ନୂଆଦିଲ୍ଲୀ: ବିବାହ ଋତୁ ପାଖେଇ ଆସିଲାଣି। ଏଭଳି ସମୟରେ ଯେଉଁମାନଙ୍କର ବିବାହ ପାଇଁ ତାରିଖ ସ୍ଥିର ହୋଇଯାଇଛି ସେମାନେ ପ୍ରସ୍ତୁତି ବି ଆରମ୍ଭ କରି ଦେଲେଣି। ବିବାହ ସମୟରେ ଅନେକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥାଏ ପୂର୍ବରୁ ହୋଇଛି ମଧ୍ୟ।

Advertisment

ଏହି କ୍ରମରେ ନିକଟରେ ଭାଇରାଲ ହୋଇଥିବା ଜଣେ ବରଙ୍କ ଭିଡିଓ ଚର୍ଚ୍ଚାରେ ରହିଛି। ଏହି ବର ଜଣକ ୫୦୦ଟଙ୍କିଆ ଟଙ୍କାର ମାଳା ପିନ୍ଧିଛନ୍ତି। ଯାହାର ମୂଲ୍ୟ ପାଖାପାଖି ୨ଲକ୍ଷ ଟଙ୍କା ହେବ ବୋଲି କୁହାଯାଉଛି।

ତେବେ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବାପରେ ଲୋକେ ବିଭିନ୍ନ ପ୍ରତିକ୍ରିୟା ଦେଇ ଉକ୍ତ ବରଙ୍କୁ ଟ୍ରୋଲ କରିବା ସହିତ କେହିକେହି ତାଙ୍କୁ ଧମକ ବି ଦେଇଛନ୍ତି। ଏଥିସହିତ ଟଙ୍କାର ଏଭଳି ବ୍ୟବହାର ପାାଇଁ ଉକ୍ତ ବରଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ପୁଲିସକୁ ଲୋକେ  ଦାବି ବି କରିଛନ୍ତି।

ଭିଡିଓରେ ଦେଖିବାକୁ ମିଳୁଛି, ଜଣେ ବର ୫୦୦ଟଙ୍କିଆ ଟଙ୍କାର ମାଳା ପିନ୍ଧିଛନ୍ତି। ଆଉ ଛାତ ଉପରେ ଛିଡ଼ା ହୋଇଛନ୍ତି। ଏହି ସମୟରେ ବର ପିନ୍ଧିଥିବାି ମାଳା ଛାତ ଉପର ଦେଇ ଚଟଣାରେ ପଡ଼ିଥିବା ଦେଖିବାକୁ ମିଳୁଛି। ଏହାକୁ ନେଇ କିଛିଲୋକ ବରଙ୍କୁ ଟ୍ରୋଲ କରି କହିଛନ୍ତି, ‘ଆଜ୍ଞା ଭାଇ ଏମିତି ଟଙ୍କା ମାଳା ପିନ୍ଧିବା ଅପେକ୍ଷା ଉକ୍ତ ଟଙ୍କାରେ ଘର ତିଆରି କରିଦିଅନ୍ତୁ।’