ନୂଆଦିଲ୍ଲୀ: ଜଣେ ମହିଳା ତାଙ୍କ ଘର ଛାତ ଉପରେ ଏମିତି ଏକ ଦୃଶ୍ୟ ଦେଖିବାକୁ ପାଇଥିଲେ କି ଆଶ୍ଚର୍ଯ୍ୟ ହେବା ସହିତ ଭୟଭୀତ ବି ହୋଇଯାଇଥିଲେ। କୈଥି ଗାଲ ନାମକ ଏହି ମହିଳା ଏକ ଭିଡିଓ ଫୁଟେଜ ଫେସ୍ବୁକ୍ରେ ସେୟାର କରିଛନ୍ତି। ଏଥିରେ ଟିଭି ଆଣ୍ଟିନାରେ ଏକ ବିଶାଳକାୟ ଅଜଗର ଝୁଲିଥିବା ଦେଖିବାକୁ ମିଳୁଛି। କେବଳ ସେଥିକି ନୁହେଁ ସେ ଆଣ୍ଟିନାରେ ଝୁଲି ଏକ ପକ୍ଷୀ ବି ଶିକାର କରିଛି।
Sambad is now on WhatsApp
Join and get latest news updates delivered to you via WhatsApp
କୈଥି ବୁଧବାର ସକାଳେ ଅଷ୍ଟ୍ରେଲିଆର କିଙ୍ଗସକ୍ଲିଫ୍ସ୍ଥିତ ନିଜ ଘର ଛାତ ଉପକୁ ଯାଇଥିବା ସମୟରେ ଏହି ଦୃଶ୍ୟ ଦେଖିବାକୁ ପାଇଥିଲେ। ଏବଂ ଦୃଶ୍ୟକୁ ନିଜ କ୍ୟାମେରାରେ କୈଦ୍ କରି ନେଇଥିଲେ। ଏହାପରେ ସେ କିଙ୍ଗସକ୍ଲିଫ୍ ହେପାନିଙ୍ଗସ୍ ନାମକ ଏକ ଫେସ୍ବୁକ୍ ଗ୍ରୁପ୍ରେ ଏହି ଭିଡିଓକୁ ପୋଷ୍ଟ କରିଥିଲେ। ଭିଡିଓଟି ଭାଇରାଲ ହେବାରେ ଲାଗିଛି।
କୈଥ ଏହି ଘଟଣା ବିଷୟରେ କହନ୍ତି, ମୁଁ ଯେତେବେଳେ ଛାତ ଉପରକୁ ଗଲି, ଦେଖିଲି ଟିଭି ଆଣ୍ଟିନାରେ ଏକ ଅଜଗର ଝୁଲିଛି। ପୁଣି ସେ ଏକ ପକ୍ଷୀକୁ ବି ଶିକାର କରିଛି। ଯାହାକୁ ଖାଇବାରେ ଲାଗିଛି। ଅଜଗର ପକ୍ଷୀଟିକୁ ଖାଇବାକୁ ଅଢ଼େଇ ଘଣ୍ଟାର ସମୟ ନେଇଥିଲା।