ବିନା କୋଚିଂରେ ବି କେମିତି ପାଇହେବ ଆଇଏଏସ, ଜାଣନ୍ତୁ କଣ କହନ୍ତି ଗନ୍ଧର୍ବ ରାଥୋଡ
ବିନା କୋଚିଂରେ ଆଇଏଏସ ପରୀକ୍ଷାରେ ବି ସଫଳତା ପାଇହେବ | ଆପଣ ପଚାରିବେ, କେମିତି ସମ୍ଭବ | ଆପଣଙ୍କର ଏହି ଦ୍ଵନ୍ଦକୁ ଦୂର କରିଛନ୍ତି ୨୦୧୫ ମସିହାରେ ୟୁପିଏସସି ପରୀକ୍ଷାରେ ସର୍ବଭାରତୀୟ ସ୍ତରରେ ୯୩ ରାଙ୍କ ପାଇଥିବା ଗନ୍ଧର୍ବ ରାଥୋଡ | ତେବେ ସଫଳତା ପଛର ରହସ୍ୟ କଣ ଜାଣନ୍ତୁ |
Sambad is now on WhatsApp
Join and get latest news updates delivered to you via WhatsApp
ଦିଲ୍ଲୀ ବିଶ୍ୱବିଦ୍ୟାଳୟର ବାଣିଜ୍ୟରେ ସ୍ନାତକ ହାସଲ କରିଥିବା ଗନ୍ଧର୍ବ ସମାଜ ପାଇଁ କିଛି କରିବା ଲକ୍ଷ୍ୟ ନେଇ ସିଭିଲ ସର୍ଭିସ ପରୀକ୍ଷା ଦେଇଥିଲେ | ସେ କୁହନ୍ତି ଯେ,’ସିଭିଲ ସର୍ଭିସ ପରୀକ୍ଷା ଦେବାକୁ ଇଚ୍ଛା କରୁଥିବାବେଳେ ମୋର କିଛି ସାଙ୍ଗ ୟୁପିଏସସି ପରୀକ୍ଷା ପାଇଁ କୋଚିଂ ନେଉଥିଲେ | ସେମାନଙ୍କ ପାଖରୁ ପରୀକ୍ଷାର ଖସଡ଼ା ବା ସିଲାବସ ବାବଦରେ ମୁଁ ବୁଝିଥିଲି | ଏହା ପରେ ନିଜ ପାଇଁ ଏକ ଇସ୍ତାହାର ତିଆରି କରିଥିଲି | ପରୀକ୍ଷାରେ ସଫଳତା ପାଇବାକୁ ହେଲେ କଣ ସବୁ କରିବାକୁ ପଡିବ ତାହା ଲେଖିଥିଲି |
ଯେଉଁମାନେ ପୂର୍ବରୁ ସଫଳତା ପାଇଥିଲେ ସେମାନଙ୍କ ଠାରୁ ପଚାରି ବୁଝିଥିଲି ଯେ କିଭଳି ପ୍ରଶ୍ନ ଆସିଥାଏ ଓ ଭାଇଭାରେ କଣ ସବୁ ପଚରାଯାଏ’ | ତାଙ୍କର କହିବା ମୁତାବକ ସମ୍ପୂର୍ଣ୍ଣ ପରୀକ୍ଷାର ସିଲାବସ ଅନୁଯାୟୀ ଗନ୍ଧର୍ବ ୮୦ ପ୍ରତିଶତ ସମୟ ମୁଖ୍ୟ ବିଷୟକୁ ପଢୁଥିବାବେଳେ ୧୦ ପ୍ରତିଶତ ବିକଳ୍ପ ବିଷୟ ଓ ଅନ୍ୟ ୧୦ ପ୍ରତିଶତ ସବୁ ବିଷୟ ପାଇଁ ଦେଉଥିଲେ | ଯଦି କେହି ବିନା କୋଚିଂରେ ଆଇଏଏସ ପାଇଁ ପ୍ରସ୍ତୁତ ହେଉଥାନ୍ତି ତେବେ ପ୍ରଥମେ ସିଲାବସକୁ ଭଲ ଭାବରେ ବୁଝିବା ଆବଶ୍ୟକ | ସିଲାବସକୁ ଭଲ ଭାବରେ ବୁଝିବା ପାଇଁ ଅଧିକ ସମୟ ଦେବା ଆବଶ୍ୟକ | ସିଲାବସକୁ ବୁଝିବା ପରେ ଜଣେ ଉତ୍ତର ଲେଖିବା ଅଭ୍ୟାସ କରିବା ଉଚିତ |
ସେ କୁହନ୍ତି ଯେ,’ଲିଖନ ଶୈଳୀ ପରିବର୍ତ୍ତନ ସହ ଘଣ୍ଟାକ ମଧ୍ୟରେ କେତେ ଅଧିକ ପ୍ରଶ୍ନର ସଠିକ ଉତ୍ତର ଦେଇପାରୁଛି ତାହାର ଅଭ୍ୟାସ କରିଥିଲି | ସେହିଭଳି ପ୍ରଶ୍ନର ଉତ୍ତରରେ କିଭଳି ଆର୍ଥିକ, ରାଜନୈତିକ, ଆଇନ, ସାମାଜିକ-ସାଂସ୍କୃତିକ ଭଳି ପ୍ରସଙ୍ଗକୁ ଲଗୁରୁତ୍ବ ଦେଇ ଲେଖିହେବ ସେ ନେଇ ଯତ୍ନବାନ ହୋଇଥିଲି’ |