୩ବର୍ଷୀୟ ଶିଶୁକନ୍ୟାକୁ ଅପହରଣ କରିଥିବା ଅଭିଯୁକ୍ତକୁ ଧରିବା ପାଇଁ ୨୬୦ କିଲୋମିଟର ନନ୍ ଷ୍ଟପ୍ ଚାଲିଲା ଟ୍ରେନ, ତା’ ପରେ…..

ଭୋପାଳ: ପ୍ରଥମ ଥର ପାଇଁ ନନ୍ ଷ୍ଟପ୍ ଚାଲିଲା ଟ୍ରେନ | ଅପହରଣକାରୀଠାରୁ ୩ବର୍ଷୀୟ ଶିଶୁକନ୍ୟାକୁ ଉଦ୍ଧାର କରିବା ପାଇଁ ଲଳିତପୁରରୁ ଭୋପାଳକୁ ନନ୍ ଷ୍ଟପ୍ ଟ୍ରେନ ଚାଲିବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି | ପ୍ରାୟ ୨୬୦କିଲୋମିଟର ପର୍ଯ୍ୟନ୍ତ ଟ୍ରେନ ନନ୍ ଷ୍ଟପ୍ ଚାଲିବା ପରେ ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛି ରେଲୱେ ସୁରକ୍ଷା ବଳ(ଆରପିଏଫ) |

From Lalitpur to Bhopal': Train made to run non-stop to nab kidnapper, rescue 3-year-old girl | Sangbad Pratidin‌‌
Sangbad Pratidin

ସୂଚନା ମୁତାବକ, ଅଭିଯୁକ୍ତଜଣଙ୍କ ଲଳିତପୁର ରେଳ ଷ୍ଟେସନରୁ ଶିଶୁକୁ ଅପହରଣ କରି ଭୋପାଳ ଯାଉଥିବା ଟ୍ରେନରେ ଚଢ଼ିଥିଲା | ଶିଶୁର ମାତା-ପିତା ଏ ନେଇ ଅଭିଯୋଗ କରିବା ପରେ ସିସିଟିଭି ଯାଞ୍ଚ କରି ଅଭିଯୁକ୍ତ ଭୋପାଳ ଯାଉଥିବା ରପ୍ତିସାଗର ଏକ୍ସପ୍ରେସରେ ଚଢିଥିବା ଜାଣି ଆରପିଏଫ ଭୋପାଳର ଅପରେଟିଂ କଣ୍ଟ୍ରୋଲ୍ ଟିମକୁ ସୂଚନା ଦେଇଥିଲେ | ଏହା ସହ ଅଧିକାରୀଙ୍କୁ ଟ୍ରେନ ବାଟରେ ନଟକାଇବା ପାଇଁ ଅନୁରୋଧ କରିଥିଲେ ଆରପିଏଫ ଇନ୍ସପେକ୍ଟର |  ବାଟରେ ଟ୍ରେନ ଅଟକିଲେ ଅଭିଯୁକ୍ତ ଖସି ପଳାଇବାର ଆଶଙ୍କା ଥିବାରୁ ଟ୍ରେନ ବାଟରେ ଅଟକି ନଥିଲା | ଆରପିଏଫ ଇନ୍ସପେକ୍ଟରଙ୍କ ଅନୁରୋଧ ରକ୍ଷା କରି ଟ୍ରେନ ନନ୍ ଷ୍ଟପ୍ ଚାଲିବା ସହ ଭୋପାଳରେ ପହଞ୍ଚିଥିଲା |  ସେଠାରେ ଅଭିଯୁକ୍ତ ଓଲ୍ହାଇବା ପରେ ଅଭିଯୁକ୍ତକୁ ଗିରଫ କରି ଶିଶୁକୁ ଉଦ୍ଧାର କରିଥିଲେ ଆରପିଏଫ ଅଧିକାରୀ |

ସମ୍ବନ୍ଧିତ ଖବର

Comments are closed.