଇଲ ବେଗରେ ଚାଲି ପାରିବ । ସେହିପରି ଆକାଶରେ ଉଡିବାବେଳେ ଏହା ଘଣ୍ଟା ପ୍ରତି ୧୧୨ ମାଇଲ ବେଗରେ ଯାଇପାରିବ । ଏହାର ମୂଲ୍ୟ ରହିଛି ୨୬୮,୦୦୦ ପାଉଣ୍ଡ ରହିଛି । ଏଥିରେ ଥିବା ଏକ ବ୍ଲେଡ୍ ବୁଲିବା ଦ୍ୱାରା ଏହ ଉଡିଥାଏ । ଏଥିରେ ଦୁଇଟି ଇଂଜିନ ଲାଗିଛି । କେବଳ ପାଲ୍-ଭି ନୁହେଁ ଆଉ କେତେକ କମ୍ପାନି ମଧ୍ୟ ଉଡନ୍ତା କାର ନିର୍ମାଣ କରୁଛନ୍ତି ।
Sambad is now on WhatsApp
Join and get latest news updates delivered to you via WhatsApp