ହିଜାବ ପିନ୍ଧି ବଡିବିଲ୍ଡିଂ କରୁଛନ୍ତି ଏହି ଭାରତୀୟ ମହିଳା : ପାଓ୍ଵାର ଲିଫଟିଂରେ ଜିତିଛନ୍ତି ଅନେକ ପୁରସ୍କାର
ନୂଆଦିଲ୍ଲୀ : ବର୍ତ୍ତମାନ ଯୁଗରେ ସୋସିଆଲ ମିଡ଼ିଆ ପାଇଁ କାହାକୁ କିଛି କଥା ଅଛପା ହୋଇ ରହୁନାହିଁ । କେରଳର ଜଣେ ୨୩ ବର୍ଷିୟ ମହିଳା ପରମ୍ପରାକୁ ବଜାୟ ରଖିବା ସହ ପୂରା କରିଛନ୍ତି ନିଜ ସ୍ୱପ୍ନ । ମଜ୍ଜିଆ ବାନୁ ଲୋକଙ୍କ ମଧ୍ୟରେ ଥିବା ପୁରଣା ଚିନ୍ତାଧାରାକୁ ପରିବର୍ତ୍ତନ କରିବା ପାଇଁ ଚେଷ୍ଟା କରିଛନ୍ତି । ସେ ହିଜାବ (ମୁସଲମାନ୍ ମହିଳାଙ୍କ ପାରମ୍ପରିକ ପୋଷାକ) ପିନ୍ଧି କରିଛନ୍ତି ବଡ଼ିବିଲଡ଼ିଂ କରିଛନ୍ତି। ସୋସିଆଲ ମିଡ଼ିଆରେ ତାଙ୍କର ଫଟୋ ଏବଂ ଭିଡ଼ିଓ ଭାଇରାଲ ହେଉଥିବା ବେଳେ ସବୁଆଡ଼େ ତାଙ୍କର ହିଁ ଚର୍ଚ୍ଚା ହେଉଛି ।
Sambad is now on WhatsApp
Join and get latest news updates delivered to you via WhatsApp
କେରଳର ୨୫ ବର୍ଷିୟ ମଜ୍ଜିଆ ଦନ୍ତ ଚିକିତ୍ସା ପାଠ୍ୟକ୍ରମ କରୁଥିବା ବେଳେ ପାଓ୍ଵାର ଲିଫଟିଙ୍ଗରେ ଅନେକ ପୁରସ୍କାର ଏବଂ ମେଡ଼ାଲ ଜିତି ସାରିଲେଣି । ମଜ୍ଜିୟା ତାଙ୍କ ଭାବିସ୍ୱାମୀଙ୍କ ଦ୍ୱାରା ପ୍ରୋତ୍ସାହିତ ହୋଇ ୨୦୧୬ ମସିହାରେ ବଡିିବିଲଡ଼ିଂ ଆରମ୍ଭ କରିଥିଲେ । ପ୍ରଥମେ ସେ ମନା କରୁଥିଲେ କାରଣ ଏଥିପାଇଁ ତାଙ୍କୁ ଅଙ୍ଗ ପ୍ରଦର୍ଶନ କରିବା ପାଇଁ ପଡ଼ିଥାନ୍ତା । କିନ୍ତୁ ତାଙ୍କ ଭାବିସ୍ୱାମୀ ତାଙ୍କୁ ମିଶରର କିଛି ମହିଳାଙ୍କର ଫଟୋ ଦେଖାଇଥିଲେ ଯେଉଁଥିରେ ମହିଳାମାନେ ହିଜାବ ପିନ୍ଧି ବଡ଼ିବିଲଡ଼ିଂ କରୁଥିଲେ । ଏହା ପରେ ସେ ମଧ୍ୟ ତାଙ୍କର ବଡ଼ିବିଲଡ଼ିଂ ଅଭ୍ୟାସ ଆରମ୍ଭ କରିଥିଲେ ।
ମଜ୍ଜିଆ ୩ ଥର କେରଳର ସବୁଠାରୁ ଶକ୍ତିଶାଳୀ ମହିଳା ପଦକ ଜିତି ସାରିଲେଣି । ଗତ ୨୫ ତାରିଖରେ ଆୟୋଜିତ ହୋଇଥିବା ମିଷ୍ଟର କେରଳ କଣ୍ଟେଷ୍ଟରେ ଶ୍ରେଷ୍ଠ ମହିଳା ଫିଟନେସ୍ ଫିଜିକ ପଦକ ହାସଲ କରିଛନ୍ତି । ଏହି ପଦକ ହାସଲ କଲା ପରେ ସେ ନିଜେ ମଧ୍ୟ ଆଶ୍ଚର୍ଯ୍ୟ ଯେ କିପରି ସେ ପୁରୁଷମାନଙ୍କର ପ୍ରତିଯୋଗିତାରେ ସଫଳତା ହାସଲ କରିଦେଲେ ।
“ସେ ସଂପୂର୍ଣ୍ଣ ପୁରୁଷମାନଙ୍କ ଭଳି ଅଭ୍ୟାସ କରିଥାନ୍ତି । ସେ ବହୁତ କଷ୍ଟ କରନ୍ତି। ଜଣେ ମହିଳା ହିଜାବ ପିନ୍ଧି ଜିମରେ ଅଭ୍ୟାସ କରିବା କିଛି ସହଜ କଥା ନୁହଁ । ସେ ଅନେକ ଅସୁବିଧାର ସମ୍ମୁଖୀନ ହେବା ପରେ ଏଠାରେ ପହଞ୍ଚିଛନ୍ତି ” ବୋଲି କହିଛନ୍ତି ମଜ୍ଜିଆଙ୍କ ଟ୍ରେନର ସାମାଜ ।