ଷ୍ଟେସନରେ ଫୋନ୍ ଛାଡ଼ି ଦେଲେ ବିଦେଶୀ, ଖୋଜି ଖୋଜି ଫେରାଇଲା ପୁଲିସ୍ ! ଖୁସିରେ କହିଲେ ‘ଧନ୍ୟବାଦ ଭାରତ’
ଲକ୍ଷ୍ନୌ: ବିଦେଶୀ ପର୍ଯ୍ୟଟକଙ୍କୁ ସାହାଯ୍ୟ କରି ପ୍ରଶଂସାର ପାତ୍ର ପାଲଟିଲା ଉତ୍ତର ପ୍ରଦେଶ ପୁଲିସ୍ । ଉତ୍ତର ପ୍ରଦେଶର ସରକାରୀ ରେଲୱେ ପୋଲିସ୍ (ଜିଆରପି) ସୋମବାର ରାତିରେ ଜଣେ ଆମେରିକୀୟ ନାଗରିକଙ୍କୁ ତାଙ୍କ ହଜିଯାଇଥିବା ମୋବାଇଲ୍ ଫୋନ୍ ଫେରସ୍ତ କରି ପ୍ରଶଂସା ସାଉଁଟିଛି । ହଜିଯାଇଥିବା ଫୋନଟିକୁ ପାଇ ପୁଲିସ୍ ଅଫିସରଙ୍କୁ ଧନ୍ୟବାଦ ଦେଇଥିଲେ ବିଦେଶୀ ନାଗରିକ।
Sambad is now on WhatsApp
Join and get latest news updates delivered to you via WhatsApp
ପୁଲିସର କହିବା ମୁତାବକ, ପଣ୍ଡିତ ଦୀନଦୟାଲ୍ ଉପାଧ୍ୟାୟ ଜଙ୍କସନରେ ଏହି ଆମେରିକୀୟ ଯାତ୍ରୀ ପ୍ଲାଟଫର୍ମରେ ମୋବାଇଲ୍ ଚାର୍ଜିଙ୍ଗ୍ ପଏଣ୍ଟରେ ଫୋନ୍ ଲଗାଇ ଭୁଲିଯାଇଥିଲେ । ଜଣେ ଜିଆରପି କନଷ୍ଟେବଲଙ୍କ ନଜର ମୋବାଇଲ ଉପରେ ପଡିବା ପରେ ସେ ଯାଞ୍ଚ୍ କରିବା ପାଇଁ ଫୋନକୁ ଥାନାକୁ ନେଇ ଆସିଥିଲେ । ଫୋନଟି ଜଣେ ବିଦେଶୀ ନାଗରିକଙ୍କ ଜଣାପଡିବା ପରେ ପାଖାପାଖି ଅଧଘଣ୍ଟା ପର୍ଯ୍ୟନ୍ତ ପ୍ଲାଟଫର୍ମରେ ବିଦେଶୀ ଜଣଙ୍କୁ ଖୋଜିଥିଲା ପୁଲିସ୍।
ବହୁ ଖୋଜାଖୋଜି ପରେ ଜୋସେଫ୍ ମେଲ୍ଟଜର୍ ନାମକ ଏହି ବିଦେଶୀ ଯାତ୍ରୀଙ୍କୁ ପାଇବା ପରେ ପୋଲିସ୍ ତାଙ୍କୁ ଫୋନ୍ ହସ୍ତାନ୍ତର କରିଥିଲେ । ଫୋନ୍ ପାଇବା ପରେ ଜୋସେଫ୍ ପୁଲିସ୍ କର୍ମଚାରୀଙ୍କୁ ଧନ୍ୟବାଦ ଜଣାଇବା ସହ ‘ଧନ୍ୟବାଦ ଭାରତ’ ବୋଲି କହିଥିଲେ ।