କୁମ୍ଭମେଳାରେ ଭାସି ଯାଉଥିବା ଯୁବକଙ୍କୁ ରକ୍ଷା କରିବାକୁ ଯାଇ ଆହତ ହୋଇଥିଲେ, ଶେଷରେ ଜୀବନ ହାରିଲେ ଏନ୍ଡିଆର୍ଏଫ୍ କନଷ୍ଟେବଳ
ନୂଆଦିଲ୍ଲୀ : ନିଜର କର୍ତ୍ତବ୍ୟ କରିବାକୁ ଯାଇ ଆର ପାରିକୁ ଚାଲି ଯାଇଛନ୍ତି ଏନ୍ଡିଆର୍ଏଫ୍ କନେଷ୍ଟବଳ ରଜେନ୍ଦର ଗୌତମ । ଶୁକ୍ରବାର ସକାଳ ୫.୩୦ ସମୟରେ ଦିଲ୍ଲୀର ଏକ ଡ଼ାକ୍ତରଖାନାରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ମୃତ ରଜେନ୍ଦର ହିମାଚଳ ପ୍ରଦେଶରେ ଥିବା ବିଲାସପୁରର ବାସିନ୍ଦା ବୋଲି ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଫେବୃଆରି ୧୯ରେ କୁମ୍ଭ ମେଳାକୁ ବୁଡ଼ ପକାଇବା ପାଇଁ ଆସିଥିବା ଜଣେ ଯୁବକ ଭାସି ଯାଉଥିବା ଦେଖି ରଜେନ୍ଦର ତାଙ୍କୁ ବଞ୍ଚାଇବା ପାଇଁ ପାଣିକୁ ଡେଇଁଥିଲେ । କିନ୍ତୁ ଏହି ସମୟରେ ତାଙ୍କ ଶରୀରର ପଞ୍ଜରା ହାଡ଼ରେ ଗଭୀର ଆଘାତ ଲାଗିଥିଲା । ଯୁବକଙ୍କୁ କୂଳକୁ ଆଣିବା ପରେ ରଜେନ୍ଦରଙ୍କୁ ତୁରନ୍ତ ବିମାନ ଯୋଗେ ଦିଲ୍ଲୀର ଏକ ଡ଼ାକ୍ତରଖାନାକୁ ଅଣାଯାଇଥିଲା । କିଛି ଦିନ ଚିକିତ୍ସା ଚାଲିବା ପରେ ଶୁକ୍ରବାର ସେ ଜୀବନ ଯୁଦ୍ଧ ହାରି ଯାଇଥିଲେ । ସକାଳ ୫.୩୦ ମିନିଟ୍ ସମୟରେ ତାଙ୍କର ମୃତ୍ୟୁ ହୋଇଥିଲା । ମୃତ୍ୟୁ ପରେ ଏନ୍ଡିଆର୍ଏଫ୍ର ଇନ୍ସ୍ପେକ୍ଟର ଜେନେରାଲ ଏଲ୍. ରବି ଜୋସେଫ୍ ଏ ନେଇ ସୂଚନା ଦେଇଥିଲେ ।