ଭାରତର ଗଳିକନ୍ଦିରେ ଖୁଲମଖୁଲା ଭାବେ ବିକ୍ରି ହେଉଛି ବିିଦେଶରେ ବ୍ୟାନ୍‌ ହୋଇଥିବା ଏହି ସବୁ ଦ୍ରବ୍ୟ

ବିଦେଶରେ ଯେଉଁ ଦ୍ରବ୍ୟର ବ୍ୟବହାର ପାଇଁ ବ୍ୟାନ୍ ଲାଗିଯାଇଛି ସେହି ଦ୍ରବ୍ୟ ଆମ ପ୍ରଗତିଶୀଳ ଦେଶରେ ବିନା କୌଣସି ରୋକଟୋକରେ ଭାରତର ଗଳିଗଳିରେ ଖୁଲମଖୁଲା ବିକ୍ରି ହେଉଥିବା ଦେଖିବାକୁ ମିଳୁଛି । ଏହି ଦ୍ରବ୍ୟ ଶରୀର ପାଇଁ କ୍ଷତିକାରକ ସାବ୍ୟସ୍ତ ହୋଇଥାଏ । ଏହାର ଲଗାତାର ବ୍ୟବହାର ଭବିଷ୍ୟ ପାଇଁ ଅନେକ ବଡ ବଡ ରୋଗକୁ ଜନ୍ମ ଦେଇଥାଏ । ତେବେ ଆସନ୍ତୁ ଏହି ସବୁ ସାମଗ୍ରୀ ବିଷୟରେ ଆଜି ଜାଣିବା।

ଯନ୍ତ୍ରଣା ନିବାରଣ କରୁଥିବା ମେଡିସିନ୍ (ପେନକିଲର୍ ): ଯନ୍ତ୍ରଣା ନିବାରଣ କରୁଥିବା ମେଡିସିନ୍ ବିଦେଶରେ ସବୁଦିନ ପାଇଁ ବ୍ୟାନ୍ କରାଯାଇଛି । ଏହାର କାରଣ ଏହି ମେଡିସିନ୍ ଭବିଷ୍ୟତରେ ଅନେକ ରୋଗ ସୃଷ୍ଟି କରିବାର କାରଣ ପାଲଟିପାରେ । ଏହି ମେଡିସିନ୍ କିଡନୀ ଏବଂ କେତେ ପ୍ରକାରର ରୋଗକୁ ସୃଷ୍ଟି କରିଥାଏ ।

ଅନପାଶ୍ଚରାଇଜଡ୍ କ୍ଷୀର : ଅନପାଶ୍ଚରାଇଜଡ୍ କ୍ଷୀରରେ ଅନେକ ପ୍ରକାରର ବ୍ୟାକ୍ଟେରିଆ ମହଜୁଦ୍ ଥାଏ । ଯାହା ଶରୀର ପାଇଁ ଅତ୍ୟନ୍ତ କ୍ଷତିକାରକ ଏବଂ ଜୀବନ ନାଶକ ହୋଇଥାଏ । ବିଦେଶରେ ବହୁ ବର୍ଷରୁ ଅନପାଶ୍ଚରାଇଜଡ୍ କ୍ଷୀର ଉପରେ ବ୍ୟାନ୍ ଲଗାଇ ଦିଆଯାଇଛି । କିନ୍ତୁ ଭାରତରେ ଏହି କ୍ଷୀର ଖୁବ୍ ସହଜରେ ମିଳିଯାଏ ।

ରେଡବୁଲ୍ : ମାର୍କେଟରେ ସହଜରେ ମିଳୁଥିବା ଏନର୍ଜୀ ଡ୍ରିଙ୍କ୍ ରେଡବୁଲ୍ ସ୍ୱାସ୍ଥ୍ୟ ପାଇଁ ଖୁବ୍ ହାନିକାରକ ଅଟେ । ଏହି ଡ୍ରିଙ୍କ୍ କୁ ପିଇବା ପରେ କିଛି ସମୟ ପାଇଁ ଶରୀର ଫୁର୍ତ୍ତିଲା ଲାଗେ । କିନ୍ତୁ ଏହାର ଲଗାତାର ସେବନ ଶରୀରରେ ଡିପ୍ରେସନ୍ ,ହାଇପର୍ ଟେନସନ୍ ଏବଂ ହୃଦୟ ରୋଗକୁ ଜନ୍ମ ଦେଇଥାଏ ।

ଲାଇଫ୍ ବଏ ସାବୁନ୍ : ଲାଇଫ୍ ବଏ ସାବୁନ୍ ଭାରତରେ ଅଧିକ ବିକ୍ରି ହେଉଥିବା ସାବୁନ୍ ଭିତରୁ ଗୋଟିଏ । ଯାହା ତ୍ୱଚା ସମ୍ବନ୍ଧୀୟ ରୋଗକୁ ଜନ୍ମ ଦେଇଥାଏ । ତେବେ ଆପଣଙ୍କୁ କହିରଖୁଛୁ ବିଦେଶର କିଛି ସ୍ଥାନରେ ଏହି ସାବୁନ୍ କୁ ପଶୁମାନଙ୍କୁ ଗାଧୋଇବା ସମୟରେ ବ୍ୟବହାର କରାଯାଏ।

ଜେଲି ଚକଲେଟ୍ : ଭାରତରେ ବହୁଳ ମାତ୍ରାରେ ବିକ୍ରି ହେଉଥିବା ପିଲାଙ୍କ ଜେଲି ଚକଲେଟ୍ ଏବଂ କିଣ୍ଡରଜଏ ଚକଲେଟ୍ ବିଦେଶରେ ବ୍ୟାନ୍ ହୋଇସାରିଛି । ଏକ ସ୍ୱାସ୍ଥ୍ୟ ସର୍ଭେ ଅନୁସାରେ ଏହି ଚକଲେଟ୍ ଖାଇବା ଦ୍ୱାରା ନିଶ୍ୱାସପ୍ରଶ୍ୱାସ ନେବାରେ ଅସହଜ ଲାଗେ । ତେଣୁ ପିଲାଙ୍କୁ ଏହି ଚକଲେଟ୍ ଠାରୁ ଦୂରେଇ ରଖିବା ଦରକାର ।