ନୂଆଦିଲ୍ଲୀ: କିଛି ବର୍ଷ ପୂର୍ବେ ‘ସୋନମ ଗୁପ୍ତା ବେୱାଫା ହୈ’ ଲେଖାଥିବା ଏକ ଭାରତୀୟ ନୋଟ ସୋସିଆଲ ମିଡିଆରେ ଭାଇରାଲ ହୋଇଥିଲା। ଯାହାକୁ ନେଇ ଲୋକମାନେ ଖୁବ ମଜାକ ଉଡ଼ାଇଥିଲେ। ବର୍ତ୍ତମାନ ସୋସିଆଲ ମିଡିଆରେ ଏହିପରି ଏକ ଫଟୋ ଭାଇରାଲ ହେଉଛି। ଯେଉଁଥିରେ ୧୦ ଟଙ୍କାର ନୋଟରେ କଲମରେ ଲେଖା ହୋଇଛି, ‘ବିଶାଲ, ମୋର ବିବାହ ଏପ୍ରିଲ ୨୬ ତାରିଖରେ। ମୋତେ ନେଇଯାଅ, ମୁଁ ତୁମକୁ ଭଲ ପାଏ । ତୁମର କୁସୁମ। ‘
Sambad is now on WhatsApp
Join and get latest news updates delivered to you via WhatsApp
ଏହି ନୋଟକୁ ଦେଖି ଅନୁମାନ କରାଯାଉଛି କି, କୁସୁମ୍ ତାଙ୍କ ପ୍ରେମିକ ବିଶାଲଙ୍କୁ ସୂଚନା ଦେଇଛନ୍ତି କି ଏପ୍ରିଲ ୨୬ରେ ତାଙ୍କର ବିବାହ ଅଛି। ତେଣୁ ତାଙ୍କୁ କେଉଁଆଡେ ଫେରାର କରି ନେଇ ଯାଆନ୍ତୁ। ନିଜ ପ୍ରେମିକଙ୍କ ପାଇଁ ଯୁବତୀଙ୍କ ଏହି ବାର୍ତ୍ତା ଇଣ୍ଟରନେଟରେ ଭାଇରାଲ ହେବାରେ ଲାଗିଛି।
Twitter show your power… 26th April ke Pehle kusum ka Yeh message vishal tak pahuchana hai.. Doh pyaar karne wale ko milana hai.. Please amplify n tag all vishal you know.. 😂 pic.twitter.com/NFbJP7DiUK
— Crime Master Gogo 🇮🇳 (@vipul2777) April 18, 2022
ଏହି ବାର୍ତ୍ତା ପଢ଼ିବା ପରେ ଏପ୍ରିଲ ୨୬ ପୂର୍ବରୁ ପ୍ରେମିକ କୁସୁମ ପାଖରେ ପହଞ୍ଚି ଯାଆନ୍ତୁ ବୋଲି ଆଶା ରଖିଛନ୍ତି ସୋସିଆଲ ମିଡିଆ ବ୍ୟବହାରକାରୀ। ଫଟୋର କ୍ୟାପସନରେ ଲେଖା ଅଛି, ‘ଟ୍ୱିଟର ବ୍ୟବହାରକାରୀମାନେ ଶକ୍ତି ପ୍ରଦର୍ଶନ କରନ୍ତୁ। କୁସୁମର ଏହି ବାର୍ତ୍ତା ଏପ୍ରିଲ ୨୬ପୂର୍ବରୁ ବିଶାଲ ପାଖରେ ପହଞ୍ଚି ଯାଉ। ଦୁଇ ପ୍ରେମୀଙ୍କୁ ଏକଜୁଟ କରିବାର ଅଛି।
ଜଣେ ସୋସିଆଲ ମିଡିଆ ବ୍ୟବହାରକାରୀ ଥଟ୍ଟା କରି ଲେଖିଛନ୍ତି, ‘ଏହି ଖବର ବିଶାଲ ପାଖରେ ପହଞ୍ଚିବା ବେଳକୁ କୁସୁମ ଦୁଇଟା ସନ୍ତାନର ମା’ ହୋଇଯାଇଥିବ।